ஈராக் மருத்துவமனையில் ஏற்பட்ட தீ விபத்தில் 27 கொரோனா நோயாளர்கள் பலி ; 46 பேர் காயம்

பாக்தாத்தின் தென்கிழக்கு பகுதியில் அமைந்துள்ள மருத்துவமனையொன்றில் சனிக்கிழமை ஏற்பட்ட தீ விபத்தில் 27 பேர் உயிரிழந்துள்ளதுடன், 46 பேர் காயமடைந்துள்ளனர்.

இது கொரோன நோயாளர்களுக்கு சிகிச்சையளிக்கும் மருத்துவமனை என்று அதன் அருகிலுள்ள மூன்று மருத்துவமனைகளின் மருத்துவ வட்டாரங்கள் உறுதிபடுத்தியுள்ளன.

ஈராக் தலைநகரான பாக்தாத்தின் தியாலா பிரிட்ஜ் பகுதியில் அமைந்துள்ள இப்னு காதிப் மருத்துவமனையில் ஏற்பட்ட தீ விபத்தில் ஆக்ஸிஜன் தொட்டி வெடித்தமையினாலேயே இந்த விபத்து ஏற்பட்டதாக கூறப்பட்டுள்ளது.

விபத்தினையடுதது பல அம்புயூலன்ஸ்கள் வைத்தியசாலையை நோக்கி விரைந்ததுடன், காயமடைந்தவர்களை வேறு வைத்தியசாலைகளுக்கும் அழைத்துச் சென்றுள்ளன.

ஈராக் சிவில் பாதுகாப்பு பிரிவின் தலைவர் மேஜ் ஜெனரல் காதிம் போஹன், அரச செய்தி நிறுவனமான ஐ.என்.ஏ.விடம் நுரையீரல் தீவிர சிகிச்சை பிரிவுக்கு நியமிக்கப்பட்ட தரையில் தீ விபத்து ஏற்பட்டதாகவும், மருத்துவமனையில் 120 பேரில் 90 பேர் மீட்கப்பட்டுள்ளதாகவும் தெரிவித்தார்.

ஈராக்கின் சுகாதார அமைப்பு, ஏற்கனவே பல தசாப்தங்களாக பொருளாதாரத் தடைகள், போர் மற்றும் புறக்கணிப்பு ஆகியவற்றால் பாழடைந்துள்ளது, கொரோனா வைரஸ் நெருக்கடியின் போது மேலும் நீட்டிக்கப்பட்டுள்ளது.

ஈராக்கில் கொவிட் -19 நோயால் பாதிக்கப்பட்டவர்களின் எண்ணிக்கை 102,5288 ஆகும், இதில் 15,217 இறப்புகள் உள்ளன என்று சுகாதார அமைச்சகம் சனிக்கிழமை தெரிவித்துள்ளது.

 

https://www.virakesari.lk/article/104344

ஈராக்கில் மருத்துவமனையில் ஒக்சிஜன் சிலிண்டர் வெடிப்பு: உயிரிழப்பு 82ஆக உயர்வு!

ஈராக் தலைநகர் பக்தாத்தின் தென்கிழக்குப் பகுதியில் உள்ள மருத்துவமனையொன்றில் ஏற்பட்ட தீ விபத்தில் உயிரிழந்தவர்களின் எண்ணிக்கை 82ஆக அதிகரித்துள்ளதுடன் 100 பேருக்கும் மேற்பட்டோர் காயமடைந்துள்ளதாக உள்ளூர் அதிகாரிகள் தெரிவித்துள்ளனர்.

கொரோனா வைரஸால் பாதிக்கப்பட்டவர்களுக்கான சிகிச்சை நிலையமான குறித்த வைத்தியசாலையில் காணப்பட்ட ஒக்சிஜன் சிலிண்டர் வெடித்ததைத் தொடர்ந்தே இவ்வாறு தீ பரவல் ஏற்பட்டுள்ளமை குறிப்பிடத்தக்கது.

---

ஈராக்கில் மருத்துவமனையில் ஒக்சிஜன் தொட்டி வெடித்ததில் 23 பேர் உயிரிழப்பு- மேலும் பலர் படுகாயம்!

ஈராக் தலைநகர் பக்தாத்தின் தென்கிழக்குப் பகுதியில் உள்ள மருத்துவமனையொன்றில் ஏற்பட்ட தீ விபத்தில் குறைந்தது 23 பேர் உயிரிழந்துள்ளனர்.

ஈராக் தலைநகரின் தியாலா பிரிட்ஜ் பகுதியில் உள்ள இப்னுல் காதிப் மருத்துவமனையிலேயே இந்தத் தீ விபத்து ஏற்பட்டுள்ளதுடன் விபத்தில் மேலும் பலர் படுகாயமடைந்துள்ள நிலையில் உயிரிழப்பு அதிகரிக்கலாம் என அஞ்சப்படுகிறது.

கொரோனா வைரஸால் பாதிக்கப்பட்டவர்களுக்கான சிகிச்சை நிலையமான குறித்த வைத்தியசாலையில் காணப்பட்ட ஒக்சிஜன் சிலிண்டர் வெடித்துள்ளதாக உள்ளூர் அதிகாரிகள் தெரிவித்துள்ளனர்.

இந்நிலையில், இந்தத் தீ விபத்து தொடர்பாக ஈராக் பிரதமர் முஸ்தபா அல் காதிமி, தீவிர விசாரணைக்கு உத்தரவிட்டுள்ளதுடன் அலட்சியமாகச் செயற்பட்டவர்களை இதற்குப் பொறுப்பேற்க வைப்பதாக உறுதியளித்துள்ளார்.

இதேவேளை, குறித்த வைத்தியசாலையில் தீயை அணைக்கும் பணியில் தீயணைப்புப் படையினர் ஈடுபட்டுள்ளதுடன் தீயிலிருந்து தப்பிப்பதற்கான விடுதிகளில் இருந்து வெளியில் குதித்துள்ளதாக தெரிவிக்கப்பட்டுள்ளது.

அத்துடன், இந்த சம்பவம் சமூக ஊடகங்களில் சீற்றத்தைத் தூண்டியுள்ளதுடன் சுகாதார அமைச்சரை உடனடியாக நீக்குமாறு ஈராக்கிய மக்கள் கோரிக்கை விடுத்துள்ளனர்.

https://athavannews.com/2021/1212267