பாலியல் வழக்கில் அதிமுக முன்னாள் அமைச்சர் மணிகண்டன் கைது.. ரகசிய இடத்தில் விசாரணை

துணை நடிகையும் மலேசியா தூதரக அதிகாரியுமான சாந்தினி, கடந்த சில வாரங்களுக்கு முன்னர் ஒரு புகாரை கொடுத்தார். அதில் முன்னாள் அமைச்சர் மணிகண்டன் தன்னை திருமணம் செய்து கொள்வதாக வாக்குறுதி அளித்துவிட்டு திருமணம் செய்து கொள்ள மறுப்பு தெரிவிக்கிறார்.

யாரேன்றே தெரியாது

இந்த நிலையில் சாந்தினியை தனக்கு யாரென்றே தெரியாது என மணிகண்டன் தெரிவித்திருந்தார். மேலும் ஏதோ பணம் பறிக்கும் நோக்கில் தன் மீது சாந்தினி சேற்றை வாரி வீசிவதாகவும் தெரிவித்திருந்தார். இதையடுத்து சிசிடிவி காட்சிகள் அடிப்படையில் சாந்தினியின் வீட்டிற்கு மணிகண்டன் அடிக்கடி வந்து சென்றது அம்பலமானது.

பாதுகாப்பு அதிகாரிகள்

இதையடுத்து மணிகண்டனின் உதவியாளர், பாதுகாப்பு அதிகாரிகளிடம் விசாரணைநடத்தப்பட்டது. இதனிடையே தலைமறைவாக இருந்த மணிகண்டனிடம் விசாரணை நடத்த இரு தனிப்படைகள் அமைத்து ராமநாதபுரத்தில் தேடுதல் வேட்டை நடத்தப்பட்டது.

நீதிபதிகள் தள்ளுபடி

எனினும் அவர் சிக்கவில்லை. தனக்கு முன்ஜாமீன் கோரி உயர்நீதிமன்றத்தில் அவர் தாக்கல் செய்த மனுவை நீதிபதிகள் தள்ளுபடி செய்தனர். இந்த நிலையில் தலைமறைவாக இருந்த மணிகண்டன் குறித்த ரகசிய தகவலின் அடிப்படையில் போலீஸார் இன்று காலை அவரை கைது செய்து ரகசிய இடத்தில் வைத்து விசாரணை நடத்தி வருவதாக தெரிவித்துள்ளனர்.

எப்படி

அவரை எங்கு வைத்து போலீஸார் கைது செய்தனர். அவரை எங்கு வைத்து விசாரணை நடத்திவருகிறார்கள் போன்ற விஷயங்கள் தெரியவில்லை. அவருக்கு மருத்துவ பரிசோதனை செய்யப்பட்டு பின்னர் நீதிபதி முன் ஆஜர்படுத்தப்படுவார் என தெரிகிறது.

https://tamil.oneindia.com/news/chennai/ex-minister-manikandan-arrested-424477.html

 

பிந்திய செய்தி

விருப்பத்துடன் பழகியுள்ளனர்..எப்.ஐ.ஆர்.ஐ மாற்றுங்க.. மணிகண்டன் வழக்கில் போலீசுக்கு உத்தரவிட்ட நீதிபதி!

துணை நடிகையும் மலேசியா தூதரக அதிகாரியுமான சாந்தினி அ.தி.மு.க முன்னாள் முன்னாள் அமைச்சர் மணிகண்டன் மீது போலீசில் புகார் கொடுத்திருந்தார்.

துணை நடிகை புகார்

தன்னை திருமணம் செய்து கொள்வதாக வாக்குறுதி அளித்துவிட்டு திருமணம் செய்து கொள்ள மறுப்பு தெரிவிக்கிறார். மேலும் 3 முறை கட்டாய கருக்கலைப்பு செய்ய வைத்ததாகவும் துணை நடிகை சாந்தினி.
பகீர் புகார் கூறி இருந்தார். இதனை தொடர்ந்து மணிகண்டன் மீது மீது 6 பிரிவுகளின் கீழ் போலீசார் வழக்குப் பதிவு செய்தனர்.

பெங்களுருவில் கைது

இதனை அடுத்து மணிகண்டனின் உதவியாளர்களிடம் போலீசார் விசாரணை நடத்தியபோது மணிகண்டன் தலைமறைவானார். சுமார் 2 நாட்களாக மணிகண்டனை தேடி வந்த போலீசார் கர்நாடக மாநிலம் பெங்களுருவில் வைத்து இன்று காலை கைது செய்தனர். பின்னர் அவரை சென்னை அழைத்து வந்து 2 மணி நேரம் தீவிர விசாரணை நடத்தினார்கள்.

பாலியல் வன்கொடுமை பிரிவை மாற்றவும்

இதன் பின்னர் மணிகண்டனை சென்னை சைதாப்பேட்டையில் உள்ள நீதிமன்றத்தில் போலீசார் ஆஜர்படுத்தினார்கள். மணிகண்டனை ஜூலை 2-ம் தேதி வரை நீதிமன்ற காவலில் வைக்க நீதிபதி உத்தரவிட்டார். மேலும் மணிகண்டன் மீது பதியப்பட்ட பாலியல் வன்கொடுமை என்ற வழக்கின் பிரிவை மட்டும் மாற்றும்படி போலீசாருக்கு நீதிபதி உத்தரவிட்டார்.

விருப்பத்துடன் பழகியுள்ளனர்

இருவரும் விருப்பத்துடன் பழகியுள்ளனர். எனவே இதனை பாலியல் வன்கொடுமையாக கருத முடியாது என்று நீதிபதி தெரிவித்தார். மணிகண்டன் மீது மீது மொத்தம் 6 பிரிவுகளின் கீழ் ஏற்கனவே வழக்குப்பதிவு செய்யப்பட்டது. அதில் ஒன்றுதான் பாலியல் வன்கொடுமை என்ற பிரிவு என்பது குறிப்பிடத்தக்கது.

https://tamil.oneindia.com/news/chennai/former-admk-minister-manikandan-has-been-remanded-in-judicial-custody-till-july-2-424534.html

 

டிஸ்கி: ரகிட்ட…..ரகிட்ட…..ரகிட்ட…..ரகிட்ட🤣