அக்கினியில் சங்கமாகி எமக்காய தமது உயிர்களை அர்பணித்த ஈகபோரொளிகளுக்கும் தாயக ஊடகவியளாளர் நாட்டுப்பற்றாளர் திரு சத்தியன்மூர்த்தி அவர்களுக்கும் மெல்பேன் வாழ் தமிழ் மக்கள் தமது கண்ணீர் அஞ்சலிகளை நேற்று வியாழக்கிழமை ஹெய்டில்பேர்கில் அமைந்துள்ள செஞ்ஜோன்ஸ் பள்ளி அரங்கில் தமது கண்னீர் வணக்கத்தினை செலுத்தினார்கள்.இந்த நிகழ்வினை மெல்பேன் தமிழ் இளையோர் அமைப்பினர் ஒழுங்கு செய்திருந்தனர்

இந் நிகழ்வில் ஈகச்சுடரினை மறைந்த மாமனிதர் மதிப்புக்குரிய திரு ஜெயக்குமார் அவர்களின் துணைவியார் திருமதி யோகா ஜெயக்குமார் ஏற்றி வைத்து நிகழ்வினை ஆரம்பித்து வைத்தார் அதன் பின்னர் மக்கள் தமது மலர் அஞ்சலியையும் மெழுகுவர்த்தி ஏற்றி தியாகிகளுக்கு தமது வணக்கத்தை தெரிவித்து கொண்டனர்.அதன் பின்னர் ஈழத்தில் சிங்கள கோர வெறிக்கு பலியான அப்பாவி மக்களுக்கும் போராடி உயிர்துறந்த மாவீரர்களுக்கும் அகவணக்கம் செலுத்தப்பட்டது.அதன் பின்னர் அவுஸ்திரேலியாவில் காட்டுத்தீயினால் பலியான மக்களும் நினைவு கூறப்பட்டனர்.

மெல்பேன் இளையோர் சங்கத்தின் சார்பில் தெய்வீகனின் ஆரம்ப நினைவுரையுடன் நிகழ்வுகள் ஆரம்பமாகின.அதன் பின்னர் வணக்கத்துக்குரிய பிதா உதயன் அவர்கள் நினைவுரையாற்றினார்.இளைஞர்கள?? முன்வந்து புலத்தில் எமது போராட்டத்தினை முன்னெடுத்து செல்ல வேண்டும் என வணக்கத்துகுரிய பிதா கேட்டுக்கொண்டார்.அதனை தொடர்ந்து இளையோர் அமைப்பின் சார்பில் தமிழில் தாரணி அவர்கள் நினைவுப்பேருரையினை வழங்கினார்

அதனையடுத்து அவுஸ்திரேலிய தமிழர் ஒருங்கிணைப்புகுழுவின் பொறுப்பாளர் திரு சபேசன் அவர்கள் நாட்டு நடப்பினையும் ஈகப்பேரொளிகளையும் நினைவுகூர்ந்தார்.இறுதியாக அவுஸ்திரேலிய இளையோர் அமைப்பை சேர்ந்த செல்வன் கோகுலன் அவர்கள் ஆங்கிலத்தின் நினைவுரையினை ஆற்றினார்.

Edited February 19, 200916 yr by ஈழவன்85

Edited February 19, 200916 yr by ஈழவன்85