தாதிக்கு கொரோனா தொற்றில்லை.! கொரோனா தொற்றென நேற்று அடையாளம் காணப்பட்ட மூவருக்கும் தொற்றில்லையாம் !

கொரோனா; தொற்று என நேற்றையதினம் அடையாளம் காணப்பட்ட இருவருக்கு கொரோனா தொற்று பரிசோதனையில் அவர்களுக்கு தொற்று இல்லையென உறுதிசெய்யப்பட்டுள்ளதாக சுகாதார சேவைகள் பணிப்பாளர் நாயகம் அனில் ஜாசிங்க தெரிவித்தார்.

கொலன்னாவ , ராஜகிரிய பகுதிகளை சேர்ந்த இருவர் மற்றும் கொழும்பு தேசிய வைத்தியசாலையின் தாதி ஒருவருக்கு கொரோனா தொற்று இருப்பதாக நேற்று தெரிவிக்கப்பட்டாலும் அவர்களுக்கு தொற்று இல்லையென்பது இன்று உறுதி செய்யப்பட்டுள்ளதாக சுகாதார சேவைகள் பணிப்பாளர் நாயகம் வைத்தியர் அனில் ஜாசிங்க தெரிவித்துள்ளார்.

காய்ச்சல் அறிகுறிகள் இருந்ததாக அவர்களுக்கு பி சி ஆர் பரிசோதனை நடவடிக்கைகள் செய்யப்பட்டாலும் பரிசோதனை முடிவில் அவர்களுக்கு கொரோனா தொற்று இல்லையென்பது தெரியவந்துள்ளதாக அவர் மேலும் குறிப்பிட்டார்.

https://www.virakesari.lk/article/81486                

 

கொவிட்-19 பாதுகாப்பு உடை: மருத்துவர்கள் மற்றும் சுகாதார ஊழியர்கள் இதனைப் பயன்படுத்துகின்றனர்

07.05.2020 - 10.00 மணி வரையிலான இலங்கையின் நாளாந்த நிலைமை..!

கொரோனா தொற்றாளர் எண்ணிக்கை உயர்வு

நாட்டில் கொரோனா தொற்றுக்குள்ளான மேலும் ஒருவர் இனங்காணப்பட்டுள்ளார். இதனையடுத்து, தொற்றாளர்களின் எண்ணிக்கை 824 ஆக அதிகரித்துள்ளது. 

கொரோன தொற்றிலிருந்து நேற்றைய தினம் (07) 17 பேர் பூரண குணமடைந்து வீடு திரும்பியுள்ளனர். இதற்கமைய 232 பேர் தொற்றிலிருந்து பூரண குணமடைந்துள்ளனரென, சுகாதார அமைச்சு தெரிவித்துள்ளது. 

http://www.tamilmirror.lk/செய்திகள்/கரன-தறறளர-எணணகக-உயரவ/175-249934

Edited May 8, 20205 yr by ampanai

கொரோனாவை முற்றாக அழித்துவிடவில்லை ! சுகாதார பணிப்பாளர் வைத்தியர் அனில் ஜாசிங்க மக்களுக்கு விடுத்துள்ள அறிவிப்பு https://virakesari.lk/article/81554

 

• இலங்கையில் கொரோனா தொற்றாளர்களின் எண்ணிக்கை 800 ஐ கடந்தது

• 400 பேர் கடற்படையினர்

 

இலங்கை முழுவதும் ஊரடங்குச்சட்டம் நீக்கப்படும்போது கவனத்தில் கொள்ளவேண்டிய விடயங்கள்...!

 

 

யாழில் தனிமைப்படுத்தப்பட்ட 298 பேர் விடுவிப்பு!

யாழ்ப்பாணம், தென்மராட்சி விடத்தற்பளையில் அமைந்துள்ள 522 படையணியின் தனிமைப்படுத்தல் நிலையத்தில் தங்கவைக்கப்பட்டிருந்த 298 பேர் அவர்களது சொந்த இடங்களுக்குச் செல்ல இன்று (சனிக்கிழமை) அனுமதிக்கப்பட்டனர்.

கொழும்பு, பண்டாரநாயக்க மாவத்தை மற்றும் வாழைத்தோட்டம் ஆகிய பகுதிகளிலிருந்து தனிமைப்படுத்தப்பட்டிருந்த 188 ஆண்களும், 110 பெண்களும் இந்த தனிமைப்படுத்தப் முகாமில் தங்கவைக்கப்பட்டிருந்தனர்.

அவர்கள் 17 நாட்கள் தலைமைப்படுத்தலில் வைக்கப்பட்டிருந்த நிலையில் அவர்களுக்கு கொரோனா தொற்று இல்லை என உறுதிப்படுத்தப்பட்டு சான்றிதழ்கள் வழங்கப்பட்ட நிலையில் இன்று காலையில் அவர்கள் சொந்த ஊர்களுக்குச் செல்ல அனுமதிக்கப்பட்டனர்.

http://athavannews.com/யாழில்-தனிமைப்படுத்தப்ப/

 

மேலும் மூவருக்கு தொற்று

கொரோனா வைரஸ் தொற்றுக்குள்ளான மேலும் மூவர் இனங்காணப்பட்டுள்ளனர். இதனையடுத்து தொற்றாளர்களின் எண்ணிக்கை 847 ஆக அதிகரித்துள்ளது.

http://www.tamilmirror.lk/செய்திகள்/மேலும்-மூவருக்கு-தொற்று/175-249994

10.05.2020. 7.30 pm. (ஞாயிற்றுக்கிழமை)
.........................
இன்றைய பரிசோதனையில் ஒருவருக்கும் கொரோனா தொற்று இல்லையென உறுதி செய்யப்பட்டது.
.........................
இன்று 27 பேருக்கான பரிசோதனைகள் யாழ் போதனா வைத்தியசாலை மற்றும் மருத்துவபீட ஆயவு கூடத்தில் மேற்கொள்ளப்பட்டன.

பரிசோதனைக்குட்பட்டவர்களின் விபரங்கள்:

* போதனா வைத்தியசாலை விடுதிகளில் அனுமதிக்கப்பட்டவர்கள் - 2 பேர்

* பொது வைத்தியசாலை வவுனியா - 3 பேர்.

* பாதுகாப்பு பிரிவினர் கோப்பாய் - 2

* பெரியகாடு தனிமைப்படுத்தல் மையம் - 19 பேர்

* பாதுகாப்பு பிரிவினர் பலாலி -ஒருவர்

இலங்கையில் கொரோனா தொற்றாளர்களின் எண்ணிக்கை 863 ஆக அதிகரிப்பு: 321 பேர் பூரண குணமடைந்துள்ளனர்

கொழும்பு, கம்பஹா மாவட்டங்களில் ஊரடங்கு ! ஏனைய 23 மாவட்டங்களில் ஊரடங்கு தளர்வு ! - சுகாதார ஆலோசனைகளை கடைப்பிடியுங்கள் மக்களே !

Edited May 11, 20205 yr by ampanai

கொரோனா தொற்றாளர்கள் பதிவாகவில்லை

கொரோனா வைரஸ் தொற்றாளர்கள் எவரும் இன்றைய தினம் (11) இதுவரை இனங்காணப்பட்வில்லையென, சுகாதார அமைச்சு தெரிவித்துள்ளது. 

கொரோனா வைரஸ் தொற்றால் 863 பேர் பாதிக்கப்பட்டுள்ளதுடன், 345 பேர் குணமடைந்து வீடு திரும்பியுள்ளனர். 

http://www.tamilmirror.lk/செய்திகள்/கொரோனா-தொற்றாளர்கள்-பதிவாகவில்லை/175-250110

தொற்றுநோய் தடுப்புப் பிரிவு விடுத்துள்ள எச்சரிக்கை

கொவிட் -19 வைரஸ் தொற்றுப்பரவல் பெருமளவில் கட்டுப்படுத்தப்பட்டுள்ள போதிலும் கூட எந்தவித அடையாளமும் காட்டாது தமது உடலில் வைரஸை காவிக்கொண்டு திரியும் மக்கள் நாட்டில் உள்ளனர் என தொற்றுநோய் தடுப்பு பிரிவின் விசேட வைத்தியர் சுதத் சமரவீர கூறினார். நாட்டில் ஏதோ ஒரு மூலையில் கொவிட் -19 வைரஸ் தொற்றாளர் அடையாளம் காணப்படுவார் என்ற சூழலே நிலவுவதாகவும் அவர் தெரிவித்தார்.

கொவிட் -19 வைரஸ் தொற்றுநோய் குறித்த வைத்திய பரிசோதனைகள் முன்னெடுக்கும் செயற்பாடுகள் குறித்து கருத்து தெரிவிக்கும் போதே அவர் இதனைக் கூறினார்.

இது குறித்து அவர் மேலும் கூறுகையில்,

உலகில் கொவிட் -19 வைரஸ் தொற்றுநோயை கட்டுப்படுத்திய நாடுகளில் இலங்கை முன்னிலையில் உள்ளது. உலக சுகாதார ஸ்தாபனம் முதற்கொண்டு இந்த காரணிகளை கூறி வருகின்றனர்.

நாட்டில் வைரஸ் தொற்றாளர்களை தடுப்பதில் பாதிக்கப்பட்ட நபர்களை தேடிப்போய் கண்டறிந்து அவர்களை தனிமைப்படுத்தும் வேலைத்திட்டங்கள் முன்னெடுக்கப்பட்டதுடன் சமூக பரவலாக இது மாற்றமடைவது தடுக்கப்பட்டது.

ஆகவே சமூகத்தில் பரவலாக நோயாளர்களை கண்டறிய முடியாது. ஆனால் சமூக பரவல் இல்லை என்ற காரணத்தினால் மக்கள் சகஜமாக நடமாட முடியாது.

மக்களின் உடலில் இன்னமும் கொரோனா வைரஸ் காவப்பட்டுக்கொண்டே உள்ளது. எந்தவித அடையாளமும் காட்டாது தமது உடலில் வைரஸை காவிக்கொண்டு திரியும் மக்கள் நாட்டில் உள்ளனர்.

அவ்வாறான நிலையில் ஊரடங்கு சட்டம் நீக்கப்பட்டுள்ள நிலையில் மக்களின் செயற்பாடுகளில் மிகவும் கவனமாக செயற்பட வேண்டும். மக்களிடம் இன்னமும் வைரஸ் உள்ளது என்பதை மனதில் வைத்துகொண்டு சமூக இடைவெளியை கடைப்பிடித்து செயற்பட வேண்டும்.

கொழுப்பு கம்பஹா மாவட்டங்கள் தவிருந்து ஏனைய மாவட்டங்கள் அனைத்திலும் ஊரடங்கு தளர்க்கப்பட்டுள்ளது. குறிப்பாக கொழும்பு கம்பஹா மாவட்டங்கள் இன்னமும் வைரஸ் தொற்றுப்பரவல் குறித்த அச்சுறுத்தல் உள்ள மாவட்டங்களாகவே அடையாளப்படுத்தப்படுகின்றது.

இந்த மாவட்டங்களில் ஊரடங்கு நீட்டிக்கப்பட்டாலும் கூட மக்களின் அன்றாட செயற்பாடுகள் அனைத்தையும் முன்னெடுக்க தேவையான சகல நடவடிக்கைகளும் முன்னெடுக்கப்பட்டுள்ளது. நிறுவனங்கள், தொழிற்சாலைகள், அலுவலக வேலைகள் என அனைத்தும் ஆரம்பிக்கப்பட்டுள்ளது.

சுகாதார நடைமுறைகள் முன்னெடுக்கப்பட்டாலும் கூட எப்போதாவது, எங்கோ ஒரு பகுதியில் கொவிட் -19 தொற்றுநோயாளர் கண்டுபிடிக்கப்படுவார். அவ்வாறு அடையாளம் காணக்கூடிய அறிகுறிகள் தென்பட்டுக்கொண்டே உள்ளது என்றார்.

https://www.virakesari.lk/article/81901