கருணா குழுவை கலைக்க வேண்டும்: ரிச்சர்ட் பௌச்சர்.

சிறிலங்கா இராணுவத்தின் ஆதரவுடன் இயங்கும் கருணா குழுவை கலைக்க வேண்டும் என்று அமெரிக்க இராஜாங்க அமைச்சின் பிரதிச் செயலாளர் ரிச்சர்ட் பௌச்சர் வலியுறுத்தியுள்ளார்.

இணைத் தலைமை நாடுகளின் கூட்டத்தில் பங்கேற்பதற்காக நோர்வே தலைநகர் ஓஸ்லோ சென்றிருந்த ரிச்சர்ட் பௌச்சர், நோர்வே தொலைக்காட்சிக்கு அளித்த நேர்காண்லில் இதனை வலியுறுத்தியுள்ளார்.

தமிழ்ப் புலிகளும் அரசாங்க படையின் ஆதரவு பெற்ற கருணா குழுவினரும் தொடர்ந்து சிறார்களை படையணிகளில் சேர்ப்பதாக யுனிசெஃப் தொடர்ந்து குற்றம்சாட்டி வருகிறது. சிறார்களை படையணிகளில் சேர்த்தல் உள்ளிட்ட பல்வேறு சட்ட விரோத நடவடிக்கைகளில் கருணா குழு தொடர்ந்து ஈடுபட்டு வருவதை அமெரிக்கா அவதானித்து வருகிறது.

விடுதலைப் புலிகள், சிறார்களை படையணிகளில் சேர்ப்பதைத் தடுக்க வேண்டுமெனில் அனைத்துலகத்தின் அழுத்தம் அவசியமானது. கருணா குழுவைக் கலைத்துவிட வேண்டும். பல்வேறு ஏற்றுக்கொள்ள முடியாத நடவடிக்கைகளில் அக்குழுவினர் ஈடுபடுகின்றனர் என்றார் ரிச்சர்ட் பௌச்சர்.

-Puthinam-

தமிழர்கள் தமது சொந்த விவகாரங்களைத் தமது கட்டுப்பாட்டில் வைத்திருப்பதற்கான பரந்த அதிகாரங்கள் வழங்கப்பட வேண்டும்: ரிச்சார்ட் பௌச்சர்.

இலங்கை இனப்பிரச்சினைக்கான தீர்வு ஒரே நாடு என்ற அடிப்படையில் அமைய வேண்டும். அந்தத் தீர்வில், தமிழர்கள் தமது சொந்த விவகாரங்களைத் தமது கட்டுப்பாட்டில் வைத்திருப்பதற்கான பரந்த அதிகாரங்கள் வழங்கப்பட வேண்டும். அதிகாரப் பரவலாக்கல் முறையிலான ஒரு தீர்வு குறித்து இணைத் தலைமை நாடுகள் இப்போது ஆராய்ந்து வருகின்றன.

அதனை அடைவதற்கு இலங்கையில் தமிழருக்கும் இடமுண்டு என்பதனைக் காட்ட வேண்டும். அவ்வாறு காட்டுவதற்கு அனைத்துத் தமிழ்ச் சமூகத்தினருடனும் நாம் நெருக்கமுறச் செயற்பட வேண்டும். இவ்வாறு அமெரிக்காவின் உதவி ராஜாங்க அமைச்சர் ரிச்சார்ட் பௌச்சர் நோர்வேயில் வெளியாகும் டக்ஸா விஷன் என்ற பத்திரிகைக்கு வழங்கிய செவ் வியில் தெரிவித்திருக்கிறார்.

ஒஸ்லோவில் நடைபெற்ற இணைத் தலைமை நாடுகளின் கூட்டத்தில் கலந்து கொண்ட பின்னர் அவர் இந்தச் செவ்வியை வழங்கினார்.

தமிழர்களுக்குரிய உரிமைகளை வழங்கும் ஒரு தீர்வை அரசாங்கம் முன்வைக்க வேண்டும். விடுதலைப் புலிகள் அதற்கான பிரதிபலிப்பை வெளியிடுவதற்கு தயாராக இருக்க வேண்டும். இது விடயத்தில் நான் நம்பிக்கை உள்ள வனாகவே இருக்கிறேன். ஏனெனில் அரசாங்கம் தமிழர்களுக்குரிய உரிமைகளை வழங்கும் அரசியல் தீர்வு ஒன்றை முன்வைக்கும் என நம்புகிறேன். தமிழர் தரப்பிலும் அது நிகழும் என்ற நம்பிக்கையும் எனக்குண்டு. என்றார் பௌச்சர்.

சொல்ஹெய்ம் சொன்னது

இதேவேளை, இணைத் தலைமை நாடுகளின் கூட்டம் முடிவுற்ற பின்னர் ஒஸ்லோவில் ஒளிபரப்பாகும் ரிவி 2 தொலைக்காட்சிக்கு செவ்வி அளித்த நோர்வே அமைச்சர் சொல்ஹெய்ம் அதிகாரத்தைப் பகிர்ந்து கொள்ளும் அடிப்படையிலான தீர்வு ஒன்றை இலங்கையில் கொண்டுவர முடியும் என்பதில் தான் நம்பிக்கையற்றவனாக இருப்பதாகத் தெரிவித்தார்.

ஒஸ்லோ பத்திரிகைக்கு அளித்த செவ்வியில் அமெரிக்க ராஜாங்க உதவி அமைச்சர் பௌச்சர் மேலும் தெரிவித்ததாவது:

இலங்கை இனப்பிரச்சினைக்கு இராணுவ வழிமுறை ஒரு தீர்வாகாது. மோதலில் ஈடு பட்டிருக்கும் இரண்டு தரப்புகளும் போர்க் களத்தில் ஈட்டுகின்ற வெற்றிகள் தற்காலி கமானவையே. நிரந்த அரசியல் தீர்வு ஒன்றுக்கு அவை உதவப்போவதில்லை. 2 தரப் புகளை மீண்டும் பேச்சு மேசைக்கு கொண்டு வருவதற்கான ராஜதந்திர முயற்சிகளில் நாம் இப்போது ஈடுபட்டிருக்கின்றோம்.

இராணுவ நடவடிக்கைகளின் வாயிலாக இப்பிணக்குக்கு பரிகாரம் கண்டுவிடலாம் என்ற கூற்றில் எனக்கு நம்பிக்கை இல்லை. இராணுவ நடவடிக்கைகளின் வாயிலாக இப்பிணக்குக்கு பரிகாரம் கண்டுவிடலாம் என்ற கூற்றில் எனக்கு நம்பிக்கை இல்லை என்று வலியுறுத்தியுள்ளார்.

போர்க் களத்தில் இரு தரப்புகளுக்கும் தற்காலிக வெற்றிகள் கிட்டலாம். இவை அரசியல் தீர்வு ஒன்றை ஈட்ட உதவப்பேவதில்லை. நிரந்தர சமாதானத்துக்கு இது வழிசமைக்காது என்றார்.

-Tamilwin-

...

சிறார்களை படையணிகளில் சேர்த்தல் உள்ளிட்ட பல்வேறு சட்ட விரோத நடவடிக்கைகளில் கருணா குழு தொடர்ந்து ஈடுபட்டு வருவதை அமெரிக்கா அவதானித்து வருகிறது.

...

-Puthinam-

அவதானித்து ஒன்றுமே ஆகப்போவதில்லை. இவர்களின் அறிக்கைகளும் செவிடன் காதி ஊதிய சங்குதான்.

இறுதியில் கருணாமீது எல்லாப் பழியையும் போட்டுவிட்டு இராணுவம் அப்பாவியாகிவிடும்.

கலையுங்கோ எண்ட உடனை கலைக்கிறதுக்கு இது என்ன இலங்கை அமைச்சரவையோ,பாராள மண்றமோ...??? கருணா குறூப் அப்பா....! வருமானம் வேண்டி மக்களை கடத்தி கப்பம் எடுக்கும் செழிப்பான தொழிலை செய்து வருபவையை தொழிலை கைவிட செய்ய வேணும் எண்டால் எப்பிடி....!

பேசாமல் பெரிய தொகை ஒண்டை அமெரிக்க டொலர்களிலையும் கிறீன் காட்டும் எல்லாருக்கும் குடுத்தால் சிலவேளை அவர்கள் தொழிலை கைவிட முன்வரலாம்....

300 கோடி இந்திய ரூபாய் தாறம் இந்திய உடன் படிக்கையை ஏற்று ஆயுதங்களை கையளியுங்கோ எண்டு கேட்டும், நான் செத்தாப்பிறகு போராட்டத்தை மொத்தமாகவும் சில்லறையாகவும் வில்லுங்கோ எண்டு சோன்ன எங்கட தலைவர் போலவே கருணா சொல்லுவான் எண்ட நம்பிக்கை எனக்கில்லை....!

Edited June 29, 200718 yr by தயா