Published By: T. SARANYA

25 APR, 2023 | 11:38 AM

ஸ்ரீலங்கன் எயார்லைன்ஸின் பொறியியல் பிரிவில் 25 வல்லுநர்கள் பற்றாக்குறையாக உள்ளதாகவும்,  ஆட்சேர்ப்பு செய்யப்பட்ட தொழில் வல்லுநர்கள் வெளிநாட்டு வேலைவாய்ப்புகளுக்காக நாட்டை விட்டு வெளியேறி வருவதாகவும் தெரிய வந்துள்ளது.

ஸ்ரீலங்கன் விமானங்களில் அண்மையில் ஏற்பட்ட தொழில்நுட்பக் கோளாறுகள் தொடர்பில் துறைமுகங்கள், கப்பல் மற்றும் விமானப் போக்குவரத்து அமைச்சர் நிமல் சிறிபால டி சில்வாவுடன் நேற்று திங்கட்கிழமை (24) இடம்பெற்ற விசேட கலந்துரையாடலின் போதே இந்த விடயம் தெரியவந்துள்ளது.

ஸ்ரீலங்கன் விமான சேவையின் உயர்மட்ட முகாமைத்துவம், பொறியியல் திணைக்களம், சிவில் விமான போக்குவரத்து அதிகாரசபை, விமான நிலையம் மற்றும் விமான சேவைகளை பிரதிநிதித்துவப்படுத்தும் அதிகாரிகள் குழு இந்த கலந்துரையாடலில் கலந்துகொண்டது.

விமான நிறுவனத்துக்கு  ஒரு விமானம் கூட சொந்தமாக இல்லை என்பதும், இயக்கப்படும் அனைத்து விமானங்களும் பல்வேறு நாடுகளில் இருந்து குத்தகை முறையின் கீழ்  பெறப்பட்டவை என்பதும் தெரியவந்தது.

இதனைத்  தொடர்ந்து, பொறியியல் துறைக்கு நிபுணர்களை ஆட்சேர்ப்பு செய்து விமானங்களைப் பெறுவதற்கான நடவடிக்கைகளை உடனடியாக மேற்கொள்ளுமாறு அதிகாரிகளுக்கு அமைச்சர் ஆலோசனை வழங்கினார்.

https://www.virakesari.lk/article/153689

எல்லாமே சொந்தமாக இல்லை என்றால் திருத்த வேலைகளுக்கும் சார்க் நாடுகள், மத்திய கிழக்கு நாடுகளை நாடவேண்டியதுதான். ஆளுக்கு ஆள் போட்டி போட்டுக்கொண்டு நாட்டையே ஆட்டையை போட்டால் இதுதான் நிலமை. 

இலங்கை விமானப்படை தொழில்நுட்பவியலாளர்களை பயன்படுத்த முடியாது போல. 

உள்நாட்டில் வேலையில்லாத் திண்டாட்டம், இளைஞர் வேலைவாய்ப்பைத்தேடி மேலைநாடுகளுக்கு பயணம். உள்நாட்டில் ஆளில்லாத் திண்டாட்டம் மேலைநாடுகளிலிருந்து வல்லுநர்கள் தருவிப்பு, வருவிப்பு. ஹி.... ஹி.... நம்ம நாட்டின் முன்னேற்றம். வருங்காலத்தில் வெளிநாடுகளுக்கு கடன் கொடுக்கும் நாடாக உருவெடுக்கும். வருவாய் தரும் முதலீட்டு நிலையங்கள் வெளிநாடுகளுக்கு விற்பனை, இறக்குமதிக்காக காத்திருப்பு. 

19 hours ago, ஏராளன் said:

இதனைத்  தொடர்ந்து, பொறியியல் துறைக்கு நிபுணர்களை ஆட்சேர்ப்பு செய்து விமானங்களைப் பெறுவதற்கான நடவடிக்கைகளை உடனடியாக மேற்கொள்ளுமாறு அதிகாரிகளுக்கு அமைச்சர் ஆலோசனை வழங்கினார்.

ஆமாம் பெரிய சிங்கப்பூர் என்ற நினைப்பு  
டாலர்களில் வாரி வழங்கி போயிங், ஏர் பஸ்ஸிலிருந்து பொறியாளர்களை இறக்கப்போயினம் . 
நானெல்லாம் ஸ்ரீ லங்கன்  ஏர் லயின்ஸில் பறப்பதை விட்டே 5 வருடங்கள், பாவம் சிங்கப்பூருக்கு கொடுக்கும் பணத்தை இலங்கைக்கு கொடுப்போமே என்று பார்த்தாலும், விமானப்பராமரிப்பு, சேவைத்தரம் என்பன காறித்துப்பும் அளவுக்கு. ஒருகாலத்தில் ஆசியாவிலேயே சிறந்ததும், உலகத்தரம் வாய்ந்ததும் என்று பெயரெடுத்த நிறுவனம் இப்போது ஆளே இல்லா கடையில் டீ ஆத்துது.       

On 25/4/2023 at 16:38, ஏராளன் said:

விமான நிறுவனத்துக்கு  ஒரு விமானம் கூட சொந்தமாக இல்லை என்பதும், இயக்கப்படும் அனைத்து விமானங்களும் பல்வேறு நாடுகளில் இருந்து குத்தகை முறையின் கீழ்  பெறப்பட்டவை என்பதும் தெரியவந்தது.

 

7 hours ago, அக்னியஷ்த்ரா said:

நானெல்லாம் ஸ்ரீ லங்கன்  ஏர் லயின்ஸில் பறப்பதை விட்டே 5 வருடங்கள், பாவம் சிங்கப்பூருக்கு கொடுக்கும் பணத்தை இலங்கைக்கு கொடுப்போமே என்று பார்த்தாலும், விமானப்பராமரிப்பு, சேவைத்தரம் என்பன காறித்துப்பும் அளவுக்கு. ஒருகாலத்தில் ஆசியாவிலேயே சிறந்ததும், உலகத்தரம் வாய்ந்ததும் என்று பெயரெடுத்த நிறுவனம் இப்போது ஆளே இல்லா கடையில் டீ ஆத்துது.