இலங்கை அதிபரின் தகவல் தொழில் நுட்ப ஆலோசகராக நியமனம் செய்யப்பட்டுள்ள இன்போசிஸ் நிறுவன தலைவர் என்.ஆர்.நாராயணமூர்த்தி பதவியேற்க கூடாது என்று சென்னை ஐகோர்ட் வழக்கறிஞர்கள் இன்று ஆர்ப்பாட்டத்தில் ஈடுபட்டனர். மேலும் நாராயணமூர்த்தியின் உருவபொம்மையை எரித்தும் தங்களது எதிர்ப்பை வெளிப்படுத்தினர்.

இலங்கையில் போரை நிறுத்த வலியுறுத்தியும், போரில் தமிழர்கள் தாக்கப்படுவதை கண்டித்தும் சென்னை ஐகோர் வழக்கறிஞர்கள் தினம் ஒரு போராட்டத்தை நடத்தி வருகின்றனர்.

இன்று நடந்த போராட்டத்தில் இலங்கை அதிபரின் தகவல் தொழில் நுட்ப ஆலோசகராக நியமனம் செய்யப்பட்டுள்ள இன்போசிஸ் நிறுவன தலைவர் என்.ஆர்.நாராயணமூர்த்தி பதவியேற்க கூடாது என்று ஆர்ப்பாட்டத்தில் ஈடுபட்டனர்.

ஆர்ப்பாட்டத்தில் பேசிய வக்கீல்கள், இலங்கையில் கடந்த 30 ஆண்டுகளுக்கும் மேலாக தமிழர்கள் போராடி வருகிறார்கள். வாழ்வுரிமைக்காக போராடும் தமிழர்கள் மீது அந்நாட்டு ராணுவம் தாக்குதல் நடத்தி வருகிறது. இலங்கை அரசின் மனித உரிமை மீறலுக்கு எதிராக சர்வதேச அளவில் கண்டன குரல் எழுந்து வருகிறது. அயல் நாடுகளில் வாழும் தமிழர்களும், ஈழத்தமிழர்களுக்கு ஆதரவாக குரல் எழுப்பி வருகின்றனர்.

இந்நிலையில், இலங்கை அதிபரின் ஐ.டி. ஆலோசகராக இன்போசிஸ் தலைவர் என்.ஆர்.நாராயணமூர்த்தி நியமனம் செய்யப்பட்டுள்ளதாக பத்திரிகைகளில் செய்தி வெளியாகியுள்ளது. இலங்கையில் தமிழர்கள் மீது கட்டவிழ்த்து விடப்படும் அடக்குமுறை சம்பவங்கள் குறித்து இன்போசிஸ் தலைவர் நாராயணமூர்த்தி நன்கு அறிந்திருப்பார் என்று கருதுகிறோம்.

இலங்கையில் தமிழர்கள் பிரச்னைக்கு தீர்வுகாணும் வரை ஆலோசகர் பொறுப்பை ஏற்கமாட்டேன் என்று நாராயணமூர்த்தி இலங்கை அதிபர் ராஜபக்சேவுக்கு தெரிவிக்க வேண்டும் என்றனர்.

இன்போசிஸ் நிறுவனம் வளர்ந்ததே தமிழர்களால்தான். எனவே இன்போசிஸ் நிறுவனத்தில் பணிபுரியும் தமிழர்கள் நாராயணமூர்த்திக்கு எதிராக போராட்டம் நடத்த வேண்டும் என்று கோஷமிட்டனர். மேலும் நாராயணமூர்த்தியின் உருவபொம்மையை எரித்தும் தங்களது எதிர்ப்பை வெளிப்படுத்தினர்

நன்றி www.tamiloosai.com

Source Link: http://tamiloosai.com/index.php?option=com...3&Itemid=68

பணப்பேராசை தலையேறி ஆட்டம் நடத்துகின்றது, கொட்டிக் கீழே வீழும்போது அதன் பிரதிபலன்கள் தெரியும்...