சர்வதேச விமான நிலையங்களுக்கிடையில் பறந்த பறக்கும் கார்! -வீடியோ

[கிருபன்]

சர்வதேச விமான நிலையங்களுக்கிடையில் பறந்த பறக்கும் கார்! -வீடியோ

 

பறக்கும் கார் ஒன்று முதல் தடவையாக இரு சர்வதேச விமான நிலையங்களுக்கு இடையில் பறந்துள்ளது.

ஸ்லோவாக்கியாவின் நைத்ரா மற்றும் பிரஸ்திஸ்லாவா நகரங்களிலுள்ள சர்வதேச விமான நிலையங்களுக்கு இடையில் நேற்றுமுன்தினம் திங்கட்கிழமை (28) 35 நிமிட நேரம் இந்தக் கார் பறந்துள்ளது.

வீதிகளில் கார் போன்று இதை செலுத்திச் செல்லாம். அத்துடன் இதனால் வானில் பறக்கவும் முடியும். எயார்கார் (Aircar) என இது அழைக்கப்படுகிறது.

இந்தக் கார் பறக்க ஆரம்பிக்கும்போது விமானத்தின் தோற்றத்துக்கு மாறும்.

பேராசிரியர் ஸ்டீபன் கிளெய்ன் (Stefan Klein) இந்தப் பறக்கும் காரை உருவாக்கியுள்ளார். பி.எம்.டபிள்யூ இயந்திரத்தைக் கொண்ட இக்கார் பெற்றோலில் இயங்குகிறது.

இக்கார் 2500 மீற்றர் (8200 அடி உயரத்தில் சுமார் 1,000 கிலோமீற்றர் (600 மைல்) தூரம் பறக்கக்கூடியது என பேராசிரியர் ஸ்டீபன் கிளெய்ன் தெரிவித்துள்ளார்.

பறக்கும்போது அதிகபட்சமாக மணித்தியாலத்துக்கு 170 கிலோமீற்றர் வேகத்தை இக்கார் அடைந்தது.

இருவர் பயணம் செய்யக்கூடிய இக்கார் 200 கிலோகிராம் எடையைக் கொண்டதாகும்.

2 மில்லியன் யூரோவுக்கு குறைந்த முதலீடு இக்காரை உருவாக்குவதற்குத் தேவைப்பட்டதாக இதன் பின்னணியிலுள்ள கிளெய்ன் விஷன் (Klein Vision’spatent) நிறுவனம் தெரிவித்துள்ளது.

https://newuthayan.com/சர்வதேச-விமான-நிலையங்களு/