வட,கிழக்கிலிருந்து தென்பகுதிக்கு வாகனங்கள் வருவதற்கு கட்டுப்பாடு

* கிழக்கிலிருந்து வருவோர் புகைப்படம் எடுக்கப்படுவர்

கே.பி.மோகன்

வடக்கு, கிழக்கிலிருந்து தென் பகுதிக்கு வாகனங்கள் வருவது நேற்று சனிக்கிழமை முதல் கட்டுப்படுத்தப்பட்டுள்ளது.

கொழும்பு நகரில் எதுவித காரணமுமின்றித் தங்கியிருக்கும் தமிழர்கள் உடனடியாக அவர்களது சொந்த இடங்களுக்குத் திரும்ப வேண்டுமென நேற்று முன்தினம் வெள்ளிக்கிழமை பொலிஸார் அறிவித்த நிலையில் வடக்கு, கிழக்கிலிருந்து இனிமேல் தென் பகுதிக்கு வாகனங்கள் வருவதும் கட்டுப்படுத்தப்பட்டுள்ளது.

இதேவேளை, கிழக்கிலிருந்து வெளி மாவட்டங்களுக்கு பயணிப்போரை புகைப் படம் எடுத்து அவர்களின் தனிப்பட்ட விபரங்களை பதியவும் பொலிஸார் நடவடிக்கை எடுத்துள்ளனர்.

பாதுகாப்பு காரணங்களுக்காகவே இப் புதிய நடைமுறை உடனடியாக அமுலுக்கு கொண்டு வரப்பட்டுள்ளதாகவும் இதற்கு இராணுவத்தின் பூரண ஒத்துழைப்பு பெற்றுக் கொள்ளப்படுமெனவும் பொலிஸார் தெரிவித்தனர்.

நிக்கவரெட்டி கொட்டவெஹெர பலுகஸ்சந்தி வீதிச் சோதனை நிலையத்தில் நேற்று முன்தினம் வெள்ளிக்கிழமை மாலை, அதிசக்தி வாய்ந்த வெடி பொருட்கள் நிரப்பப்பட்ட லொறியொன்று கண்டு பிடிக்கப்பட்டதையடுத்தே, வடக்கு - கிழக்கிலிருந்து தென்பகுதிக்கு வாகனங்கள் வருவதைக் கட்டுப்படுத்தும் நடைமுறை உடனடியாக அறிமுகப் படுத்தப்பட்டதாக கிழக்குமாகாண பிரதிப் பொலிஸ் மா அதிபர் ஆனந்த விஜேசூரிய தெரிவித்தார்.

அத்தியாவசிய சேவைகளுக்காகவும் அத்தியாவசிய தேவைகள் நிமித்தமும் தெற்கே வரும் வாகனங்களை தவிர்ந்த வேறு எந்த வாகனமும் இப்புதிய பாதுகாப்பு நடைமுறையின் கீழ் கிழக்கு மாகாணத்திலிருந்து வெளியே செல்ல முடியாது. இந்த நடைமுறை கனரக வாகனங்களுக்கே அதிகம் பொருந்தும், லொறிகள், ட்ரக் வண்டிகள், நீண்டவான்கள் இதில் அடங்கும்.

கிழக்கு மாகாணம் திருகோணமலை பிரிமா மா ஆலையிலிருந்து மா எடுத்துச் செல்லும் லொறிகளும் அத்தியாவசிய உணவுப் பொருட்களை எடுத்துச் செல்லும் லொறிகளுக்கும் இந்த பாதுகாப்பு நடைமுறை பொருந்தாது.

இதேவேளை வெளி இடங்களிலிருந்து கிழக்கு மாகாணத்தை நோக்கிச் செல்லும் வாகனங்களை கண்காணிக்கவும் தீவிரசோதனைகளுக்குட்படுத்தவ

வட,கிழக்கிலிருந்து தென்பகுதிக்கு வாகனங்கள் வருவதற்கு கட்டுப்பாடு..

அப்படியானால் தென்பகுதிக்கு வடக்கு, கிழக்கு பகுதியில் இருந்து இலகுரக விமானத்தில் வரலாமோ?