சிறிலங்காவின் தலைநகர் கொழும்பின் புறநகர்ப் பகுதியான பன்னிப்பிட்ட்டியவில் உள்ள பிரபல தனியார் தொலைக்காட்சி மற்றும் வானொலி நிறுவனமான எம்.ரி.வி.யின் கலையகம் அடையாளம் தெரியாத குண்டர்களால் தாக்கப்பட்டு அழிக்கப்பட்டுள்ளது.

தொடர்ந்து வாசிக்க

தேபாணமவில் அமைந்துள்ள எம்.டிவி சக்தி டிவி கட்டிடம் பாரிய தாக்குதலுக்குள்ளாகியுள்ளது.

இன்று அதிகாலை 2:00 மணியளவில் தேபாணமவில் அமைந்துள்ள சக்தி, சிரச, எம்.டிவி காரியாலயக் கட்டிடம் வெள்ளை வானில் வந்த 20 மேற்பட்ட ஆயுதாரிகளின் தாக்குதலினால் பலத்த சேதத்திற்குள்ளாகியுள்ளது.

இக்கட்டிடத்துள் நுழைந்த ஆயுததாரிகள் உள்ளிருந்த ஒளிபரப்புக் கருவிகள் உட்பட பல பெறுமதி மிக்க இயந்திரங்களை சேதமாக்கியதுடன் அவற்றிற்குத் தீவைத்துத்துள்ளனர். அத்துடன் அங்கு அச்சமயத்தில் பணிபுரிந்தவர்கள் மீதும் தாக்குதல் நடத்தியுமுள்ளனர். தாக்குதலை முடித்துக் கொண்டு வெளியேறும் போது அங்கு பணிபுரிந்தவாகளிடம் கட்டிடத்திற்குள் யாராவது உள் நுழைய முயற்சித்தால் வெடிக்கவைக்கும் விதத்தில் வெடிகுண்டு பொருத்தியுள்ளதாகவும் பயமுறுத்திவிட்டுச் சென்றுள்ளனர்.

இதனையடுத்து பணியாளர்கள் 119 க்கும் தீயணைப்புப் படையினருக்கும் தகவல் தெரிவித்துள்ளனர். ஆயினும் பொலிசும், தீயணைப்புப் படையும் குண்டு அச்சுறுத்தல் காரணமாக உள் நுழையாது குண்டு செயலிழக்கும் பிரிவினருக்கு அறிவித்துள்ளனர். அவர்கள் வந்து பரிசோதித்தபின்னே தீயணைப்புப் படையினர் உள் நுழைந்து தீயை அணைத்துள்ளனர். இது மிகவும் கவனமாகத் திட்டமிடப்பட்டு செய்யப்பட்ட ஒரு செயல் என அங்கு அச்சமயம் பணிபுரிந்தவர்கள் தெரிவிக்கின்றனர்.

சென்ற வாரமும் இக்காரியாலயத்தின் முன் அமைந்துள்ள பாதுகாப்பு உத்தியோகத்தரின் அறைமீது பெற்றோல் குண்டுகள் வீசித் தாக்குதல் நடத்தியுள்ளமையும் இங்கு குறிப்பிடத்தக்கது.

ஜானா

இதற்குத் தானோ ஊடகத்துறையமைச்சு கைமாறியது????

எம்.ரி. வி.யின் தொலைக்காட்சி மற்றும் வானொலி ஊடக நிலையம் தாக்கப்பட்டுள்ளது.

செவ்வாய், 06 ஜனவரி 2009, 10:28 மணி தமிழீழம் [செய்தியாளர் மயூரன் ]

கொழும்பு பன்னிப்பிட்ட்டியவில் அமைந்துள்ள பிரபல தனியார் தொலைக்காட்சி மற்றும் வானொலி நிறுவனமான எம்.ரி.வி.யின் கலையகம் அடையாளம் தெரியாத குண்டர்களால் தாக்கப்பட்டு அழிக்கப்பட்டுள்ளது.

இன்று செவ்வாய்க்கிழமை அதிகாலை சுமார் 2:30 மணியளவில் நிறுவனத்தின் கட்டடத்தை சுற்றிவளைத்துக்கொண்ட குண்டர் குழு தாக்குதலை நடாத்தியுள்ளனர். இதனால் அங்கிருந்த பணியாளர்கள் பலரும் ஓடித் தப்பியதாகத் தெரிகின்றது. நிறுவனத்தின் பிரதான கட்டுப்பாட்டு நிலையத்துக்கும் தீ வைத்துள்ளனர்.

இதனால் கலையகத்திற்கு பாரிய சேதம் ஏற்பட்டுள்ளது. அத்துடன் தொலைக்காட்சி மற்றும் வானொலி நிகழ்ச்சிகளைத் தொடர்ந்தும் நடத்த முடியாது இடைநிறுத்தப்பட்டுள்ளதாக தெரியவருகின்றது.

அரசாங்கத்தினை விமர்சனம் செய்தமையினால் நிறுவனத்தின் மீது ஆளும் கட்சியைச் சேர்ந்தவர்கள் அண்மைக்காலத்தில் சீற்றமடைந்திருந்தனர். இந்நிலை ஏற்பட்டுள்ளதாகவும் தெரிவிக்கப்படுகின்றது.

எம்.ரி.வி. நிறுவனம் மூன்று மொழிகளிலும் தொலைக்காட்சி நிகழ்ச்சிகளை நடத்தி வருவதுடன், பண்பலை அலைவரிசை வானொலிச் சேவைகளையும் நடத்தி வருகின்றது.

தாக்குதல் நடாத்திய குண்டர்கள் துப்பாக்கிகள், பெற்றோல் குண்டுகள் போன்றவற்றை தம்வசம் வைத்திருந்ததாக தகவல்கள் வெளியாகியுள்ளது.

இதேவேளை கடந்த வெள்ளிக்கிழமை இந்த நிறுவனத்திற்கு பெற்றோல் குண்டு தாக்குதல் மேற்கொள்ளப்பட்டிருந்தது இது தொடர்பாக மகரகம காவல்நிலையத்தில் முறைப்பாடு செய்யப்பட்டு விசாரணைகள் இடம்பெற்றுக் கொண்டிருந்த வேளையில் இத்தாக்குதல் நடாத்தப்பட்டுள்ளது.

பதிவு

ஊடக அமைச்சை கையில் வைத்துக்கொண்டுள்ள அதிபர் இதற்கு என்ன நடவெடிக்கை எடுக்கவுள்ளார் என்று பார்ப்பொம்...

வலியவன் செய்தால் அனைத்தும் சரி என்ற நிலையில் இலங்கை உள்ளது. ஊடக சுதந்திரம் இலங்கையில் இல்லாமல் பொய் நெடுநாட்க்கள் ஆகிவிட்ட நிலையில் முறைப்பாடுகளால் எதுவும் ஆகிவிடப்போவதில்லை.