ஹெல உறுமயவின் இனவாத கருத்துக்களை கண்டித்து நீர்கொழும்பில் முஸ்லிம்கள் கண்டனப் பேரணி

[saturday December 15 2007 02:06:42 PM GMT] [யாழ் வாணன்]

ஜாதிக ஹெல உறுமயவின் பாராளுமன்ற உறுப்பினர் மேதானந்த எல்லாவெல தேரர், முஸ்லிம்கள் குறித்து அண்மையில் வெளியிட்ட கருத்துக்களை கண்டித்து நீர்கொழும்பு பெரிய முல்லையில் ஆர்ப்பாட்ட பேரணியொன்று இடம்பெற்றுள்ளது.

நேற்று, வெள்ளிக்கிழமை ஜும் ஆத் தொழுகையினையடுத்து, இடம்பெற்ற இந்த ஆர்ப்பாட்டப் பேரணியில் ஆயிரக் கணக்கான முஸ்லிம்கள் கலந்து கொண்டனர்.

மேல் மாகாணசபை ஷ்ரீலங்கா முஸ்லிம் காங்கிரஸ் உறுப்பினர் சாபி றஹீம் தலைமையில் இடம் பெற்ற ஆர்ப்பாட்டத்தில் கலந்து கொண்டோர், இனவாதத்தைக் கக்கும் ஜாதிக ஹெல உறுமயவின் செயலை கண்டிப்போம், இலங்கையில் வாழும் முஸ்லிம்களை அவமானப்படுத்தும் செயற்பாடுகளை முஸ்லிம் நாடுகள் கண்டிக்க வேண்டும். மதச் சுதந்திரத்துக்கு ஆப்பு வைக்கும் பணியின் சூத்திரதாரி ஜாதிகஹெல உருமயவே, போன்ற வாசகங்களைக் கொண்ட பதாகைகளை ஏந்திக்கொண்டு ஆர்ப்பாட்டத்தில் ஈடுபட்டோர் கோஷங்களை எழுப்பினர்.

அங்கு கருத்துத் தெரிவித்த மேல் மாகாண சபை உறுப்பினர் சாபி றஹீம் மேதானந்த எல்லாவெல தேரர் முஸ்லிம்கள் இலங்கையை தாய் நாடாகக் கொண்டவர்கள் அல்ல என்று கூறியுள்ளதுடன், அவர்கள் சவூதி அரேபியாவை தாயகமாகக் கொண்டவர்கள் எனக் கூறி இருப்பது, இனவாத சிந்தனையின் உச்சக் கட்டமாக பார்க்கின்றோம்.

ஒரு மதத் தலைவர் இன்னொரு மதத்தை நிந்திப்பது வேதனையான செயலாகும், கிழக்கு மாகாண முஸ்லிம்களின் காணிகளை அபகரிக்கும் செயலின் பின்னால் ஜாதிக ஹெல உறுமயவின் கை நீண்டிருப்பது, இந்த தேரரின் கருத்தில் இருந்து தொனிக்கின்றது என்றார். மாகாண சபை உறுப்பினர் றியாசும் இப்பேரணியில் உரையாற்றினார்.

http://www.tamilwin.net/article.php?artiId...;token=dispNews

இந்தத் தேரைகளுக்குத் தேவையானது ஒரு பௌத்த சிங்கள நாடு என்ற கோசத்தை முன்வைக்கும் சிறுபான்மையினங்கள்தான். அதற்கு எதிரானவர்கள் அரச ஆதரவுடன் இந்தத் தேரைகளினால் விமர்சனத்திற்கு உள்ளாக்கப் படுவார்கள். யாரும் எதுவும் செய்ய முடியாது. அடியைத்தவிர .