யாழில் விவசாய நடவடிக்கைக்கு சென்று திரும்பியவர்கள் மீது கடற்படையினர் கடும் தாக்குதல்?

விவசாய நடவடிக்கைகளுக்குச் சென்றுவிட்டு வீடு திரும்பிக்கொண்டிருந்தவர்கள் மீது சரமாரியான தாக்குதல் நடாத்தப்பட்டுள்ளதாக தெரிவிக்கப்படுகிறது.

யாழ் . வடமராட்சி கிழக்கு செம்பியன்பற்று, மாமுனையைச் சேர்ந்த எண்மருக்கே இவ்வாறு வயரினால் தாக்குதல் நடத்தப்பட்டுள்ளது.

நேற்று இரவு 7 மணி தொடக்கம் 7.30 மணிவரையிலேயே குறித்த சம்பவம் பருத்தித்துறை மருதங்கேணி பிரதான வீதியில் இடம்பெற்றதாக தெரிவிக்கப்படுகிறது.

வாகனம் ஒன்றில் நின்றுகொண்டிருந்த கடற்படையை ஒத்த சீருடை தரித்த மற்றும் சிவில் உடையில் நின்றவர்களாலேயே இத் தாக்குதல் நடாத்தப்பட்டிருக்கிறது. தாக்குதலுக்கு உள்ளானவர்களது உடல்களில் பலத்த கண்டல்கள் காணப்படுகின்றன. பாதிக்கப்பட்டவர்கள் அச்சம் காரணமாக மருத்துவமனைக்கு செல்லாமலும் ஊடகங்களுக்கு கருத்து தெரிவிக்கவும் மறுத்து வருகின்றனர்.

தாக்குதலுக்கு உள்ளானவர்கள் உழவு இயந்திரம், மோட்டார்சைக்கிள், சைக்கிள் போன்ற வாககனங்களில் தனித்தனியாக பயணித்தவர்கள் என்றும் எதற்காக தாக்குதல் நடாத்தப்பட்டது என்று தமக்கு காரணம் தெரியவில்லை என்றும் அச்சம் காரணமாக பெயர் குறிப்பிட விரும்பாத பாதிக்கப்பட்ட ஒருவர் தெரிவித்தார்

இதேவேளை ஊரடங்குச் சட்டம் இரவு 8மணிக்கே நடைமுறைப்படுத்தப்படுகின்ற சூழலில் 7.30 மணிக்கே இத் தாக்குதல் இடம்பெற்றுள்ளமை குறிப்பிடத்தக்கது.

https://www.ibctamil.com/srilanka/80/143673?ref=imp-news