(எம்.மனோசித்ரா)

போலியான செய்திகள், வெறுக்கத்தக்க பேச்சுக்கள் என்பவற்றை தவிர்த்துக் கொள்வதன் மூலம் ஜனநாயக ரீதியிலான தேர்தலை நடத்த முடியும் எனத் தெரிவித்த சுயாதீன தேர்தல்கள் ஆணைக்குழுவின் தலைவர் மஹிந்த தேசப்பிரிய, அனைத்து வேட்பாளர்களுக்கும் சமவுரிமை வழங்கப்பட வேண்டும் என்பதை தேர்தல்கள் ஆணைக்குழு வலியுறுத்துவதாகவும் குறிப்பிட்டார்.

ஜனாதிபதித் தேர்தலுக்கான வேட்புமனு தாக்கல் இடம்பெற்றதன் பின்னர் ஊடகங்களுக்கு கருத்து தெரிவிக்கையிலேயே அவர் இவ்வாறு தெரிவித்தார்.

அனைவருக்கும் சம உரிமை வழங்கப்பட்டால் மாத்திரமே சுதந்திரமான தேர்தலை நடத்த முடியும். அந்த உரிமையையும் சுதந்திரத்தையும் நாம் அனைவருக்கும் வழங்கியிருக்கின்றோம். தமது கருத்துக்களை கூறுவதற்கு இருக்கின்ற உரிமை ஏனையவர்கள் அவர்களது கருத்துக்களை கூறுவதற்கும் இருக்கிறது என்பதை அனைத்து வேட்பாளர்களிடமும் தெரிவித்திருக்கின்றோம்.

ஏனையவர்களுக்கு கவலையை ஏற்படுத்தாத வகையில் தேர்தல் இடம்பெற வேண்டுமானால் ஒவ்வொருவரும் ஏனையவர்கள் பற்றியும் சிந்திக்க வேண்டும். தனக்கு இருக்கும் உரிமை ஏனைய வேட்பாளர்களுக்கும் இருக்கிறது என்பதை அனைவரும் புரிந்துகொள்ள வேண்டும் என்றார்.

https://www.virakesari.lk/article/66394

7,500 தேர்தல் கண்காணிப்பாளர்களை களமிறக்கவுள்ள கபே

ஜனாதிபதி தேர்தல் கண்காணிப்பு பணிகளுக்காக கபே எனப்படும் நீதியானதும் சுதந்திரமானதுமான தேர்தலுக்கான மக்கள் இயக்கம் 7ஆயிரத்து 500 கண்காணிப்பாளர்களை ஈடுபடுத்த எதிர்பார்த்துள்ளது.

வழமையை விட அதிகளவான வேட்பாளர்கள் போட்டியிடும் நிலையில், கண்காணிப்பு பணிகளுக்காக அதிகளவான ஊழியர்கள் ஈடுபடுத்தப்பட வேண்டிய தேவை ஏற்பட்டுள்ளதாக அந்த அமைப்பு கூறியுள்ளது.

http://www.tamilmirror.lk/செய்திகள்/7-500-தேர்தல்-கண்காணிப்பாளர்களை-களமிறக்கவுள்ள-கபே/175-239665

Edited October 7, 20196 yr by ampanai

இன்றைய தெழில்நுட்பம் வளர்ந்த உலகில், தேர்தலில் சமூகவலைத்தளங்கள் முக்கிய பங்காற்றுகின்றன.

அமெரிக்க தேர்தலில், ஐரோப்பிய நாடுகளில், என பார்க்கின்றோம்.

இலங்கையிலும் இது சாத்தியம் என்றே  தெரிகின்றது.