சிறீலங்காவில் சட்டம், ஒழுங்கு சீர்குலைந்துள்ளது - பிரித்தானியா ஆழ்ந்த கவலை.

சிறீலங்காவில் பாதுகாப்பு நிலமை மிகவும் மோசமடைந்து, சட்டம் - ஒழுங்கு சீர்குலைந்திருப்பதாக பிரித்தானியா ஆழ்ந்த கவலை தெரிவித்துள்ளது.

சிறீலங்காவிற்கான பிரித்தானியத் தூதுவர் டொமினிக் சில்கொட் நேற்று கொழும்பில் ஊடகர்களைச் சந்தித்து பேசும்போது இந்தக் கவலையை வெளியிட்டார்.

இலங்கையின் உள்நாட்டுப் போரும், வன்முறைகளும் அமைதியை சீர்குலைத்து வருவதாகக் கூறிய சில்கொட், அமைதிப் பேச்சு மூலமான தீர்வுக்கான வாய்ப்புக்கள் குறைவடைந்து வருவதாகவும் தெரிவித்தார்.

இரத்மலானையில் கடந்த வாரம் மேற்கொள்ளப்பட்ட கிளைமோர் குண்டுத் தாக்குதலில் 7 பொதுமக்கள் பலியானமை, அனைத்துலக செஞ்சிலுவைச் சங்கத்தின் இரண்டு பணியாளர்கள் கொல்லப்பட்டது போன்ற சம்பவங்களையும் சிறீலங்காவிற்கான பிரித்தானியத் தூதுவர் டொமினிக் சில்கொட் சுட்டிக்காட்டினார்.

-Pathivu-

49 தமிழர்கள் படுகொலை: 29 பேர் காணாமல்ப் போயுள்ளனர் - த.ச.செயலகத்தின் மே மாத அறிக்கை.

தமிழர் தாயகத்தில் கடந்த மாதத்தில் மட்டும் 49 பொதுமக்கள் சிறீலங்காப் படையினராலும், ஒட்டுக் குழுக்களாலும் சுட்டுப் படுகொலை செய்யப்பட்டுள்ளதுடன், மேலும் 29 பேர் காணாமல்ப் போயுள்ளனர்.

தமிழீழ சமாதான செயலகம் வெளியிட்டுள்ள மே மாதத்திற்கான அறிக்கையில் இந்தப் புள்ளிவிபரத் தகவல்கள் தெரிவிக்கப்பட்டுள்ளன.

யாழ் குடாநாட்டில் வெள்ளைச் சிற்றூந்துக் கடத்தல் தொடர்ந்து இடம்பெறுவதுடன், பெரும்பாலான படுகொலைகளும், கடத்தல்களும் அந்த மாவட்டத்திலேயே நிகழ்த்தப்பட்டுள்ளன.

யாழ் பல்கலைக்கழக மாணவர்கள் தொடர்ச்சியாகத் தாக்கப்பட்டு வருவதுடன், படையினரால் கடத்திச் செல்லப்பட்ட நான்கு மாணவர்கள் இதுவரை விடுவிக்கப்படவில்லை.

கடலில் கடற்றொழிலாளர்கள் மீது சிறீலங்கா கடற்படையினர் மேற்கொண்ட தாக்குதலில், குடாநாட்டைச் சேர்ந்த இரண்டு கடற்றொழிலாளர்கள் கொல்லப்பட்டுள்ளனர்.

யாழ்ப்பாணத்திலிருந்து மூன்று கடற்றொழிலாளர்களும், மன்னாரைச் சேர்ந்த ஐந்து கடற்றொழிலாளர்களும் கடற்த மாதம் காணாமல்ப் போயிருக்கின்றனர் போன்ற விபரங்கள் இந்த அறிக்கையில் உள்ளடக்கப்பட்டுள்ளன.

-Pathivu-

இப்பிடி கவலை வெளியிட்டும், சிறீலங்கா அரசாங்கத்துக்கு ஆதரவு தெரிவிப்பதினால் தான், சிறீலங்காவில் சட்டம் ஒழுங்குகள் சீர்குலைந்து போய்கொண்டிருக்கிறதற்கு ஒரு காரணம். ஒரு தரப்பை மட்டும் தடை செய்து விட்டு, மறு தரப்புக்கு ஆயூத உதவிகள் செய்தது பிரித்தானியா .

சட்டம் ஒழுங்கு என இருந்தால் தானே கானாமல் போக .ஒருவர் தனக்கு எதிராக தாக்கல் செய்யப்பட்ட வழக்கில் தானே நீதிபதியாக இருந்து மனுத்தாக்கல் செய்தவருக்கு நீதிமன்ற அவமதிப்பு என்ற பெயரில் 3 வருசம் சிறை தண்டனை கொடுத்த கேலிக்கூத்து உலகின் வேறேங்கு நடந்தது

நீதியரசர்(அப்படி எண்டால் ?) சரத் என் சில்வாதான் அந்த நீதிபதி