உலக நாடுகள் எங்கும் தமிழ் மக்கள் பேரெழுச்சி கொள்ளத் தொடங்கியுள்ள நிலையில், போராட்டத்திற்கு ஆதரவு வழங்குமாறு ஏற்பாட்டாளர்கள் கோருகின்றார்கள்.

தமிழ் மக்கள் மீது மிக மோசமான இனப்படுகொலை ஒன்றை சிறிலங்கா கட்டவிழ்த்துவிட்டுள்ள நிலையில், அதனை தொடர விடாமல் தடுப்பதற்காக உலகம் முழுவதும் உள்ள தமிழ் மக்கள் ஒரே காலத்தில் பெரும் போராட்டம் ஒன்றை முன்னெடுத்துள்ளார்கள்.

அமைதியான முறையில் மேற்கொள்ளப்பட்ட போராட்டங்கள் எதனையும் சர்வதேசம் அக்கறையுடன் கவனத்தில் எடுக்காது சிறிலங்கா மேற்கொண்டுள்ள தமிழினப் படுகொலையை மௌனமாக வேடிக்கை பார்த்துக்கொண்டிருக்கும் நிலையில், தமிழ் மக்கள் தொடர் போராட்டத்தை முன்னெடுத்துள்ளனர்.

போரை நிறுத்த வைத்து தமிழ் மக்களுக்கு ஒரு தீர்வை வழங்கும் வரை தொடர்ச்சியாக முன்னெடுக்க தீர்மானிக்கப்பட்டுள்ள இப்போராட்டத்தற்கு தமிழ் மக்கள் தங்கள் தார்மீக ஆதரவை வழங்கி பல்லாயிரக்கணக்கில் அணி திரளுமாறு கோரப்பட்டுள்ளது.

தியாகி திலீபன் கண்ட மக்கள் புரட்சி என்ற பெரும் கனவு இன்று நனவாகியிருக்கின்றது. தமிழ் மக்கள் மனங்களில் பற்றிப் பிடித்துள்ள இந்தத் தீயை அணையாது தக்க வைப்பதற்கு அனைவரும் இந்தப் போராட்டத்திற்கு ஆதரவை வழங்கி, சிறிலங்காவின் இனப்படுகொலையைத் தடுத்து நிறுத்தி, இறுதி இலக்கை அடைவதற்கு மக்கள் உறுதியோடு பங்கேற்குமாறு அழைக்கப்படுகின்றனர்.

உங்கள் அனைத்துப் பணிகளையும் ஒதுக்கி வைத்து இந்தப் போராட்டத்தில் பங்கேற்று வரலாற்றுக் கடமையை புரியுங்கள்.

http://www.sankathi.com/index.php?mact=New...nt01returnid=51

Edited April 7, 200916 yr by kuddipaiyan26

உங்கள் அனைத்துப் பணிகளையும் ஒதுக்கி வைத்து இந்தப் போராட்டத்தில் பங்கேற்று வரலாற்றுக் கடமையை புரியுங்கள்.

இதைத்தான் என்னால் சொல்லமுடியும் ..

அடுத்த கட்டமாக எல்லோரும் என்ன செய்ய வேண்டும் என்று ஆலோசனைகளை வைத்தால் தங்களால் இயன்றதை செய்யலாம். உலகமே எம்மை எதிரியாக பார்க்கும் போது நாம் தான் தனித்து இயங்க வேண்டிய நிர்ப்பந்தத்துக்கு தள்ளப்பட்டுள்ளோம்.