ஆயுதம் ஏந்தியவர்கள் ஆயுதத்தினாலேயே பலியாவார்கள். இன்றைய தேர்தலில் மக்கள் வழங்குகின்ற தீர்ப்பிற்கு அரசாங்கம் தலைவணங்கும். எனினும் சிவாஜி கணேசன் போல நடிக்க முயன்று சகலரும் வெற்றி பெற முடியாது என்று அமைச்சரும் சபை முதல்வருமான நிமல் சிறிபால டி சில்வா தெரிவித்தார்.

பாராளுமன்றத்தில் நேற்று நடைபெற்ற சபை ஒத்திவைப்புவேளை பிரேரணை மீதான விவாதத்தில் கலந்து கொண்டு உரையாற்றும்போதே அவர் மேற்கண்டவாறு தெரிவித்தார்.

அங்கு அவர் தொடர்ந்து உரையாற்றுகையில் மேலும் தெரிவித்ததாவது,

தேர்தலை ஜனநாயக ரீதியிலும் வன்முறைகளின்றியும் நடத்துவதற்கு அரசாங்கம் சகலவிதமான நடவடிக்கைகளையும் மேற்கொண்டுள்ளது.

கட்சிக்குள் ஜனநாயகத்தை பற்றி கேட்க முடியாதவர்களே தேர்தலில் ஜனநாயகம் குறித்து பேசுகின்றனர். ஐ.தே.க. ஆட்சி காலத்தில் நடைபெற்ற தேர்தல்களின் போது ஜனநாயகம் பற்றி மக்கள் புரிந்து கொண்டனர்.

தேர்தல் தோல்வியின் வெளிப்பாடு காரணமாகவே ஜனநாயகம், வன்முறைகள் மோசடிகள் என்று எதிர்க்கட்சிகள் புலம்பிக் கொண்டிருக்கின்றன. மக்கள் வழங்கும் தீர்ப்பிற்கு ஐ.ம.சு. மு. தலைவணங்கும்.

மக்களின் விருப்பத்தை உரசிப் பார்ப்பதற்கான நடவடிக்கைகளேயே அரசாங்கம் மேற்கொண்டு வருகின்றது. வெற்றியில் சந்தேகம் இல்லை என்பதனால் மக்கள் முன் சென்றுள்ளோம்.

பிரபாகரனின் சவப் பெட்டிக்கு இராணுவம் இறுதி ஆணியை அடித்துக் கொண்டிருக்கின்ற நிலையிலேயே அரசாங்கத்திற்கும் புலிகளுக்கும் இடையில் ஒப்பந்தமொன்று இருப்பதாக கட்டுக் கதைகள் கட்டவிழ்த்து விடப்பட்டுள்ளன. இந்த பிரசாரத்தை மக்கள் இலை,குழைகளை உண்டாலும் நம்ப மாட்டார்கள்.

வாக்குகளை மக்கள் கசிப்பு, சோற்று பார்சலுக்காக விற்பதற்கு தயாரில்லை. எனினும் வன்முறைகள் அதிகரித்துள்ளன.

ஐ.ம.சு.மு. ஆதரவாளர்களை தாக்கியோர் துப்பாக்கி பிரயோகங்களை மேற்கொண்டோர், சொத்துக்களுக்கு சேதம் விளைவித்தோர் மீது எதிர்காலத்தில் சட்ட நடவடிக்கைகள் மேற்கொள்ளப்படும்.

எமது ஆதரவாளர்களை சுட்டுக்கொன்ற போதும் கூட பயங்கரவாதமின்றி கட்சியை கட்டி வளர்த்தோம்.

எங்களுக்கு வாக்கு வங்கி இருக்கின்றது என்பதனால் வன்முறைகளை பயன்படுத்த வேண்டிய அவசியமில்லை.

மதத்தை மதிக்க வேண்டும். எனினும் ஒரே நாளில் மதமாறி பௌத்தனாகி வாக்கு கேட்கின்ற நடிகன் சிவாஜி கணேசன் போல நடிக்க முயன்று வெற்றி பெற முடியாது.

பெண்களுக்கு கண்ணடித்து குழந்தைகளை தூக்கி கொஞ்சுவதன் மூலம் வாக்குகளை பெற்றுக் கொள்ள முடியாது என்பதுடன் எதிர்க்கட்சியின் மேடையில் ஏறி ஆதரவாளர்களிடம் அடி வாங்கியதை அவர் மறந்து விடக்கூடாது. மக்களின் தீர்ப்பிற்கு அரசாங்கம் தலைவணங்கும்.

இவர் என்ன சொல்லவாறர் என்று விளங்குது இல்ல யாராவது தெரிந்தால் விளங்கப்படுத்துங்க.சிவாஜி என்றால் யார்?

வாக்கு வேட்டைதான்.