பிரின்சஸ் கிறிஸ்டீனா கப்பலின் உண்மை வெளிவரவேண்டும் - எதிரணி

பிரின்சஸ் கிறிஸ்டீனா கப்பல் ஒரு அரச பிரச்சார திட்டத்தின் பொதிகளின் ஒன்று தவிர வேறெந்த விசேடமும் இல்லையென எதிரணிகள் கூச்சலிட தொடங்கியுள்ளன. எதிரணியினரின் புலனாய்வு தகவலின் படி இந்த கப்பல் இந்தோனேசியாவில்

மிக குறுகிய காலத்தில் இலங்கை கடற்படை அதிகாரி ஒருவரால் பணம் கொடுத்து வாங்கப்பட்டதாகவும் இதற்கு முன்னர் இந்த கப்பல் இரும்பிற்க்காக உடைப்பதற்கு ஆயத்தமாக இருந்ததாகவும் கூறுகின்றனர் எதிரணியினர்.

புத்தளம் மாவட்ட ஐக்கியதேசிய கட்சி பாராளுமன்ற உறுப்பினர் றங்க பண்டார அவர்கள் இந்த கப்பல் புலிகளின் உடையதோ யாருடையதோபரவாயில்லை ஆனால் இந்த கப்பல் இலங்கை கடற்படையினரால் தடுக்கப்பட்டு கட்டி இழுத்து வரப்பட்டது என்றால் இந்த கப்பலில் இருந்த மாலுமிகள் எங்கே? இந்த கப்பல் இலங்கைக்கு கொண்டு வரும் போது செய்யப்பட்ட ஆவண பரிமாற்றம் எங்கே? யாரிடம் இருந்து பத்திரங்கள் மாற்றப்பட்டன? ஏன் அரசாங்கம் அதனை காட்ட மறுக்கின்றது என கேள்வி எழுப்பியுள்ளார்.

இந்த கப்பல் இரும்புக்கு உடைப்பதற்காக இந்தோனேசியாவில் இருந்து இலங்கைக்கு கொண்டுவரப்பட்டதாக அதன் பின்னணி சொல்கின்றது ( ship history and purpose of sailing) அப்படி என்றால் யாரால் எப்போது வாங்கப்பட்டது அந்த ஆவணம் எங்கே எனவும் கேள்வி எழுப்பியுள்ளார் ரங்க பண்டார.

இவர் மேலும் தனது கேள்வியில் இலங்கை அரசாங்கம் கேபி இடமொருந்து பெற்ற தகவலின்படி புலிகளுக்கு 600 வங்கி கணக்கு, 300 வாணிபங்கள் இருப்பதாக கூறியுள்ளனர். அவ்வாறு என்றால் இதுவரை ஏன் ஒரு வங்கி கணக்கினை அல்லது ஒரு வாணிபத்தினை கூட இதுவரை கண்டுபிடித்து நடவடிக்கை எடுக்கவில்லை. அல்லது கண்டு பிடித்தால் அந்த பணங்கள் எங்கே? யார் பேரில் இருக்கின்றன? என்றும் கேட்டுள்ளார். http://www.eelanatham.net/news/important