வீரகேசரி இணையம் - தமிழ் தேசிய கூட்டமைப்பினர் இன்று நாடாளுமன்றத்தில் இடம்பெறும் 2009 ஆம் ஆண்டுக்கான வரவு செலவு திட்ட வாசிப்பினை பகிஷ்கரித்து சபையைவிட்டு வெளிநடப்பு செய்துள்ளனர்.

ஜனாதிபதி இம்முறை வரவு செலவு திட்டத்தில் தமிழ் மக்களுக்கு எதிரான தாக்குதல், போர் மற்றும் பாதுகாப்பு செலவினங்களுக்காக அரசாங்கம் பெருந்தொகைப் பணம் ஒதுக்குவதைத் தமது கட்சி எதிர்ப்பதாக தமிழரசு கட்சியின் தலைவர் இரா. சம்பந்தன் தெரிவித்துள்ளார்.

அவர் விடுத்துள்ள அறிக்கையில் தெரிவிக்கப்பட்டுள்ளதாவது,

இலங்கையின் வடக்கு கிழக்கு நிலப்பரப்பில், தமிழ் பேசும் மக்கள் வரலாற்று ரீதியாக வாழ்ந்து வந்த பிரதேசங்களுக்குள், அரசாங்கம் தொடர்ந்து விமானக் குண்டு வீச்சுக்கள், பல்குழல் எறிகணைத் தாக்குதல்கள் மற்றும் ,இராணுவ நடவடிக்கைகளினால் , தமிழ் பொதுமக்கள் கொலை செய்யப்பட்டு அழிக்கப்படுவதுடன், காயங்களுக்குள்ளாகியும் வருகின்றனர்.

மேலும்; தமிழர் தாயகப் பிரதேசம் நிர்மூலமாக்கப்பட்டு நாசப்படுத்தப்பட்டு வருவதன் மூலமும், ,இலட்சக்கணக்கான தமிழ் குடிமக்களை, ,ராணுவ நடவடிக்கையினால் இடம்பெயரச் செய்து, அரசு தமிழ்த் தேசிய ,னத்தின் மீது தொடர்ச்சியாக இனப்படுகொலையை நடத்தி வருகின்றது. இந்தக் கொடூரமான யுத்தத்தை தொடர்ந்து நடத்துவதற்கு, அரசாங்கம் 2009 ஆம் ஆண்டு வரவு செலவுத் திட்ட முன்மொழிவில் மிகப் பெருந் தொகைப் பணத்தைக் கோருகின்றது.

இந்தக் கொடூரமான யுத்தத்துக்கு எமது கடும் எதிர்ப்பையும், உறுதியான கண்டனத்தையும் தெரிவிக்கும் முகமாக, கௌரவ நிதியமைச்சர் அவர்கள் தமது வரவு செலவுத் திட்ட உரையை நிகழ்த்த ஆரம்பிக்கும் பொழுது,இலங்கைத் தமிழ் தேசியக் கூட்டமைப்பு) பாராளுமன்ற உறுப்பினர்கள், இவ்வுரையை பகிஷ்கரித்து சபை அமர்வில் இருந்து வெளிநடப்பு செய்கின்றோம் என தமிழ் தேசிய கூட்டமைப்பின் பாராளுமன்ற குழு தலைவர் இரா.சம்பந்தன் தெரிவித்துள்ளார்.

மகிந்த ராஜபக்ச தலைமையிலான ஜக்கிய மக்கள் சுதந்திரக் கூட்டமைப்பு அரசாங்கத்தின் 2009 ஆம் ஆண்டுக்கான நான்காவது வரவு-செலவு திட்டத்திற்கு எதிர்ப்பு தெரிவித்து தமிழ்த் தேசியக் கூட்டமைப்பு நாடாளுமன்ற உறுப்பினர்கள் சபையை விட்டு இன்று வெளிநடப்பு செய்தனர்.

தொடர்ந்து வாசிக்க