திட்டமிட்டு அழிக்கப்படும் தமிழர் வரலாற்றுச் சின்னங்கள்..? : வாவெட்டி மலைக்கு சென்ற பக்தர்களுக்கு காத்திருந்த அதிர்ச்சி !

 (கே .குமணன் )

ஈழத் தமிழர் வர­லாற்­றுடன் தொடர்­பு­டை­யதும்,  ஒட்­டு­சுட்டான் தான்­தோன்­றீஸ்­வரர் ஆல­யத்­துடன் தொடர்­பு­டை­ய­து­மான வாவெட்டி மலை ஆபத்தை எதிர்­கொண்­டுள்­ள­தாக பிர­தேச மக்கள் கவலை தெரி­வித்­துள்­ளனர் . தொல்­பொருள் வல­ய­மாக காணப்­படும் இந்த மலையில் பாரிய அளவில் கல் அகழ்வு இடம்­பெற்றுச் செல்­கின்­ற­மையே இதற்கு கார­ண­மாகும். 

வர­லாற்றுச் சிறப்பு மிக்க முல்­லைத்­தீவு ஒட்­டு­சுட்டான் தான்­தோன்­றீஸ்­வரர் ஆல­யத்­துடன் தொடர்­பு­டைய வாவெட்டி மலையில் அமைந்­துள்ள வாவெட்டி ஈஸ்­வரர் ஆல­யத்தில் நேற்று மக்கள் வழி­பா­டு­களை மேற்­கொண்­டனர்.

ஒட்­டு­சுட்டான் தான்­தோன்­றீஸ்­வரர் ஆலய வேட்டைத் திரு­விழா அன்று  ஆல­யத்­தி­லி­ருந்து வாவெட்­டி­மலை சிவன் ஆல­யத்­துக்குச் சென்று அங்கு விசேட பூசைகள் நடை­பெற்று வேட்­டை­யாடி ஆலயம் திரும்­பு­வது வழ­மை­யாகும். போரால் இது தடைப்­பட்­டி­ருந்­தது. இந்த நிலையில் கடந்த 2017ஆம் ஆண்­டு­முதல் ஒட்­டு­சுட்டான் தான்­தோன்­றீஸ்­வரர் ஆலய வேட்டைத் திரு­விழா நடை­பெறும் நாளில் மக்கள் வாவெட்டி மலைக்கு சென்று அங்கு வழி­பா­டு­களை மேற்­கொண்­டு­வ­ரு­கின்­றனர். அந்­த­வ­கையில்  நேற்று  ஒட்­டு­சுட்டான் தான்­தோன்­றீஸ்­வரர் ஆலய வேட்டைத் திரு­விழா நடை­பெறும் நிலையில்  இந்த மலையில் வழி­பா­டுகள் இடம்­பெற்­றன .

முல்­லைத்­தீவு மாவட்­டத்தில் மிக உயர்ந்த மலை­யாக இது காணப்­ப­டு­கின்­றது. இந்த மலையில் சுமார் 1800ஆம் ஆண்­டுக்கு முற்­பட்ட காலத்­தி­லி­ருந்து வன்­னியை ஆட்சி செய்த மன்­னர்­களால் ஆலயம் உரு­வாக்­கப்­பட்டு வழி­பட்டு வந்­த­மைக்­கான சான்­றுகள் இன்றும் அங்கு காணப்­ப­டு­கின்­றன.

மலையின் உச்­சியில் ஆலயம் இருந்­த­மைக்­கான கற் தூண்கள், மலையின் உச்­சியில் கொடி நாட்­டப்­பட்­ட­மைக்­கான கொடிப்­பீடம் ஆகி­யன இன்றும் காணப்­ப­டு­கின்­றன.

இந்த நிலையில் தொல்­பொருள் திணைக்­க­ளத்தால் தொல்­பொருள் அடை­யாளச் சின்­ன­மாக அடை­யா­ளப்­ப­டுத்­தப்­பட்­டுள்ள இந்த மலையில் கடந்த 10 வரு­டங்­க­ளுக்கு மேலாக கருங்கல் அகழ்வு பணிகள் மிக தீவி­ர­மாக இடம்­பெற்­று­வ­ரு­கின்­றன . நாளாந்தம் பல நூற்­றுக்­க­ணக்­கான டிப்பர்  கருங்கல் வெளி­யி­டங்­க­ளுக்கு இங்­கி­ருந்து கொண்டு செல்­லப்­ப­டு­கின்­றது . தென்­ப­கு­தியை சேர்ந்த இரண்டு நிறு­வ­னங்கள் அனு­ம­தி­களை பெற்று இங்கே கல்­லு­டைக்கும் ஆலை­களை அமைத்து  பெரு­மெ­டுப்பில் கல் அகழ்வில் ஈடு­பட்டு வரு­கின்­றன.

இதனால் தமி­ழர்­களின் வர­லாற்று முக்­கி­யத்­துவம் வாய்ந்த இந்த மலை அழி­வ­டைந்து போகும் அபாயம் தோன்­றி­யுள்­ள­தாக மக்கள் கவலை தெரி­வித்­துள்­ளனர் தொல்­பொருள் திணைக்­க­ளத்தின் ஆளு­கையில் இருக்கும் இந்த மலையில் தொல்­பொருள் இடங்கள் அழி­வ­டையும் வகையில் எவ்வாறு அகழ்வுப் பணியை மேற்கொள்ள அனுமதி வழங்க முடியும் என  மக்கள்  கேள்வி எழுப்புகின்றனர். 

ஈழத் தமிழர்  வரலாற்றுடன் தொடர்புடைய இந்த மலையை தொல்பொருள் திணைக்களம் பாதுக்காக்கவேண்டும் எனவும் மக்கள் வேண்டுகோள் விடுத்துள்ளனர்.

 

https://www.virakesari.lk/article/60406

48 minutes ago, கிருபன் said:

 

ஈழத் தமிழர்  வரலாற்றுடன் தொடர்புடைய இந்த மலையை தொல்பொருள் திணைக்களம் பாதுக்காக்கவேண்டும் எனவும் மக்கள் வேண்டுகோள் விடுத்துள்ளனர்.

https://www.virakesari.lk/article/60406

தொல்பொருள் திணைக்களத்துக்கு பொறுப்பான அமைச்சர் இந்த மக்களின் கோரிக்கையை நிறைவு செய்தால்:

1. அவர் குறிப்பிடும் வேட்பாளருக்கு அடுத்த தேர்தலில் எத்தனை வாக்குகளை இந்த மக்கள் பெற்று கொடுப்பார்கள்?
2. அந்த அமைச்சரின் அடுத்த தேர்தல் செலவுகளுக்கு எவ்வளவு பணத்தை இந்த மக்கள் திரட்டி கொடுப்பர்?

இலங்கையில் முஸ்லிம்கள் என்றும் பலமாக இருப்பதற்கு அவர்கள் இந்த கேள்விகளுக்கு அளிக்கும் பதில்களும், பின்னர் தாம் சொன்னதை செய்து காட்டுவதில் அவர்கள் கொண்டுள்ள உறுதியும் பெரும் பங்களிக்கின்றன.