வீரகேசரி நாளேடு - கிழக்கு மாகாணத்தினை மீட்ட எமது படையினர் வடக்கினையும் மீட்கும் திட்டத்தினை வேகப்படுத்தியுள்ளனர். வடக்கினை மீட்கும் நடவடிக்கையினை தடுத்து நிறுத்த தேசிய மற்றும் சர்வதேச மட்டத்தில் சதித் திட்டங்கள் முன்னெடுக்கப்படுகின்றன. புத்திசாதுரியத்துடன் மக்கள் நடந்து கொள்வதன் மூலமே இத்தகைய சதித் திட்டங்களை முறியடிக்க முடியும் என்று பிரதமர் ரட்ணசிறி விக்கிரமநாயக்க தெரிவித்தார்.எரி பொருள் விலையேற்றத்தை முதன்மைப்படுத்தி நாட்டில் குழப்பகரமான சூழலை உருவாக்கி விடுதலைப் புலிகளுக்கு எதிரான அரசாங்கத்தின் நடவடிக்கைகளில் பின்னடைவை ஏற்படுத்த சில தீய சக்திகள் முயல்கின்றன. உலக சந்தையில் எரிபொருள் விலை மேலும் பல டொலர்களால் அதிகரித்தாலும் வடக்கினை மீட்பதற்கான நடவடிக்கை கைவிடப்படமாட்டாது என்றும் அவர் கூறினார்.

பிரதமர் அலுவலகத்தில் நேற்று முன்தினம் இடம்பெற்ற நிகழ்வில் உரையாற்றும்போதே அவர் மேற்கண்டவாறு கூறினார்.

உலக சந்தையில எரிபொருள் விலையைக் கூட்டி வடக்கைப் பிடிக்கிறதைச் சர்வதேசம் தடுக்கப் பர்க்குதாமோ! உவங்களுக்கென்ன பைத்தியமோ.

அரசியல் நடத்துவதில் குழப்பம் ஏற்பட்டுவிட்டது என்று எண்ணத் தோன்றுகிறது. இப்படியான நேரங்களில் மக்களை திசைதிருப்பி தாம் தப்பிக் கொள்வதற்கு பிரதமர் வழிதேடுகிறார். புலிகள் இருந்தாலும் அரசியல். விலைகள் ஏறினாலும் அரசியல்.