தொடரும் இந்திய மீனவர்களின் அத்துமீறல்கள் – நேற்றும் 06 பேர் கைது

February 19, 2022

 

இலங்கை கடற்பரப்புக்குள் அத்துமீறி மீன்பிடியில் ஈடுபட்ட 6 இந்திய மீனவர்கள் ஒரு படகுடன் நேற்று இரவு இலங்கை கடற்படையினரால் கைது செய்யப்பட்டனர்.

காரைநகர் கோவளம் கடற்பரப்பில் நேற்று இரவு இந்திய மீனவர்கள் மீன்பிடித்துக் கொண்டிருந்த போது அப்பகுதியில் ரோந்து பணியில் ஈடுபட்ட இலங்கை கடற்படையினர் ஒரு படகையும் அதில் இருந்த 6 இந்திய மீனவர்களையும் கைது செய்தனர்.

கைது செய்யப்பட்டவர்களையும் படகினையும் கடற்படையினர் மயிலிட்டி மீன் பிடி துறைமுகத்திற்கு  கொண்டு சென்றுள்ளனர்.
 

https://globaltamilnews.net/2022/173165

 

இந்த வார விகடனில் வந்த கட்டுரையில் இப்படி எழுதியிருக்கின்றனர்.

Quote

இலங்கை - தமிழகத்துக்கு இடையிலான 50 கடல் நாட்டிக்கல் மைல் கடற்பரப்பு 38 நாட்டிக்கல் மைல் இந்தியாவுக்கும், 12 நாட்டிக்கல் மைல் இலங்கைக்கும் என ஆங்கிலேயர் ஆட்சிக்காலத்தில் பிரிக்கப்பட்டது. 
 

Quote

எங்களை வாரத்துக்கு 2 நாள்கள் மீன்பிடிக்க அனுமதியுங்கள். மற்ற நாள்களில் நீங்கள் தொழில் செய்யுங்கள் என்பதுதான். அதற்கு அவர்கள் ஒத்துக்கொள்ளாத பட்சத்தில் கச்சத்தீவை மீட்டு நம் மீனவர்களின் பாரம்பர்ய மீன்பிடிக்கும் உரிமையை நிலைநாட்ட மத்திய மாநில அரசுகள் நடவடிக்கை எடுக்கவேண்டும்” என்கிறார், ராமேஸ்வரம் மீனவர் சங்கத் தலைவர் சேசு.

 

ஆக 50 நாட்டிக்கல் மைல் கடற்பரப்பில் 38 அவர்களுக்கும் எம் மீனவர்களுக்கு 12 உம் தான் உள்ளது. அந்த 12 இலும் அவர்களுக்கு மீன் பிடிக்க வேண்டுமாம்.