உருத்திரபுரம் பகுதியில் அமைந்துள்ள உருத்திரபுரீசுவரர் ஆலய பகுதியை தொல்லியல் என்ற பெயரில் ஆக்கிரமிக்க முயற்சி

 

 25 Views

கிளிநொச்சி மாவட்டத்தின் உருத்திரபுரம் பகுதியில் அமைந்துள்ள உருத்திரபுரீசுவரர் ஆலய சூழலிலும் தொல்லியல் அடையாளம் இருப்பதாகக் கூறி தொல்லியல் திணைக்கள அதிகாரிகள் பொலிஸாருடன் இணைந்து ஆராய்ந்துள்ளதாக தகவல் வெளியாகியுள்ளது.

முல்லைத்தீவு குருந்துார் மற்றும் படலைக்கல்லு (கல்யாணணிபுர) ஆகிய பகுதிகளில் தொல்பொருள் ஆராய்ச்சிகள்  என்ற பெயரில் தமிழ் மக்களின் பூர்விக அடையாளங்கள் அழிக்கப்பட்டன. அதே போல் நிலாவரை கிணறு பகுதிகளிலும் இந்நடவடிக்கைகள் எடுக்கப்பட்டன.

http://i2.wp.com/athavannews.com/wp-content/uploads/2021/01/33-9.jpg

இந் நிலையில் உருத்திரபுரம் கிராமத்தில் அமைந்துள்ள உருத்திரபுரீசுவரர் ஆலய  பகுதிக்கு பௌத்த தேரர் ஒருவர் வந்து சென்ற பின்,பொலிசார் மற்றும் இராணுவத்தினர் வருகை தந்து அவ்விடத்தை பார்த்துச் சென்றதாக அப்பகுதி மக்கள் தெரிவித்துள்ளனர்.

தொல்லியல் திணைக்களம் குறித்த சிவன் ஆலய சூழலை இலக்கு வைத்துள்ள நிலையில் பௌத்த பிக்கு, பொலிஸார் மற்றும் இராணுவத்தினர் என வரிசையாக திடீரென வந்து ஆராய்ந்து சென்றுள்ளமை  குறிப்பிடத்தக்கது.

 

https://www.ilakku.org/?p=40798

கிளிநொச்சி உருத்திரபுரீஸ்வரர் ஆலயத்திலும் தொல்லியல் திணைக்களம்?- மக்களிடத்தில் பதற்றம்

கிளிநொச்சி- உருத்திரபுரம், உருத்திரபுரீஸ்வரர் ஆலயத்திலும் தொல்லியல் அடையாளம் இருப்பதாக தொல்லியல் திணைக்களம் ஆராய்வதாக மக்கள் தெரிவித்துள்ளனர்.

கிளிநொச்சி உருத்திரபுர சிவன் ஆலயத்திற்கு அருகில் தொல்லியல் அடையாளங்கள் இருப்பதாகக் கூறி அகழ்வாராய்ச்சி மேற்கொள்வதற்கு நிதி ஒதுக்கப்பட்டுள்ளதாக தொல்லியல் திணைக்களத்தினர் அண்மையில் குறிப்பிட்டதாக அப்பகுதி மக்கள் தெரிவித்திருந்தனர்.

இந்நிலையில் நேற்றையதினம் (சனிக்கிழமை) அப்பகுதிக்கு பௌத்த தேரர் ஒருவர் நண்பகல் வேளையில் வருகை தந்ததாகவும் பிக்கு சென்ற சில மணித்தியாலங்களின் பின்னர் அப்பகுதிக்கு பொலிஸார் வந்ததாகவும் பின்னர் மாலை வேளையில் இராணுவத்தினர் வருகை தந்து அவ்விடத்தை பார்த்து சென்றதாகவும் அப்பகுதி மக்கள் தெரிவித்துள்ளனர்.

குறித்த சம்பவத்தினால் அப்பகுதியில் தொடர்ந்து  பரபரப்பான நிலை காணப்படுவதாக எமது பிராந்திய செய்தியாளர் தெரிவித்துள்ளார்.

http://athavannews.com/கிளிநொச்சி-உருத்திரபுரீ/

ஏதாவது பற்றையளுக்க வைக்க போறாங்களோ?!