அர்ச்சுனாவுக்கு எதிராக மேன்முறையீட்டு நீதிமன்றத்தில் மனு! கேள்விக்குட்படுத்தப்படும் எம்.பி பதவி

[ஏராளன்]

யாழ். மாவட்ட நாடாளுமன்ற உறுப்பினர் இராமநாதன் அர்ச்சுனாவுக்கு எதிராக  மேன்முறையீட்டு நீதிமன்றத்தில் தாக்கல் செய்யப்பட்ட மனு எதிர்வரும் ஜனவரி மாதம் 15ஆம் திகதி விசாரணைக்கு எடுத்துக் கொள்ளப்படவுள்ளது. 

நாடாளுமன்ற உறுப்பினர் பதவியை வகிக்கத் தகுதியற்றவர் என தெரிவித்து புதிய சுதந்திர முன்னணியின் தலைவர் ஓஷல ஹேரத்தினால் இந்த மனு தாக்கல் செய்யப்பட்டிருந்தது.

தேர்தல்கள் சட்ட விதிகளுக்கு முரணானது

இந்தநிலையில், இந்த மனுவை ஜனவரி 15ஆம் திகதி விசாரணைக்கு எடுத்துக்கொண்டு உண்மைகளை உறுதிப்படுத்துமாறு  நீதியரசர்கள் இன்று உத்தரவிட்டனர்.

நாடாளுமன்ற உறுப்பினர் இராமநாதன் அர்ச்சுனா கடந்த பொதுத் தேர்தலின் போது அரச வைத்தியராகக் கடமையாற்றிய நிலையில், வேட்பு மனுவை சமர்ப்பித்ததாக மனுதாரர் கோரியுள்ளார்.

அரச சேவையில் இருந்து விலகாமல் இவ்வாறு வேட்புமனுத் தாக்கல் செய்வது சட்டவிரோதமானது எனவும், தேர்தல்கள் சட்ட விதிகளுக்கு முரணானது எனவும் குறித்த மனுவில் சுட்டிக்காட்டப்பட்டுள்ளது. 

இதன்படி,  நாடாளுமன்ற உறுப்பினர் அர்ச்சுனா நாடாளுமன்ற உறுப்பினர் பதவியை வகிக்க தகுதியற்றவர் எனப் பிரகடனப்படுத்தி, அந்த ஆசனத்தை செல்லுபடியற்றதாக்கும் உத்தரவைப் பிறப்பிக்குமாறு கோரி இந்த மனு தாக்கல் செய்யப்பட்டுள்ளமை குறிப்பிடத்தக்கது. 

https://tamilwin.com/article/archchuna-disqualified-to-be-mp-1734425548

[RishiK]

அருச்சுனாவின் இனிங்ஸ் முடிபுக்கு வருமா? 

Edited 4 hours ago by RishiK

[suvy]

"நந்தவனத்தில் ஓர் ஆண்டி " என்னும் பாடல்தான் நினைவுக்கு வருகின்றது . ......!  

 

[RishiK]

அருச்சுனாவிற்கும் இந்த issues பற்றி தெரிந்து இருக்கும், இலங்கை தேர்தல் சட்டத்தில் தெளிவாக உள்ளது. 

[Paanch]

அவர் 

4 hours ago, ஏராளன் said:

அரச சேவையில் இருந்து விலகாமல் இவ்வாறு வேட்புமனுத் தாக்கல் செய்வது சட்டவிரோதமானது

இந்த முறைப்பாடு செய்தியாக முன்னமும் வந்து வாசித்த ஞாபகம் உள்ளது, அதற்கான பதிலையும் அவ்வேளையில் அருச்சுனா தெரிவித்திருந்தார்.

தேர்தலுக்கு முன்பாகவே அரசவைத்தியராகக் கடமையாற்றிய நிலை தவிர்க்கப்பட்டதாகவும், அதனையொட்டி அவருக்கு வழங்கப்பட்ட சம்பளமும் நிறுத்தப்பட்டு அதற்கான சான்றிதழ்களையும் காட்டித் தெரிவித்தருந்தார். 

[நியாயம்]

4 hours ago, RishiK said:

அருச்சுனாவின் இனிங்ஸ் முடிபுக்கு வருமா? 

வாய்ப்பே இல்லை. பலரது கவனத்தையும் ஆதரவையும் மருத்துவர் பாராளுமன்ற உறுப்பினர் அருச்சுனா இராமநாதன் ஏற்கனவே பெற்றுவிட்டார். 

கூட்டுக்களவாணிகள் இவர் ஒதுங்கவேண்டும் என்பதையே விரும்புவார்கள்.

[ரசோதரன்]

அர்ச்சுனாவை தேர்தலிற்கு முன்னரே பணியிலிருந்து இடைநிறுத்தி இருந்தார்கள். ஆதலால் அர்ச்சுனாவின் வக்கீல் வாதாடி வென்றுவிடுவார்.

அர்ச்சுனாவின் வக்கீலுக்கு சுக்கிரதிசை போல.............