இரு விமானங்கள் வீட்டுக்கு மேலாக சென்று முகாம் மீது இரு தீப்பந்தங்களை போட்டன நேரில் கண்ட பெண் கூறுகிறார்.

ஜ புதன்கிழமைஇ 24 ஒக்ரேபர் 2007 ஸ ஜ ஜெயராசா ஸ

இதுவரை கேட்டறியாத சத்தத்துடன் வந்த இரண்டு விமானங்கள் எமது வீட்டுக்கு மேலாக சென்று விமானப்படை தளம் மீது இரண்டு தீப்பந்தங்களை போன்ற பொருளை போட்டன. சிறிது நேரத்தில் பெரும் சத்தங்கள் கேட்டன என்று அநுராதபுரம் விமானப்படைத் தளத்துக்கு அருகில் உள்ள வீட்டில் வசித்துவரும் குடும்பப் பெண்ணான தமயந்தி என்பவர் தெரிவித்துள்ளார். அநுராதபுரம் நெலும்குளம் பகுதியைச் சேர்ந்த இவர் விமானப்படைத் தளம் மீதான தாக்குதல் குறித்து மேலும் தெரிவித்ததாவது, நானும் எனது இரண்டு குழந்தைகளும் வீட்டில் நித்திரையில் இருந்தவேளையில், எமது வீட்டுக்கு மேலாக சில தடவைகள் விமானங்கள் இரண்டு சுற்றி வந்துகொண்டிருந்தன. பின்பு இராணுவ முகாமுக்கு அண்மையில் சென்று நெருப்பு பந்தங்கள் போன்ற இரண்டை வீழ்த்தின. அதே நேரம் இராணுவ முகாம் இருந்த திசையில் தீப் பற்றி எரிந்ததைக் காணமுடிந்தது. கடந்த திங்கட்கிழமை அதிகாலை சுமார் 3.15 மணியளவில் நான் எனது இரண்டு குழந்தைகளுடன் நித்திரை செய்துகொண்டிருக்கும் பொழுது விமானப் படையினரின் துப்பாக்கி வெடிச் சத்தங்கள் கேட்க ஆரம்பித்தது. அந்த சந்தர்ப்பத்தில் எனது கணவன் வீட்டில் இருக்கவில்லை. மேற்படி வெடிச் சத்தங்களின் போது எமது வீட்டுக் கூரையில் கற்கள் வீழ்வதைப் போன்ற சத்தத்தோடு ஏதோ பொருட்கள் வீழ்ந்து கொண்டிருந்தன. அவ்வேளை நானும் எனது குழந்தைகளும் பாதுகாப்புக்கருதி அயலவர்களது வீட்டையடைந்தோம். நாம் அங்கிருந்த பொழுது இதுவரை கேட்டறியாத சத்தத்துடன் இரண்டு விமானங்கள் எமது வீட்டுக்கு மேலாக சென்றன. புலிகள் இராணுவ முகாம் மீது தாக்குதலை ஏற்படுத்திய வேளையில் எமது வீட்டின் மீதும் வெடித்துச் சிதறிய பொருட்களின் பகுதிகள் சில வந்து வீழ்ந்தன. தாக்குதலை நடத்தி முடித்த புலிகளின் விமானங்கள் இரண்டும் பின்பு அவை வந்த திசையை நோக்கி மீண்டும் பயணிக்க ஆரம்பித்தன. அதே வேளை இராணுவத்தினருக்கும் புலிகளுக்கும் இடையில் துப்பாக்கி சூட்டுப் பிரயோகங்களும் மாறி மாறி நிகழ்ந்த வண்ணமிருந்தன. அதன் பின் அயலவர்களது வீட்டில் இருக்கவும் பயம் கொண்டு மீண்டும் எமது வீட்டையே வந்தடைந்தோம். சிலமணி நேரத்திற்கு பின்பு வெடிச்சத்தங்கள் ஓரளவு குறைந்தன.

http://nitharsanam.com/?art=24694

வெடிச்சத்திற்கும்..குண்டுவெட