மனித நேய நிவாரண அமைப்புக்கள் முகாம்களில் தங்கியுள்ள மக்களை எதுவித தடையும் இன்றி சந்திப்பதற்கு தேவையான வசதிகளை செய்து கொடுக்குமாறு சிறிலங்கா அரசாங்கத்திற்கு அழுத்தம் கொடுக்கப்படும் என தெற்கு மற்றும் மத்திய ஆசியாவுக்கான உதவி இராஜாங்க அமைச்சர் றொபேர்ட் ஓ பிளேக் தெரிவித்துள்ளார்.

மத்திய கிழக்கு மற்றும் தெற்காசியா தொடர்பான வெளிவிவகாரக்குழு முன்னிலையில் விளக்கமளிக்கும்போதே அவர் இவ்வாறு தெரிவித்திருக்கிறார்.

சிறிலங்கா தொடர்பாக அவர் தனது விளக்கமளிப்பில் மேலும் தெரிவித்துள்ளதாவது:

தமிழீழ விடுதலைப் புலிகளுக்கும் சிறிலங்கா படையினருக்கும் இடையிலான போர் முடிவடைந்த பின்னர் நாட்டுக்குள்ளேயே இடம்பெயர்ந்த மக்களுடனான தொடர்பு முறைகளில் முன்னேற்றம் காணப்படுள்ளது.

போர் முடிவடைந்தவுடன் பொதுவான தொடர்புகள் விருத்தியடைந்த போதிலும் இன்னும் அநேகம் செய்யவேண்டி இருக்கிறது.

வடக்கில் முகாம்களில் தங்கியுள்ள மக்களை மனிதநேய நிவாரண அமைப்புக்கள் எதுவித தடையும் இன்றி சந்திப்பதற்கு தேவையான வசதிகளை செய்து கொடுக்குமாறும் இலங்கையில் உள்ள சிறுபான்மைத் தமிழ் மக்களுடன் அரசியல் நல்லிணக்கத்தை ஏற்படுத்திக் கொள்ளுமாறும் நாங்கள் தொடர்ந்து சிறிலங்கா அரசாங்கத்திற்கு அழுத்தம் கொடுப்போம்.

போருக்குப்பின் பின்னர், மனிதநேய நிவாரணம், சிறுபான்மையினரை அரசியல் நீரோட்டத்தில் சேர்த்துக்கொள்ளுதல் ஆகியன குறித்து சிறிலங்கா அரசாங்கம் தற்போது எடுக்கும் நடவடிக்கைகள், பயங்கரவாத்திற்கு முடிவு கட்டுவதற்கும் நிரந்தர சமாதானத்தை ஏற்படுத்திக் கொள்வதற்கும் அவசியமானவை - என்று அவர் மேலும் தெரிவித்தார்.

புதினம்

ஐயா ரொபேட் ஒ பிளேக் , அண்ணன் சீனா இருக்கும் வரை உங்களின் சொல் எடுபடாது.போகப்போக புரிந்துகொள்வீர்கள்.