கவனயீர்ப்பில் பங்குபற்றுவோர் சிந்தனைக்கு..!

வணக்கம்,

அண்மையில் நமது பிரச்சனைகள் சம்மந்தமாக கனடா TVO தொலைக்காட்சியில் நடைபெற்ற விவாதம் ஒன்றை பார்க்க சந்தர்ப்பம் கிடைத்தது. இந்த நிகழ்ச்சியைப் பார்த்த பின்னர் - சில விடயங்களை ஆழமாக சிந்தித்து பார்த்தபின்னர் - எமது தரப்பு நியாயங்களை சரியான முறையில் உலகம் அறிந்துகொள்ள கவனயீர்ப்புக்களில் கவனிக்க வேண்டிய சில முக்கிய விடயங்களை இங்கு உங்களுடன் பகிர்ந்துகொள்வது நன்றாகத் தெரிகின்றது.

• இயலுமானவரை சிறீ லங்கா எனும் சொற்பிரயோகம் தவிர்க்கப்பட்டு அரச பயங்கரவாதிகள் எனும் உண்மையான சொற்பிரயோகம் பயன்படுத்தப்படவேண்டும்.
  
• சிறீ லங்கா தேசியக்கொடி பயங்கரவாதிகளின் கொடி எனும் உண்மையை தெளிவுபடுத்தவேண்டும்.
  
• சிறீ லங்கா நாட்டினை காலங்காலமாக ஆட்சி செய்பவர்கள் பயங்கரவாதிகள் எனப்படும் உண்மை வெளிக்கொண்டுவரப்பட வேண்டும்.
  
• சிறீ லங்காவின் இலச்சினை பயங்கரவாதிகளின் சின்னம் எனப்படும் உண்மையை கூறவேண்டும்.
  
• தமிழர் விடுதலைப் போராட்டம் என்பது பயங்கரவாதிகளுக்கு எதிரான போர் - பயங்கரவாதத்திற்கு எதிரான போர் எனப்படுகின்ற அடிப்படை உண்மை பறைசாற்றப்பட வேண்டும்.
  

We want justice! என்று கத்துவதைவிட Protect us from State Terrorists! // Protect us from Sri Lanka! என்று சொன்னால் தமிழரின் பாதுகாப்பு இன்மையையும் தமிழர் மிகுந்த ஆபத்தில் இருப்பதையும் உலகிற்கு உண்மையை சரியாக உணர்த்த முடியும். அரச பயங்கரவாதிகளிடம் இருந்து எப்படி நீதி கிடைக்கும்? அரச பயங்கரவாதிகளுடன் எப்படி பேச்சுவார்த்தைக்கு போகமுடியும்?

இதேபோல்..

Sri Lanka Stop Genocide! என்று கத்துவதைவிட Save us from Genocide // Save our people from Genocide // Save us from Sri Lanka! // Save our People from Sri Lanka! என்று சொன்னால் அது கூடுதல் அர்த்தம் உடையதாக இருக்கும்.

சிறீ லங்கா என்பது அரச பயங்கரவாதிகளை குறிக்கின்றது. பயங்கரவாதிகள் எப்படி இன அழிப்பை நிறுத்துவார்கள்? அவர்கள் காலங்காலமாக இன அழிப்பை எப்போதும் தொடர்ந்து செய்துகொண்டே இருக்கின்றார்கள் - இருப்பார்கள்! எனவே Sri Lanka Stop Genocide! என்று சொல்வது அர்த்தம் அற்றது.

சிறீ லங்கா அரச பயங்கரவாத நாட்டில் - பேரினவாதிகள் கைகளில் தமிழர் யுகம் யுகமாக பாதுகாப்பு அற்ற நிலமையில் இருக்கின்றார்கள் எனப்படும் உண்மை தெளிவுபடுத்தப்பட்டால் தமிழருக்கு சுதந்திரம் - தனிநாடு தேவை எனப்படுகின்ற விடயத்தை உலகம் தானாகப் புரிந்துகொள்ளும்.

மேலும்,

Immediately Arrest President of Sri Lanka! // Arrest State Terrorists! போன்ற சொற்பிரயோகங்கள் பயன்படுத்தப்பட வேண்டும். We want justice! என்பதைவிட இவைதான் கூடுதல் அர்த்தம் // விளக்கம் உள்ளவையாக இருக்கும்.

தமிழரையும், தமிழர் போராட்டத்தையும் பயங்கரவாதிகளாகவும், பயங்கரவாதிகளின் போராட்டமாகவுமே உலகில் சித்தரிக்கப்படுகின்றது. இதனால் எமது மக்கள் நீதி கேட்டு எங்கு போனாலும் பலத்த பின்னடைவையே சந்திக்கவேண்டி இருக்கின்றது. TVO தொலைக்காட்சி விவாதத்திலும் இதே பிரச்சனையை அவதானிக்க முடிந்தது. இவ்வாறான பிரச்சனையை முறியடிக்க ஒரு வழி சிங்கள பேரினவாத பயங்கரவாதிகள் கையாண்ட அதே வழியை கையாண்டு தமிழர் இருப்பை காப்பாற்றிக் கொள்வது.

மிகுதி.. உங்கள் சிந்தனைக்கு... நன்றி!

Immediately Arrest President of Sri Lanka! // Arrest State Terrorists! போன்ற சொற்பிரயோகங்கள் பயன்படுத்தப்பட வேண்டும். We want justice! என்பதைவிட இவைதான் கூடுதல் அர்த்தம் // விளக்கம் உள்ளவையாக இருக்கும்.

நீங்கள்சொல்வது உண்மைதான்.. இனி வரும் போராட்டங்களில் இதனை முதன்மைப்படுத்த வேண்டும்!

ஈழப்பிரியனின் கருத்து கவனிக்கப்பட வேண்டியது. we want freedom ! என்பதை we want eelam !என்று பலர் சொன்னார்கள் அப்படியே பலரும் தமக்கு உச்சரிப்பு எப்படி விளங்குகின்றதோ அதே போல சொல்லி போராட்டத்தில் ஒரு "இரைச்சலை" ஏற்படுகின்றது. இது மற்றவர்கள் நாம் சொல்ல வந்ததை கேட்க முடியாது ஆக்குகின்றது.

சர்வதேச ஆதரவுடன் பிரிந்து செல்வதற்கான மக்கள் கருத்துக்கணிப்பு நடத்தப்பட வேண்டும் என கவனயீர்ப்பு போராட்டங்களில் வலியுறுத்தவேண்டும்