சட்டவிரோதமான முறையில் போலி கடனட்டைகளைத் தயாரித்து விநியோகித்ததாகக் கூறப்படும் தமிழ் இளைஞர்கள் ஐவரை வெள்ளவத்தை பொலிஸார் கைது செய்துள்ளனர். பொலிஸ் அதிரடிப்படையினருக்குக் கிடைத்த இரகசிய தகவலொன்றை அடுத்தே இவர்கள் கைது செய்யப்பட்டதாக பொலிஸ் ஊடக பேச்சாளரும் சிரேஷ்ட பொலிஸ் அத்தியட்சகருமாகிய ரஞ்சித் குணசேகர தெரிவித்தார்.

இது தொடர்பில் பொலிஸ் ஊடக பேச்சாளர் தொடர்ந்தும் கூறியதாவது கடந்த 7ஆம் திகதி மாலையே பொலிஸாரால் இவர்கள் ஐந்து பேரும் கைது செய்யப்பட்டனர். வெள்ளவத்தை பகுதியில் மிகவும் இரகசியமான முறையில் நடத்தப்பட்ட நிலையமொன்றை பொலிஸார் சுற்றிவளைத்ததை அடுத்து இவர்கள் அனைவரும் கைது செய்யப்பட்டுள்ளனர். இவர்களால் தயாரிக்கப்பட்ட போலி கடனட்டைகள் அனைத்தும் விடுதலைப் புலிகளுக்கு வழங்குவதற்காகவே தயாரிக்கப்பட்டுள்ளதாக பொலிஸார் மேற்கொண்ட விசாரணைகளின் போது தெரியவந்துள்ளது.

குறித்த நிலையத்தை சுற்றிவளைத்த பொலிஸார் அங்கிருந்து கணனி இயந்திரம் 01, பென்டிரைவ் 01, கடனட்டைகளை வகைப்படுத்தக் கூடிய ஆல்பம் 01, கடனட்டைகள் 4, மற்றும் கார்கள் 02 போன்றவற்றை மீட்கப்பட்டுள்ளனர்.

சம்பவத்தில் கைது செய்யப்பட்டவர்கள் அனைவரும் விடுதலைப் புலி உறுப்பினர்களாக இருக்கலாம் என்று சந்தேகிக்கப்படுகின்றது. இவர்கள் வெள்ளவத்தை பொலிஸ் நிலையத்தில் தடுத்து வைக்கப்பட்டு தீவிர விசாரணைகளுக்கு உட்படுத்தப்பட்டு வருகின்றனர்.

உரிய விசாரணைகளை அடுத்து அவர்கள் ஐவரையும் நீதிமன்றில் ஆஜர்ப்படுத்த நடவடிக்கை எடுக்கப்பட்டுள்ளது.

வீரகேசரி நாளேடு

உங்கள் வீட்டு ஆடு குட்டி போட்டாலும் விடுதலை புலிகள் தான் காரணம் இல்லையா......?