சிறிலங்காவில் ஊடக சுதந்திரம் இல்லை: அவுஸ்திரேலிய நாடாளுமன்றத்தில் கண்டனம்

சிறிலங்காவில் ஊடக சுதந்திரம் எதுவுமே நடைமுறையில் இல்லை என்பது வெளிப்படையாகத் தெரிகின்றது எனத் தெரிவித்திருக்கும் அவுஸ்திரேலியாவின் நாடாளுமன்ற உறுப்பினர் ஜோன் மேர்பி, கருத்துச் சுதந்திரத்தை ஒடுக்கும் வகையில் சிறிலங்கா அரசு மேற்கொள்ளும் நடவடிக்கைகள் பலமாகக் கண்டிக்கப்பட வேண்டியவை எனவும் அவுஸ்திரேலிய நாடாளுமன்றக் கூட்டத் தொடரில் உரையாற்றும் போது தெரிவித்திருக்கின்றார்.

வன்னியில் இடம்பெற்ற போரைத் தொடர்ந்து உருவாகியிருக்கும் மனிதாபிமானப் பிரச்சினைகள் மற்றும் ஊடக சுதந்திரத்தை நசுக்கும் வகையில் சிறிலங்கா அரசு மேற்கொண்டுள்ள நடவடிக்கைகள் தொடர்பாக அவுஸ்திரேலிய நாடாளுமன்றக் கூட்டத் தொடரில் கலந்துகொண்டு உரையாற்றிய ஜோன் மேர்பி, மனித உரிமைகள், சட்டத்தின் ஆட்சி மற்றும் கருத்துச் சுதந்திரம் என்பனவற்றை மதிக்கும் உலக நாடுகள் அனைத்தும் சிறிலங்கா அரசு செய்த தவறுகளைத் திருத்திக்கொள்ளும் வகையில் உரத்துக் குரல் கொடுக்க வேண்டும் எனவும் வலியுறுத்தியிருக்கின்றார்.

அவர் தனது உரையில் மேலும் கூறியதாவது:

"வடபகுதியில் உருவாகியிருக்கும் மோசமான மனிதாபிமானப் பிரச்சினைகள் தொடர்பாக நான் இன்று உரையாற்றப் போகின்றேன். படை நடவடிக்கையால் இடம்பெயர்ந்த ஆயிரக்கணக்கான அப்பாவித் தமிழர்கள் மிகவும் மோசமான நிலைமையில் முகாம்களில் வைக்கப்பட்டுள்ளார்கள். இதற்கு மேலாக பட்டினி, பாலியல் வல்லுறவு, கொலைகள் மற்றும் சித்திரவதைகள் போன்ற மனித உரிமை மீறல்கள் தொடர்பான மோசமான செய்திகளை வெளிநாட்டு ஊடகங்கள் வெளியிட்டு வருகின்றன.

உயிர்களைப் பாதுகாத்துக்கொள்வதற்குத் தேவையான விநியோகங்களை மேற்கொள்வதற்கும், மருத்துவப் பொருட்களை வழங்குவதற்குமாக அனைத்துலக உதவி நிறுவனங்கள் இந்த முகாம்களுக்குச் செல்வதற்கு தம்மை அனுமதிக்க வேண்டும் எனக் கேட்டுக்கொள்கின்றன. அத்துடன், சுயாதீனமான ஊடகத்துறை இந்த முகாம்களுக்கு அனுமதிக்கப்பட வேண்டும் எனவும் கோரப்பட்டிருக்கின்றது.

ஆனால், இன்று வரையில் சுயாதீன ஊடகங்களோ அல்லது மனிதாபிமானப் பணிகளோ இந்த முகாம்களுக்குச் செல்வதை சிறிலங்கா அரசு முரட்டுத்தனமாக நிராகரித்து வருகின்றது. சிறிலங்கா அரசு உண்மைகளை மூடிமறைப்பதற்கான காரணம் என்ன? இந்த முகாம்களுக்கு சுயாதீனமான ஊடகத்துறையையும், மனிதாபிமானப் பணியாளர்களையும் அனுமதிப்பதன் மூலம் தமிழர்களின் துன்பங்களைக் களைவதற்கான செயற்பாடுகளையே தான் மேற்கொள்வதாக சிறிலங்கா அரசினால் நிரூபிக்க முடியும். ஆனால் உண்மை வெளியே தெரியவருவதை சிறிலங்கா அரசு விரும்பவில்லை என்பது தெளிவாகத் தெரிகின்றது.

இதற்கு மேலாக ஊடகவியலாளர் திசநாயகம் குற்றச்சாட்டுக்கள் எதுவும் இன்றி 5 மாதங்கள் தடுத்துவைக்கப்பட்டிருந்தார