ரணில் ஒரு வடக்கு தமிழ் இனவாதி என்றால் சுமந்திரன் தமிழினத்தின் துரோகி

[colomban]

 

 

 

 

ஊடகவியலாளர்- ஏ சி பௌசுல் அலிம்

ஜனாதிபதி ரணில் விக்ரமசிங்கவுடன் நெருங்கிப் பழகி வந்த சுமந்திரன் திடீரென தனது நிலைப்பாட்டை மாற்றி, தனிநபர் சட்ட முன்வரைவுகளை தடுப்பதற்கு சாட்சி சமர்ப்பித்து, ரணில் விக்ரமசிங்கவை இனவாதி என குற்றம் சுமத்தியுள்ளர். தமிழ் மக்கள் சுமந்திரன் எப்படிப்பட்டவர் என்பதை நன்கு அறிந்துள்ள நிலையில், அவர் ரணிலை குற்றம் சுமத்துவதற்கு எந்த தகுதியும் இல்லை என்ற கேள்வி எழுகிறது. ஒன்றாக இருந்து குழிபறித்த கூட்டத்தில் இருந்தவர் சுமந்திரன் என்பதை அவர் மறக்க முடியுமா? என்று கேட்க வேண்டி இருக்கிறது.

சுமந்திரன் ஒரு சட்ட வல்லுநராகவும், வாதத் திறமை கொண்டவராகவும் இருக்கலாம். ஆனால், அவர் மனசாட்சியை தொட்டுப் பேச வேண்டும். ரணிலை நம்ப வைத்து மோக்ஷம் செய்தவர் சுமந்திரன் என்பது தமிழ் மக்களுக்குப் புதிதல்ல ஏனைய மக்களும் இதை நன்கு அறிந்துள்ளனர்.

சம்பந்தன் ஐயா உயிரோடு இருந்தபோது அவரோடு இணைந்து உறவாடி தமிழினத்தை ஏமாற்றி வந்தவர் இன்று சம்பந்தன் ஐயா உயிரோடு இருந்திருந்தால் இந்த இழிவான செயல்களை கண்டித்திருப்பார் என்பது நிச்சயம்.

தமிழர் சமூகத்தின் நலனை முன்னெடுக்கும் வழியில் செயல்பட்டிருந்தால் தமிழரசு கட்சியும், சுமந்திரனும் தமிழ் பொது வேட்பாளரை ஆதரித்து அவருக்கு ஆதரவளித்திருக்க வேண்டும். ஆனால் இங்கு சுமந்திரன் செய்திருக்கும் செயல்கள், ரணிலின் முதுகில் குத்திய கொடுமையான செயலாகவே தமிழர் சமூகத்தால் பார்க்கப்படுகின்றன.

ரணில் எப்படிப்பட்டவர் என்பதை தமிழ் மக்கள் நன்கு அறிந்துள்ளனர் அவர் ஒருபோதும் தமிழினத்துக்கு எதிரானவர் அல்ல.வடக்கு மக்களுக்கு குரல் கொடுத்து வந்த ரணிலின் செயல்களை சுமந்திரன் போன்றவர்கள் மறந்தாலும், தமிழ் மக்கள் ஒருபோதும் மறக்கப் போவதில்லை.

சுமந்திரன் அவரின் போலித்தனத்தை மக்கள் உணர்ந்துள்ளனர். ரணில் விக்ரமசிங்க ஒரு இனவாதி எனக் குற்றம் சுமத்தி அவரை பழிவாங்கும் எண்ணம் கொண்டவர் அல்ல. சுமந்திரன் செய்யும் துரோகத்தை தமிழ் மக்கள் விரைவில் வெளிப்படுத்துவர். ஏற்கெனவே தமிழ் தேசிய கூட்டமைப்பில் குழப்பம் ஏற்படுத்தி, தமிழரசு கட்சிக்குள் சண்டையை தூண்டியவர் என்று தெரியும்.

இந்நிலையில் ரணிலை இனவாதி என சுமந்திரன் சொன்னால், அவரே அதைவிட மோசமான இனவாதியாக இருக்கும். தமிழ் மக்கள் சுமந்திரனின் துரோகித்தனத்தை நன்கு அறிந்து கொண்டுள்ளனர். வெற்றி, தோல்வி எதுவாயினும் தமிழ் பொது வேட்பாளருக்கு ஆதரவளிக்கத் தயங்கியவர் சுமந்திரன் என்பதால், அவரை மக்கள் எப்படி நம்பப் போகிறார்கள்?

சுமந்திரனின் போலித்தனமான முகம் கலைந்து விட்டது; அவரை நம்புவதற்கு தமிழ் மக்கள் தயங்குகின்றனர். ஹக்கீம், ரிஷாட் போன்ற முஸ்லிம் தலைவர்கள் சஜித் பக்கம் சென்றதால் அச்சம் கொண்டு, தன்னிச்சையாக தமிழரசு தீர்மானம் என அறிவித்துள்ளார் சுமந்திரன். தமிழரசு முக்கிய குழுவினர் கூட அவரது முடிவை எதிர்த்து தங்கள் எதிர்ப்பை வெளிப்படுத்திவிட்டார்கள்.

சஜித்துக்கு மக்கள் ஆதரவு அதிகரித்ததால் தான் சுமந்திரன் ரணிலை கைவிட்டு, சஜித்திடம் நல்ல பெயர் வாங்க முற்பட்டார். சட்டப் பாடத்தை நன்கு கற்றவர் அரசியல் பாடத்தை இன்னும் கற்றுக் கொள்ளாததுதான் கவலையாகும். சுமந்திரன் இன்னும் எத்தனை போலி நாடகங்களை அரங்கேற்றப் போகிறார் என்பதை பொறுத்திருந்து பார்க்க வேண்டும்.

https://madawalaenews.com/3772.html

[Kapithan]

இதை ஒரு முஸ்லிம் கூறுவதால் TNA சஜித் பிறேமதாசாவுக்கு ஆதரவளிப்பதாக எடுத்த முடிவு மிகச் சரியானதென உறுதியாகிறது. 

😁😀