இவ்வாண்டின் ஆரம்பத்தில் இருந்து பிரித்தானியாவுக்குள் கடல் மற்றும் லொறிகளின் ஊடாக சட்டவிரோதமாக உள்நுழையும் அகதிகளில் குறிப்பாக குடும்பமாக அன்றி.. தனியாக வரும் இளைஞர்களை ருவண்டாவில் குடியேற்றும் முறைமையை கைக்கொள்வதற்கான இரு தரப்பு உடன்படிக்கையில் ருவண்டாவும் பிரித்தானியாவும் கைச்சாத்திட்டுள்ளதோடு.. இத்திட்டம் இன்னும் சில வாரங்களில் ஆரம்பிக்கவும் பட இருக்கிறது.

இதன் மூலம் ஆபிரிக்க நாடான ருவண்டாவில் அதற்கு சம்பந்தமில்லாதவர்களும் குடியேறும் நிலை ஏற்படும்.

பிரித்தானிய அரசின் இந்த நடவடிக்கைக்கு பல தரப்பினரும் எதிர்ப்புக் காட்டி வரும் நிலையில்.. டோவர் பகுதி வாழ் பிரித்தானிய மக்கள்.. இதனை வரவேற்கவும் செய்துள்ளனர்.

பிரக்சிட் மூலம் பிரித்தானிய எல்லைகள் இறுக்கப்படும்.. குடியேற்றங்கள் சில பத்தாயிரங்களுக்குள் அடக்கப்படும் என்று வாக்குறுதிகளை பிரித்தானிய நடப்பு பிரதமர் வழங்கி இருந்த நிலையில்... பிரான்சில் இருந்து கடல் வழியாக கடத்தி வரப்படும் அகதிகளின் எண்ணிக்கை மட்டும் பல ஆயிரங்களை தொட்டு வரும் நிலையில்.. உள்ளூராட்சி தேர்தல்களும் வர இருக்கும் நிலையில்.. பிரித்தானிய அரசு.. அவுஸ்திரேலியா பாணியில் இந்த நடவடிக்கையில் இறங்கியுள்ளது.

இஸ்ரேலும் இப்படி ஒரு உடன்படிக்கையை 2018 வாக்கில் ருவண்டாவோடு செய்திருந்த நிலையில் அது தோல்வியில் முடிந்ததுடன்.. குடியேற்ற அனுப்பப்பட்டவர்கள் மீது வன்முறைகளும்..மீள ஆட்களை எல்லை விட்டு எல்லை கடத்தல்களும் கட்டுப்படுத்த முடியாத அளவுக்கு போன நிலையில்.. குறித்த உடன்படிக்கையில் இருந்து இஸ்ரேல் பின்வாங்கி உள்ளது. இந்த நிலையில் பல மில்லியன் பவுன்கள் செலவுள்ள இந்த உடன்படிக்கையில் இப்போ பிரித்தானியா கையெழுத்திட்டிருப்பது.. பல தரப்பு எதிர் விமர்சனங்களை தோற்றுவித்திருக்கிறது.

இந்த ஒப்பந்தம் நடைமுறைக்கு வந்தால்.. ஆபிரிக்காவில் இருந்து மட்டுமல்ல.. ஆப்கானிஸ்தான் பாகிஸ்தான்.. இலங்கை உட்பட நாடுகளில் இருந்து வரும் அகதிகளும் ருவண்டா நோக்கி அனுப்பப்படும் ஆபத்தை எதிர்கொள்கின்றனர் என்பது இங்கு குறிப்பிடத்தக்கது. 

https://www.bbc.co.uk/news/uk-61122241

Edited April 15, 20223 yr by nedukkalapoovan

இந்த திட்டம் 82,83 களிலையே ஐரோப்பிய நாடுகளிடம் இருந்தது.

சில வருடங்களிற்கு முன் துருக்கி மற்றும் கிறீஸ்லாந்து நாடுகளிலும் சிரியா ,லிபியா,ஆப்கானிஸ்தான்,ஈராக் நாடுகளின் அகதிகளை அங்கேயே வைத்து  ஐரோப்பிய யூனியன்மார்  பராமரித்து வந்தார்கள். ஆனால் கிறிஸ்லாந்து வங்குரோத்து அரசியல் குழப்பங்களும் துருக்கியின் வன்ம அரசியல் போக்காலும் அங்கு தங்கியிருந்த அகதிகளை மடைவெள்ளம் போல் ஐரோப்பிய யூனியன் நோக்கி திறந்து விட்டார்கள். அதன் பின்பே ஜேர்மனியும் சவாலாக நாங்கள் எதனையும் சமாளிப்போம் என்ற தொனியுடன் சிரிய அகதிகள் அனைவரையும் உள்வாங்கியது.