இந்திய மீனவர்களின் அத்துமீறல் தொடர்பில் யாழ் மக்கள் அதிருப்தி

இந்திய மீனவர்களின் அத்துமீறல் தொடர்பில் யாழ்ப்பாண மக்கள் அதிருப்தி வெளியிட்டுள்ளதாகத் தெரிவிக்கப்படுகிறது.

யாழ்ப்பாண கடற் பிரதேசத்திற்குள் இந்திய மீனவர்கள் அத்துமீறிப் பிரவேசிப்பதாகவும், இதனால் தமது ஜீவனோபாயத் தொழிலை மேற்கொள்வதில் சிக்கல் நிலைமை ஏற்பட்டுள்ளதாகவும் மக்கள் விசனம் வெளியிட்டுள்ளனர்.

வெளிவிவகார அமைச்சர் ரோஹித்த பொகொல்லாகம அண்மையில் யாழ்ப்பாணத்திற்கு விஜயம் செய்திருந்த வேளை இந்த முறைப்பாடுகள் தெரிவிக்கப்பட்டுள்ளன.

சில நாட்களில் நூற்றுக்கும் மேற்பட்ட இந்திய மீன் பிடி படகுகள் இலங்கைக் கடற்பரப்பில் மீன்பிடியில் ஈடுபடுவதாக யாழ்ப்பாண அரசாங்க அதிபர் கே.கணேஸ் தெரிவித்துள்ளார். ஒவ்வொரு நாளும் இவர்கள் மீன்பிடியில் ஈடுபடுவதில்லை என்ற போதிலும் அடிக்கடி இலங்கை கடற்பரப்பில் அத்துமீறல்களை நடத்துவதாக அவர் சுட்டிக்காட்டியுள்ளார்.

இந்த விடயம் தொடர்பில் இந்திய வெளியுறவு அமைச்சருடன் பேச்சுவார்த்தை நடத்துவதாக அமைச்சர் பொகொல்லாகம அறிவித்துள்ளார்.

50 வீதமான மீன்பிடி உற்பத்திகள் கொழும்பிற்கு அனுப்பி வைக்கப்படுவதாக அரசாங்க அதிபர் தெரிவித்துள்ளார்.

தற்போது வருடாந்தம் 2000 மெற்றிக் தொன் அளவில் மீன் உற்பத்தி செய்யப்படுவதாகவும், 1981ம் ஆண்டு காலப்பகுதியில் நான்காயிரம் மெற்றிக் தொன் வரையில் உற்பத்தி செய்யப்பட்டதாகவும் குறிப்பிட்டுள்ளார்.

globaltamilnews

சிங்களவன் தனது நரித்தனத்தை மீண்டும் தொடங்குகின்றான்...

யாழ்ப்பாணத்துக்கு பல அத்தியாவசியப் பொருட்களை சிறிலங்கா அரசு தடைசெய்திருந்த வேளைகளில் எல்லாம் இந்திய மீனவர்கள் தாம் எமக்கு பல சமயங்களில் கைகொடுத்தனர். இப்போதும் சிங்களக் கடற்படை தமிழக மீனவர்களை வஞ்சம் தீர்ப்பதும் அதற்காகத்தான். தமிழர் கடல் பகுதிகளில் சிங்களவன் அத்துமீறி மீன் பிடித்தால் வாய்மூடி சும்மா அடங்கிடுவம். ஆனால் தமிழன் மீன் பிடித்தால் தான் கொதித்து எழுவோம். எமது பாரம்பரிய கடல் பகுதிகள் பாரிய அளவில் சிங்களவனால் ஆக்கிரமிக்கப்பட்டு இருக்கிறது.ஈழத்தமிழருக்கு நிச்சயம் தமிழகக் கடலோர வாழ்மக்களின் ஆதரவும் உதவியும் எப்போதும் வேண்டும். அது இப்போதும் இருந்து கொண்டுதான் இருக்கிறது. சிங்களவனின் சதிவலையில் நாங்கள் விழுந்துவிடக்கூடாது. தமிழன் ஒன்றுபட்டு விடக் கூடாது என்பதில் அவன் தெளிவாக இருக்கிறான்.