கனடாவில் கவனயீர்ப்புப் போராட்டங்கள்

அண்மையில் வன்னிப் பெருநிலப்பரப்பில் நடந்த கிளைமோர்த் தாக்குதலால் உயிரிழந்த 16 அப்பாவிப் பொதுமக்களுக்காகவும், இலங்கைத்தீவில்; தமிழ் மக்களுக்கு எதிராக பெருமளவில் தொடரும் பாரிய மனித உரிமை மீறல்களைக் கண்டித்;தும், சர்வதேச சமுகத்திற்கு, குறிப்பாக தமது சக கனடிய மக்களுக்கு இலங்கையில் தொடர்ந்துவரும் தமிழின அழிப்பை வெளிப்படுத்தியும், சிறீலங்கா அரசை சர்வதேசத்தில் இருந்து அந்நியப் படுத்துமாறு வேணடியும் கனடிய தமிழ் மக்களால் ரொரன்ரோ பெரும் பாகப்பகுதியில் கவனயீர்ப்புப் போராட்டங்கள் கடந்த செவ்வாய், புதன் நாட்களில் நடைபெற்றுள்ளது.

செவ்வாய் அன்று மிசுசாகா பகுதியிலும், புதன் அன்று பிராம்டன் மற்றும் ஸ்காபுரோ நகரில் நான்கு இடங்களிலும் இக்கவனயீர்ப்புப் போராட்டங்கள் நடைபெற்றுள்ளன. மகளீர் முன்னிலை பெற நடைபெற்ற இக்கவனயீர்ப்பு மக்கள் வேலை முடித்து வீடு திரும்பு;ம் போது அவர்கள் கவனத்தை ஈர்க்கும் வகையில் முக்கிய சந்திகளில் நடைபெற்றது.

இதில் சிறுவர் தொடக்கம் முதியோர் வரை அனைவரும் கலந்து கொண்டு சுலோகங்கள், படங்கள், துண்டுப் பி;ரசுரங்கள் தாங்கி, பல்லின மக்களுக்கும் தமிழரின் நிலைனைமயை எடுத்துரைத்தார்கள். பல்லின மக்கள் பலரும் அக்கறையுடன் நிலைமைகளை கேட்டறிய முனைந்ததை அனைத்து இடங்களிலும் அவதானிக்க முடிந்தது.

பெருமளவில் எங்களுக்குள் ஒருவிடத்தில் கூடுவதை விட சிறு எண்ணிக்கையில் இவ்வாறு பரவலாகக்கூடி பல்லின மக்களின் கவனத்தை ஈர்ப்பது எமக்கு பெரும் பலம் சேர்க்கும் என பலரும் அபிப்பிராயம் வெளியிட்டனர். அத்துடன் வரும் காலத்தில் இது போன்று ஒரே நேரத்தில் பல சந்திகளிலும் இவ்வாறான கவனயீர்ப்பை செய்ய வேண்டும் என்றும் உறுதி கூறினர்.

-தமிழ் ஊடகத்துறை- வைகாசி 30, 2008

கந்தப்பு உண்மையில் குறைந்த எண்ணிக்கையைக் கொண்ட மக்களுடன் பரவலாக நடத்தப்பட்ட இப்போராட்டம் மிகப்பெரிய பல்லின சமூக ஈர்ப்பைப் பெற்றது என்று சொன்னால் மிகையாகாது. பல்லினமக்களுடன் எங்கள் தாயகப் பிரச்சனைகளை இலகுவாகப் பேசமுடிந்தது. பெருங்கூட்டமாகக் கவனயீர்ப்பு நடாத்தும் போது மற்ற சமூகத்தவர்களுடன் நாம் பேசும் சந்தர்ப்பம் குறைவாகவே இருந்தது. மற்ற சமூகத்தினரும் எங்களுடன் கலந்துரையாடாத நிலையும் இருந்தது. ஆனால் கடந்த சில நாட்களில் நிறையவே எங்கள் மக்களுக்காக தாமும் குரல் கொடுப்போம் என்று மாற்றுச் சமூகத்தினர் தங்கள் ஆதரவை வாய்வழியாக தெரிவித்தும் கவனயீர்ப்பு செய்துகொண்டிருந்த நம்மவர்களுக்குத் தத்தம் வாகனக் ஹோர்ன்களைச் ஒலிக்கச் செய்தும் உற்சாகமூட்டினர். இந்தக் கவன ஈர்ப்பை முன்னெடுத்த ஒருங்கிணைப்பாளர்களை நாம் பாராட்டியே ஆகவேண்டும். அவர்கள் தாயகத் துயர் தீரும்வரை இவற்றைத் தொடர்ந்தும் செய்யவேண்டும்.

Edited May 31, 200817 yr by valvaizagara