யாழ் குடாவிலிருந்து வெளிமாவட்டம் செல்வதற்கான பயண அனுமதி முறையில் மாற்றம்.

குடாநாட்டிலிருந்து வெளிமாவட்டங்களுக்குச் செல்வதற்கான பயண அனுமதி முறையில் மாற்றம் செய்யப்படுகிறது.

வெளிமாவட்டத்தில் தங்கும் இடத்தின் உரிமையாளரன் சம்மதம் உறுதிப்படுத்தப்பட்;ட பின்னரே, பயண அனுமதி வழங்கும் புதிய நடைமுறை நாளை -ஓகஸ்ட் முதாலம் திகதி- தொடக்கம் அமுலுக்கு வருகிறது.

காங்கேசன்துறை நடேஸ்வராக் கலலூரியில் நேற்று நடைபெற்ற அரச உயரதிகாரிகள் மற்றும் சர்வதேச, உள்நாட்டு அரச சார்பற்ற நிறுவனங்களின் உயர் அதிகாரகள் கலந்துகொண்ட கூட்டத்தில் புதிய பயண அனுமதி குறித்து யாழ்.படைகளின் தளபதி ஜீ.ஏ.சந்திரசிறி அறிவித்துள்ளார்.

புதிய பயண அனுமதி நடைமுறை தொடர்பாக சந்திரசிறி தெரிவித்த விவரங்கள் குறித்து அறிய வந்ததாவது :

* அரச ஊழியர்களோ, பொதுமக்களோ வெளி மாவட்டம் ஒன்றுக்கு பயணம் மேற்கொள்ள வேண்டுமாயின், பயண அனுமதிக்கான விண்ணப்பப் படிவத்தையும் கிராம சேவையாளர், பிரதேச செயலர் ஆகியோரின் சிபார்சுக் கடிதமங்களின் மூலப் பிரதிகளையும் 'போட்டோஸ்டட்' பிரதிளையும் வதிவிடத்துக்கு அருகில் உள்ள சிவில் நிர்வாக அலுவலகத்தில் ஒப்படைக்க வேண்டும்.

விண்ணப்பதாரர் வெளிமாவட்டத்தில் தங்கவுள்ள வீட்டின் அல்லது தங்குமிடத்தின் உரிமையாளர் மற்றும் வாடகைக்கு இருப்போரின் சம்மத்தையும் அதன் உறுதிப்படுத்தலையும் உரிய வழிமுறையூடாக இங்கு விண்ணப்பம் கையளிக்கப்பட்ட சிவல் நிர்வாக அலுவலகம் பெற்றுக் கொள்ளும்.

அந்த உறுதிப்படுத்தல் கிடைத்த பத்து நாற்களுக்குள் விண்ணப்பதாரிக்கு பயண அனுமதிப் பத்திரம் வழங்கப்படும்.

* அவரச தேவைகளுக்காக குறிப்பாக மரண வீடு, நேர்முகப்பரீட்சை, வெளிநாட்டு விஸா பெறுதல், அரசர சிகிச்சை ஆகிய தேவைகளுக்காக செல்பவர்கள் வழமைபோல விண்ணப்பப் படிவததைப் பெற்று, பயணம் மேற்கொள்ள வேண்டிய அவரசத் தன்மையை நிருபீக்கும் வகையிலான ஆவணங்களுடன் அருகில் உள்ள சிவில் நிர்வாக அலுவலகத்தில் படிவத்தை ஒப்படைக்க வேண்டும்.

விண்ணப்பதாரி தங்கவுள்ள விலாசதாரருடன் விண்ணப்பத்தை ஏற்றுக்கொண்ட சிவில் நிர்வாக அலுவலகம் உரிய வழி முறை ஊடாக சம்மதத்தைப் பெற்று உறுதிப்படுத்தி 48 மணி நேரத்துக்குள் அவர்களுக்கு பயண அனுமதி வழங்கப்படும்.

* அரச அதிகாரிகள், அரச சாhபற்ற அமைப்புகளின் அதிகாரிகள் ஆகியோர் அலுவலகப் பணிக்காக பயணம் மேற்கொள்ள வேண்டுமாயின், வழமைபோல் விண்ணப்பப் படிவத்தைப் பெற்று, தமது யாழ். சிவில் நிர்வாக அலுவலகத்தில் கையளிக்க வேண்டும்.

தேசிய அடையாள அட்டை, பயணம் மேற்கொள்வதற்கான காரணத்தை விளக்கும் கடிதம் ஆகியவற்றின் இரு பிரதிகளை தயாரிக்க வேண்டும். அவற்றின் பிரதிகளை திணைக்கள தலைவர்கள் மூலம் சிவில் நிர்வாக அலுவலகத்தில் கையளிக்க வேண்டும். சம்பந்தபட்டவர் மூலப் பிரதியுடன் : 'போட்டோஸ்டட்": பிரதியுடனும் யாழ். சிவில் நிர்வாக அலுவலகத்தில் விண்ணப்பத்தைக் கையளிக்க வேண்டும்.

சம்பந்தப்பட்ட அதிகாரி கொழும்பில் தங்கியிருக்கும் விலாசத்தில் உள்ளவர்களுடன் தொடர்பு கொண்டு இவர் அங்கு தங்குவதற்கான சம்மதம் இங்குள்ள சிவில்; நிர்வாகப் பிரிவினால் பெறப்படும். அது கிடைத்தும், அனேகமாக நான்கு நாள்களில் பயண அனுமதி வழங்கப்படும்.

* இந்த நடைமுறையில் பயண அனுமதி பெற்றவர்கள் வெளிமாவட்டத்தில் தங்கும் காலத்தில் அங்கு பொலிஸ் அனுமதி (கிளியரன்ஸ்) பெறாமலே இங்கு வழங்கப்படும் பயண அனுமதியைப் பயன்படுத்தி தங்க முடியும்.

* குடாநாட்டில் 10 வயதுக்கும 60 வயதுக்கும் இடைப்பட்ட சகலருக்கும் இவ் வருட இறுதிக்குள், பெரும்பாலும் நவம்பர் மாதத்துக்குள் விசேட அடையாள அட்டைகள் வழங்கப்படும். அதன் பின்னர் பயண அனுமதி வழங்கும் நடைமுறை மறுபரிசீலனை செய்யப்படும்;.

நன்றி உதயன்

தமிழீழத்திற்கும் லங்காவிற்கும் விஸா முறை அறிமுகப்படுத்தப்படுகிறதோ?