விடுதலைப் புலிகளுக்கு ஆயுதம் கடத்துவது பெருமைக்குரிய விடயம் எனப் பெருமிதத்துடன் கருத்துத் தெரிவித்துள்ளார் விடுதலைச் சிறுத்தைகள் கட்சியின் தலைவர் திருமாவளவன்.

செங்கல்பட்டில் நேற்று முன்தினம் இடம் பெற்ற ஆர்ப்பாட்டமொன்றில் கலந்து கொண்டு உரைநிகழ்த்தும் போதே மேற்கண்டவாறு குறிப்பிட்டார் அவர்

'விடுதலைபப் புலிகளுக்காக ஆயுதம் ஏந்திப் போரட எம்மால் முடிவில்லை. குறைந்த பட்சம் ஆயுத உதிரிகளைக் கடத்தினேன் என்று கூறப்படுவது எனக்குப் பெருமையாக இருக்கிறது'. என்றார் மேலும்.

தலித் (தாழ்த்தப்பட்ட சாதி) இளைஞர்களுக்கு ரவுடி முத்திரை குத்தி சிறையில் அடைக்கும் பொலிசாரைக் கண்டித்து விடுதலைச் சிறுத்தைகள் நேற்று முன்தினம் ஆர்ப்பாட்டம் நடத்தியது. செங்கல்பட்டு பழைய பஸ் நிலையத்தில் நடந்த ஆர்ப்பாட்டத்துக்கு மாவட்ட நிர்வாகி தமிழரசன் தலைமை தாங்கினார். பொறுப்பாளர்கள் ஆதவன். கலைவடிவன், கிட்டு, இளையவளவன், கோவேந்தன், தென்னவன் முன்னிலை வகித்தனர். நகரச் செயலர் அன்புச் செல்வன் வரவேற்றார். தலைவர் திருமாவளவன் அதில் கலந்து கொண்டு தொடர்ந்து உரையாற்றுகையில்

'ரவுடிகளை ஒடுக்கும்படி முதல்வர் கருணாநிதி காவல் துறைக்கு உத்தரவிட்டார். இதை எங்கள் கட்சி வரவேற்கின்றது. ஆனால், பொலிஸார் விடுதலைச் சிறுத்தைகளின் பொறுப்பாளர்கள் மீது ரவுடி முத்திரை குத்தி கைது செய்துவருகின்றனா. இதை வன்மையாகக் கண்டிக்கின்றோம்.

விடுதலைப் புலிகளுக்கு ஆயுதங்களைக் கடத்துவதில் விடுதலைச் சிறுத்தைகள் சம்பந்தப்பட்டிருப்பதாக, ஜெயலலிதா பொய்த் தகவலைப் பரப்பி வருகிறார். பத்திரிகையில் வரும் செய்திகளை அதற்கு மேற்கோள்காட்டி அவர் பேசுகிறார். இதைக் கண்டிக்கிறோம். பொறுப்பாளர் வன்னிய அரசுவை 'கியூ' பிரிவுப் பொலிஸார் கைது செய்த போது, நான் முதல்வரைச் சந்தித்து அவரை விடுதலை செய்யக்கோரி பேசினேன் என பொய்த்தகவல்கள் பரப்புகின்றார்.

'இந்திய அரசியல் சட்டத்துக்கு நாங்கள் எதிரானவர்கள் அல்ல. பொலிஸாருக்குத் தெரியாது ஒரு குற்றம் கூட நடப்பதில்லை. காவல் துறையே சாராயம் காய்ச்ச சொல்கிறது. நிறுத்தினால் அடிக்கிறது. தவறுகள் நடப்பதற்கு காவல்துறைதான் காரணம்.

'புலிகளை ஆதரித்துப் பேசினால் கடும் நடவடிக்கை எடுக்கப்படும் என்று அறிவித்துள்ளனர். ஆனால் நான் பேசினேன். கைது செய்வார்கள் என்று எதிர்பார்த்தேன். ஆனால் என்னைக் கைது செய்யாதுள்ளனர். ஈழ விடுதலையும் புலிகளும் ஒன்றுதான். அதை பிரித்துப் பேச முடியாது என் மூலமாக ஆயுதம் கடத்தினார் என வன்னிய அரசுவை எழுத்தி தரும்படி 'கியூ' பிரிவு பொலிஸார் கூறியிருக்கிறார்கள். அவர் எழுதிக் கொடுத்திருந்தால் எனக்கு நன்றாக இருந்திருக்கும் புலிகளுக்காக ஆயுதம் ஏந்திப் போரடத்தான் முடியவில்லை, குறைந்தபட்சம் உதிரிப்பாகங்களைக் கடத்தினேன் என்று கூறுவது பெருமையாகத்தான் உள்ளது. என்றார் அவர்.

நன்றி சுடர் ஒளி

திருமா,

உங்கள் உணர்வு பலருக்கு இல்லையே ?!!!!