`பிரபாகரன் விவகாரத்தைக் கிளப்பியதற்குப் பின்னால் பாஜக அரசா?' - திருமா குற்றச்சாட்டும், பின்னணியும்!

இது தொடர்பாக விடுதலைச் சிறுத்தைகள் கட்சியின் துணைப் பொதுச்செயலாளர் வன்னி அரசிடம் பேசினோம். ``இப்போது இருக்கும் தெற்காசிய அரசியல் சூழலில் இந்தியா ராணுவரீதியாகவும், பொருளாதாரரீதியாகவும் மிகப்பெரும் பின்னடைவைச் சந்தித்துவருகிறது. இந்தியாவைச் சுற்றியிருக்கும் நாடுகள் எல்லாமே பகை நாடுகளாக மாறியிருக்கின்றன. நிலைமை இவ்வாறு இருக்க இந்தியாவை ஒட்டியிருக்கும் இலங்கையைத் தன் கட்டுக்குள் கொண்டுவருவதற்கு ரொம்ப நாள்களாக இந்தியா ஆசைப்படுகிறது. அதவாது காங்கிரஸ், பா.ஜ.க இரண்டுமே. இதற்காக இந்தியா பல கோடி ரூபாய் இலங்கைக்கு நிதி உதவி செய்தாலும், இலங்கை சீன சார்பு நாடாகவே இருக்கிறது. ரணில் விக்ரமசிங்க அமெரிக்க சார்புடையவராக இருந்தாலும், ராஜபக்சே ஏற்கெனவே சீன சார்பு நிலையை எடுத்ததினால், அந்த நிலைப்பாட்டிலிருந்து விலக முடியவில்லை.

இப்படிப்பட்ட ஒரு சூழலில் இலங்கையைத் தன் கட்டுப்பாட்டில் கொண்டுவர வேண்டும் என்று இந்தியா நீண்டகாலமாக முயல்கிறது. ஏற்கெனவே இந்த ஸ்டேட்டர்ஜியை வைத்துத்தான் ஜெயவர்த்தனேவை இந்திரா காந்தி அச்சுறுத்தி வைத்திருந்தார். அதே நிலைப்பாட்டை இவர்கள் மீண்டும் பிரபாகரன் வருகிறார் என்று சொல்லவைத்து இலங்கையை அச்சுறுத்துவதற்கான ஒரு யுத்தியை உளவுத்துறையும், உளவுத்துறை இயக்குகிற பா.ஜ.க-வும் கையாள்வது தெரிகிறது. இந்தப் பின்னணியில் நெடுமாறன் ஐயாவிடம் இந்தச் சதியைச் சொல்லி, சொல்லவைத்திருப்பார்கள் என்று நான் நம்பவில்லை. பிரபாகரன் உயிரோடு இருப்பார் என்றால், புலிகளைக் கட்டுப்படுத்துவதற்கு இந்தியாவின் உதவி தேவைப்படும். அப்போது நாம் கட்டுப்படுத்தலாம் என இவர்கள் கணக்கு போடுகிறார்கள்.

அதே வேளையில் ராஜபக்சேவுக்கு எதிராக சிங்கள மக்களே போராட்டம் நடத்துகிறார்கள். அந்த சிங்கள மக்களை திசைதிருப்புவதற்கு, ‘எதிரி பிரபாகரன் வந்துவிட்டார். அமைதியாக வந்திருங்கள். புலிகளை அடக்க ராஜபக்சேதான் சரியாக இருப்பார்’ என்கிற ஒரு யுத்தியையும் கையில் எடுக்கிறார்கள். இலங்கை ராணுவம் பிரபாகரன் இறந்துவிட்டார் என்று அறிவித்தபோது, இந்தியாவும் ஒப்புக்கொண்டது. அதைத் தொடர்ந்து இந்தியா அங்கிருக்கும் மக்களுக்கு உதவி செய்கிறது. இந்த நிலையில், இப்போது இதைச் செய்வதற்கான காரணம் தெற்காசியாவில் இந்தியா, இலங்கையைக் கட்டுப்படுத்தும் என்பதே.நெடுமாறன் ஐயா அறிவிப்புக்குப் பிறகு, இந்நேரம் உளவுத்துறை விசாரித்திருக்க வேண்டாமா... ஏனென்றால் விடுதலைப் புலிகள் இயக்கம் தடைசெய்யப்பட்ட இயக்கம். ஒவ்வொரு மூன்றாண்டும் பா.ஜ.க தடையை நீட்டிக்கிறது. அப்படி நீட்டிக்கப்படும் இயக்கத்தின் தலைவர் உயிரோடு இருக்கிறார் என்று சொல்லும்போது, நெடுமாறன் ஐயாவை விசாரணை செய்திருக்க வேண்டும். இதுவரை அவரை விசாரணை செய்யாததினால் முழுக்க முழுக்க அவரை இயக்கியதன் பின்னணியில் இந்தியாவின் உளவுத்துறையும், பா.ஜ.க அரசும் சேர்ந்து செய்த நாடகம் என்பது தெளிவாகிறது. இதனால் ஈழத்தமிழர்களுக்கு எந்தவித பயனும் கிடைக்காது. இது முழுக்க முழுக்க பா.ஜ.க அரசின் செயல்திட்டத்தை நடைமுறைப்படுத்தக்கூடிய ஒரு யுக்தி. அந்த யுக்திக்கு நெடுமாறன் ஐயா பயன்பட்டிருக்கிறார்” என்றார்.

 

நாராயணன் திருப்பதி