தமிழர் பிரதேசங்களுக்கு சுயாட்சி வழங்குவதை தவிர்த்துச் செல்லும் போக்கில் இலங்கை அரசு ஒற்றையாட்சி குறித்தும் தெளிவில்லை

தமிழர் பிரதேசங்களுக்கு சுயாட்சி, தமி ழுக்கும் சிங்களத்துக்கும் சம அந்தஸ்து, வடக்கு கிழக்கு ஆகிய முக்கிய விடயங் களை இப்போதைய இலங்கை அரசாங் கம் தவிர்த்துச் செல்லும் போக்கில் செயற் பட்டு வருகிறது என்று தெற்காசியப் பிராந்திய அதிகாரியும் இந்தியாவின் முன் னாள் இராணுவ அதிகாரியுமான ஆர். ஹரிஹரன் தெரிவித்திருக்கிறார்.

ஒற்றையாட்சியின் மூலம் இனப்பிரச் சினையைத் தீர்ப்பதற்கே இலங்கை அரசு முனைந்திருக்கிறது. ஆயினும் ஒற்றையாட்சி யின் அர்த்தத்தை அதனால் தெளிவுபடுத்த முடியவில்லை. என்றும்அவர் கருத்துக் கூறியியுள்ளார்.

இதுவிடயம் தொடர்பாக அவர் மேலும் தெரிவித்திருப்பதாவது

ஜனாதிபதி மஹிந்த ராஜபக்ஷவின் கட்சியான ஸ்ரீலங்கா சுதந்திரக் கட்சிக்கு நாடாளுமன்றத்தில் அதிக பலம் இருப்பதனால் அக்கட்சியால் மாத்திரமே இலங்கை யின் இனப்பிரச்சினையைத் தீர்ப்பதற்கான

வாய்ப்புகள் இருக்கின்றன. இந்த விடயத்தில் அனைத்துக் கட்சிகளின் மாநாட்டு பரிந்துரைகளைக் காட்டிலும் ஸ்ரீலங்கா சுதந்திரக் கட்சியின் பரிந்துரைகளே மிகமுக்கியத்துவம் பெறுகின்றன.

இந்த நிலையில் மாகாண மட்ட அதி காரப் பரவலாக்கலை கைவிட்டு மாவட்ட, பிரதேச மற்றும் கிராம மட்டத்தில் அதி காரத்தைப் பகிரும் திட்டங்களிலேயே அரசு பெரு முனைப்புடன் ஈடுபடுகின்றது. இதன்போது தமிழ்ப் பிரதேசங்களுக்கு சுயாட்சி, தமிழ் மற்றும் சிங்கள மொழி களுக்கு சமஅந்தஸ்து மற்றும் வடக்கு கிழக்கு இணைப்பு ஆகிய மூன்று விட யங்களை அரசு தவிர்த்துச் செல்லும் போக் கில் செயற்பட்டு வருகிறது.

இலங்கை அரசாங்கம் இராணுவ மயப் படுத்தப்பட்ட அரசியல் இலக்குகள், 2006 ஆம் ஆண்டில் இடம்பெற்ற இராணுவ வெற்றிகள் மற்றும் ஜனாதிபதியின் நிகழ்ச்சி நிரல் என்ற அடிப்படையிலேயே தமது முனைப்புகளை முன்னெடுத்துச் செல்கின் றது. இந்த முனைப்புகள் இராணுவ முன் னெடுப்புகள் என்ற செய்கையையே உணர்த்தி நிற்கின்றன என்று அவர் சுட்டிக் காட்டி உள்ளார்

uthayan