இந்த ஆண்டு கோடையில், இத்தாலி-அட்ரியா கடற்கரை நீல நிற நண்டுகளால் திண்டாடுகிறது. 

நீல நிற நண்டுகள், சிறு மீன்பிடி தொழிலில் ஈடுபடும்  கரையோர மீனவர்களின் வலைகளை அறுத்து, வலையில் சிக்கிய மீன்களைச் சிதைத்து மீனவர்களை அதிக எரிச்சல் அடைய வைக்கின்றன. அத்தோடு உல்லாசப் பயணிகள் விரும்பி உட்காரும் கடற்கரைகளில், அவர்களுக்குப் பயத்தையும் ஏற்படுத்துகின்றன.

கடல் நீர் சூடாகி வருவதால்தான் நீல நிற நண்டுகள் இத்தாலிக்கு இடம் பெயர்ந்து வந்திருக்கின்றன என்று சொல்கிறார்கள். ஏறக்குறைய 20 செ.மீ. அகலமும் 10செ.மீ. நீளமும் உள்ள ஒரு கிலோ அளவிலான நீல நண்டுகள் கடல்வாழ் மட்டிகளையும் அழித்து வருகின்றன. இதனால் ‘கடலின் கொலையாளி’ என்று இத்தாலியில் இவற்றை விழிக்கிறார்கள். 

நீல நண்டுகளால் மனிதருக்கு நேரடியாக எந்த விதத் தீங்குகளும் இருக்கப் போவதில்லை. ஆனாலும் இனப்பெருக்கத்தில் அவை  அதி தீவிரமாக இருக்கின்றன. ஒரு பெண் நண்டு ஒரு முறைதான் இனச்சேர்க்கையில்ஈடுபடுகிறது.  அந்த ஒரு தடவையிலான இனச்சேர்க்கையிலேயே பெண் நண்டு   2 மில்லியன் முட்டைகளை இடுவதற்கான வாய்ப்புகள் இருக்கின்றன. இதன் காரணமாக எதிர்காலத்தில் ஏற்படப்போகும் விளைவுகளைத் தடுக்கும் நோக்குடன்,  நீல நண்டுகளைஅழிப்பதற்காக,  இத்தாலி அரசு  2,9 மில்லியன் யூரோக்களை இந்த ஆவணி மாதத்தில் உடனடி உதவியாக அளித்திருக்கிறது. 

மீன்களைத் தாக்கி, வலைகளை அறுத்து, சுறசுறுப்பாக இயங்கும் நீல நண்டுகள் நாளடைவில் மீன்பண்ணைகளுக்குள் நுளைந்தால் அங்கு வளர்க் கப்படும்  மட்டிகளை அழித்து விடலாம் என்ற அச்சமும் எழுந்திருக்கிறது. இவற்றை வேட்டையாடாது விட்டால் பண்ணைகளுக்குப் பெரும் அனர்த்தம் நடந்து விடும் என்று யோசித்தவர்களுக்கு இதை சமைத்துச் சாப்பிட்டால் என்ன என்ற எண்ணம் வந்தது. 

இத்தாலியில் இப்பொழுது, விற்றமின் B12 நிறைந்த ஒரு உணவு என்று விளம்பரப் படுத்தப்பட்டு உணவகங்களில்  ‘மெனுக் கார்டடில்’ இடம் பெற்றிருக்கும் நீல நண்டு உணவு 10 யூரோவுக்கு கிடைக்கிறது.

இவ்வகை நண்டுகளை அமெரிக்கா, சீனா நாடுகளில் உணவாக விரும்பிச் சாப்பிடுகிறார்கள் என்பதால் நீல நண்டுகளை ஏற்றுமதி செய்து பணம் பார்க்கலாம் என்று இத்தாலி அரசு முயற்சிக்கிறது. முதற் கட்டமாக 15 தொன் நிறை கொண்ட நீல நிற நண்டுகள் அடங்கிய கொள்கலன் இந்த மாதம் அமெரிக்காவுக்கு அனுப்பி வைக்கப்பட்டிருக்கிறது. 

வெகு விரைவில் ஐரோப்பிய நாடுகளின் முக்கிய சந்தைகளில் நீல நண்டுகள் விற்பனைக்கு வந்து விடும் என நம்பலாம். விற்றமின் B12 நிறைந்த உணவு என்று விளம்பரம் செய்தாலும் ‘இயற்கை வயாகரா’  என்று விளம்பரம் செய்தால் விற்பனை ஆகாயத்தில் கொடி கட்டிப் பறக்கும்.

 

 

 

Edited August 21, 20232 yr by Kavi arunasalam

தற்போது கிழக்கு ஆழ் கடலில் சிவப்பு நிற நண்டுகள்  என சொல்கிறார்கள் சில நாட்கள் கடந்த பின்னர் அந்த கரை ஒதுங்கி இறந்து நாற்றமெடுக்கும்.

வலைகள்,வலையில் சிக்கும் மீன்களை அறுத்து நறுக்கி விடுகிறதாம்.என மீனவர்கள் தகவல்