Published By: T. SARANYA

20 APR, 2023 | 04:59 PM

இந்திய உயர்ஸ்தானிகர் கோபால் பாக்லே முன்னாள் பிரதமர் மஹிந்த ராஜபக்ஷவை சந்தித்து கலந்துரையாடினார்.

இன்று (20) காலை இடம் பெற்ற இச்சந்திப்பில் இலங்கைக்கான இந்திய உயர்ஸ்தானிகர் கோபால் பாக்லே, முன்னாள் பிரதமர் மஹிந்த ராஜபக்ஷவை சந்தித்து புத்தாண்டு வாழ்த்துக்களை தெரிவித்துக் கொண்டார்.

இந்த சந்திப்பின் போது, இலங்கையுடனான கடனை மறுசீரமைப்பதில் இந்தியாவின் ஆதரவு உள்ளிட்ட இரு நாடுகளுக்கும் இடையிலான பரஸ்பர நலன்கள் குறித்தும் கலந்துரையாடினர்.

சர்வதேச நாணய நிதியத்திடம் (IMF) இலங்கைக்கு ஆதரவளிப்பதாக இந்தியாவின் உறுதிமொழியை உயர்ஸ்தானிகர் மீண்டும் வலியுறுத்தினார். முன்னாள் ஜனாதிபதி மஹிந்த ராஜபக்ஷவின் ஆட்சிக் காலத்தில் ஆரம்பிக்கப்பட்ட பல இந்திய முதலீடுகள் குறித்தும் அவர் விளக்கமளித்தார்.

முன்னாள் பிரதமர் மஹிந்த ராஜபக்ஷ ஜனாதிபதி மற்றும் பிரதமராக பதவி வகித்த காலத்தில் ஆரம்பிக்கப்பட்டு பூர்த்தி செய்யப்பட்ட ருகுணு பல்கலைக்கழக கேட்போர் கூடம் மற்றும் யாழ் கலாசார நிலையம் தொடர்பாகவும் உயர்ஸ்தானிகரிடம் கேட்டறிந்தார்.

இந்தச் சந்திப்பு நட்பு ரீதியிலும் சுமுகமான சூழ்நிலையிலும் நடைபெற்றதுடன், இந்தியாவுக்கும் இலங்கைக்கும் இடையிலான இருதரப்பு உறவுகளை மேலும் வலுப்படுத்துவதற்கான தமது உறுதிப்பாட்டை இரு தரப்பினரும் மீண்டும் உறுதிப்படுத்தினர்.

https://www.virakesari.lk/article/153347

மகிந்த இருக்கும் தோரணையும், இந்தியக் கோமாளி இருக்கும் விதத்தையும் பார்த்தால் யாரின் குடுமி யாரது கையில் என்பது தெளிவாகத் தெரிகிறது. 

🤣