கறுப்புச் சட்டையானாலும் சிகப்புச் சட்டையானாலும் அணியும்போதே மனதில் ஒரு நியாயமான பெருமையுடன் - ஒரு வகையில் அடக்கமான கர்வத்துடன் (!) - அணிய வேண்டும் எனும் எண்ணம் கொண்டவன் நான். ஏனெனில் மானிட சமூகத்தில் இவ்விரு அணியினர்தாம் கொள்கைச் சான்றோர் என்பது என் ஆணித்தரமான கருத்து. சமீபத்தில் இந்த சட்டை பற்றிய கர்வத்தை தோழர் மதிவதனி அவர்கள் தமது உரையொன்றில் குறிப்பிட்டபோது என் எண்ணம் அது திண்ணமானது (A concept in me became a conviction for me).
        தந்தை பெரியார் அருகில் நிற்கும் வாய்ப்பு அமையாவிடினும், அவரது கொள்கை வழித்தோன்றலான தலைவர் கி. வீரமணி அவர்கள் அருகில் நிற்கும் பேறு பெற்றேன். இவ்வரிய செவ்வியை ஏற்படுத்தித் தந்த தோழர்கள் மானமிகு இராஜேந்திரன் ஐயா, மானமிகு வேல்முருகன் ஐயா, மானமிகு பேரா. நீலகிருஷ்ண பாபு ஆகியோருக்கு அடியேன் நன்றிக் கடப்பாடுடையவன்.
        இப்போது அருகில் நின்ற நான், கொள்கை உறுதிப்பாட்டிலும் என் வாழ்நாளில் அவர்கள் அருகில் நிற்கும் தகுதி பெற ஆசை. இது சின்னச்சின்ன ஆசையல்ல; பெரிய பெரிய ஆசை.

 

https://m.facebook.com/story.php?story_fbid=pfbid0kLbkn2VcYnayCggFufZLNKfw3xwQkuyVzf6fcckXiM1QkycyFv8LBLumxU5JtjkXl&id=100083780391980&mibextid=Nif5oz

ஆகா நீங்கள் பெரியாரிஸ்டா?

இனி யாழ் வரும்போது ஒரு தலைகவசம் மறக்காமல் எடுத்து வாருங்கள்🤣.

 

7 hours ago, goshan_che said:

ஆகா நீங்கள் பெரியாரிஸ்டா?

இனி யாழ் வரும்போது ஒரு தலைகவசம் மறக்காமல் எடுத்து வாருங்கள்🤣.

 

நான் என் மனதில் என்னைத் திராவிட இயக்க சிந்தனையும் இடதுசாரி சிந்தனையும் கொண்ட கலவையாக வரித்துக் கொண்டுள்ளேன். இதனை நான் யாழில் எழுதிய கட்டுரைகளிலேயே வெளிப்படுத்தியுள்ளேன். இரண்டில் எந்த ஒரு அணிக்கும் தாலி கட்டவில்லை. இரண்டையும் 'வைத்துக்' கொண்டுள்ளேன். நான் ஒரு 'பலபட்டறை' என்று சொல்லிக் கொள்ளலாம், தோழர் ! இதில் ஒரு வசதி இருக்கிறது. இரண்டு தரப்பினரும் நடத்தும் போராட்டங்களுக்குச் செல்வேன். இரண்டு தரப்பினருக்கும் இயன்ற நிதியுதவியும் அளிப்பேன். ஒவ்வொருவரிடமும் மாறுபட வேண்டிய விடயங்களில் மாறுபட்டு நிற்பேன். உதாரணமாக ஈழம், கூடங்குளம் அணுமின்நிலையப் போராட்டம் முதலியவற்றில் இடதுசாரித் தோழர்களை நேரிலும், மேடையிலும், எழுத்திலும் விமர்சனம் செய்திருக்கிறேன். சில விடயங்களில் மாறுபடுவதற்காக இரண்டில் யாரையும் உதறித் தள்ளியதில்லை. இருவருமே என்னை அப்படியே ஏற்றுக் கொண்டது எனக்கான வரம். நீங்கள் என்னை 'பெரியாரிஸ்ட்' என்று மட்டும் முத்திரை குத்த முனைந்ததால் இவ்வளவு எழுதிவிட்டேன்.

      இந்த சிந்தாந்தங்களுக்கு அப்பாற்பட்டு சமூக சார்ந்த விடயங்களையும் இலக்கிய வாசிப்புகளையும் (நாத்திகனாக இருப்பினும் பக்தி இலக்கியம் உட்பட) அழகியலோடு எழுதும் ஆர்வமும் எனக்கு உண்டு. எழுத்திலும் நான் பலபட்டறைதான் !

           மற்றபடி யாழில் நீங்கள் சொன்னது போல 'தலைக்கவசம்' அணிந்து கடந்து செல்வதில் எனக்குப் பிரச்சினையில்லை.  விமர்சனங்கள் வரும்போது ஒவ்வொன்றிற்கும் பதில் சொல்ல வேண்டியதுமில்லை. கடந்து செல்வது என்பது அதுதானே !

Edited October 18, 20232 yr by சுப.சோமசுந்தரம்

4 hours ago, சுப.சோமசுந்தரம் said:

ஒவ்வொருவரிடமும் மாறுபட வேண்டிய விடயங்களில் மாறுபட்டு நிற்பேன்.

அந்த சுதந்திரம் முக்கியமானது என நம்புகிறேன்.

4 hours ago, சுப.சோமசுந்தரம் said:

நான் என் மனதில் என்னைத் திராவிட இயக்க சிந்தனையும் இடதுசாரி சிந்தனையும் கொண்ட கலவையாக வரித்துக் கொண்டுள்ளேன். இதனை நான் யாழில் எழுதிய கட்டுரைகளிலேயே வெளிப்படுத்தியுள்ளேன். இரண்டில் எந்த ஒரு அணிக்கும் தாலி கட்டவில்லை. இரண்டையும் 'வைத்துக்' கொண்டுள்ளேன். நான் ஒரு 'பலபட்டறை' என்று சொல்லிக் கொள்ளலாம், தோழர் ! இதில் ஒரு வசதி இருக்கிறது. இரண்டு தரப்பினரும் நடத்தும் போராட்டங்களுக்குச் செல்வேன். இரண்டு தரப்பினருக்கும் இயன்ற நிதியுதவியும் அளிப்பேன். ஒவ்வொருவரிடமும் மாறுபட வேண்டிய விடயங்களில் மாறுபட்டு நிற்பேன். உதாரணமாக ஈழம், கூடங்குளம் அணுமின்நிலையப் போராட்டம் முதலியவற்றில் இடதுசாரித் தோழர்களை நேரிலும், மேடையிலும், எழுத்திலும் விமர்சனம் செய்திருக்கிறேன். சில விடயங்களில் மாறுபடுவதற்காக இரண்டில் யாரையும் உதறித் தள்ளியதில்லை. இருவருமே என்னை அப்படியே ஏற்றுக் கொண்டது எனக்கான வரம். நீங்கள் என்னை 'பெரியாரிஸ்ட்' என்று மட்டும் முத்திரை குத்த முனைந்ததால் இவ்வளவு எழுதிவிட்டேன்.

      இந்த சிந்தாந்தங்களுக்கு அப்பாற்பட்டு சமூக சார்ந்த விடயங்களையும் இலக்கிய வாசிப்புகளையும் (நாத்திகனாக இருப்பினும் பக்தி இலக்கியம் உட்பட) அழகியலோடு எழுதும் ஆர்வமும் எனக்கு உண்டு. எழுத்திலும் நான் பலபட்டறைதான் !

           மற்றபடி யாழில் நீங்கள் சொன்னது போல 'தலைக்கவசம்' அணிந்து கடந்து செல்வதில் எனக்குப் பிரச்சினையில்லை.  விமர்சனங்கள் வரும்போது ஒவ்வொன்றிற்கும் பதில் சொல்ல வேண்டியதுமில்லை. கடந்து செல்வது என்பது அதுதானே !

அற்புதமான அணுகுமுறை.

முத்திரைகுத்தும் எண்ணமில்லை. ஒரு அபாய அறிவிப்பு மட்டும்தான்🤣.

எனக்கும் பெரியாரிய கருத்தியலுக்கும் கூட இதை போல் ஒரு உறவுதான். ஆனால் சில சமயம் அதற்கே வாங்கி கட்டும்படி ஆகிவிடுகிறது.

கடந்து போக கற்றுகொண்டு வருகிறேன்.