வருமான வரி அலுவலகம் மீது விமானத்தை மோதியது ஏன்?

வாஷிங்டன் : குட்டி விமானத்தை வருமான வரி அலுவலகம் மீது மோதி தகர்த்த சம்பவத்தில் தீவிரவாதிகளுக்கு ஏதேனும் தொடர்பு உள்ளதா என்பது குறித்து அமெரிக்காவில் தீவிர விசாரணை நடை பெறுகிறது.

அமெரிக்காவின் டெக்சாஸ் மாநிலம், ஆஸ்டின் நகரில் வருமான வரி அலுவலகம் உள்ளது. அதில் நேற்று முன்தினம் 200 ஊழியர்கள் வழக்கமான பணியில் ஈடுபட்டிருந்தனர். அப்போது படுவேகத்தில் பறந்து வந்த குட்டி விமானம் ஒன்று, கண் இமைக்கும் நேரத்தில் கட்டிடத்தின் மீது மோதி வெடித்தது. உடனே, விமானமும், அலுவலகமும் தீப்பற்றி எரிந்தன.

கட்டிடம் மீது விமானம் மோதியதால் தீவிரவாத தாக்குதல் என்ற பீதி ஏற்பட்டது. வருமான வரி அலுவலக ஊழியர்கள் அச்சத்தில் தலைதெறிக்க வெளியே ஓடினர்.

சேதமடைந்த வருமான வரி அலுவலக கட்டிடத்தைச் சுற்றிலும் வீரர்கள் குவிக்கப்பட்டனர். காயமடைந்த ஊழியர்கள் மருத்துவமனை கொண்டு செல்லப்பட்டனர். தீவிரவாத விமான தாக்குதல் என செய்தி பரவியதால் அமெரிக்கா முழுவதும் பெரும் பரபரப்பு ஏற்பட்டது.

இந்நிலையில், போலீசார் நடத்திய விசாரணையில், சிறிய விமானத்தை கட்டிடம் மீது மோதியவர் ஜோசப் ஸ்டேக் (53) என்ற இன்ஜினியர் என்றும் அருகில் உள்ள ஜார்ஜ் டவுன் விமான நிலையத்தில் இருந்து அதை ஓட்டி வந்து தற்கொலை தாக்குதல் நடத்தினார் என்றும் தெரிய வந்தது. அவரது இணைய தளத்தை ஆராய்ந்ததில், வருமான வரித் துறை கூடுதல் வரி விதிப்பதாக அவர் ஆத்திரத்தில் இருந்தது தெரிந்தது.

‘அநியாய வரித் துறையினரே, உங்களை மாற்றிக் கொள்ளுங்கள். என்னை எடுத்துக் கொள்ளுங்கள். தாக்குதல்தான் எனது பதிலடி’ என்று அவர் டைப் செய்திருந்ததை போலீசார் கண்டுபிடித்தனர். எனவே, வருமான வரித் துறை மீது ஆத்திரத்தில் அந்த துறை ஊழியர்களைக் கொல்லும் நோக்கத்தில் அலுவலக கட்டிடம் மீது விமானத்தை அவர் மோதியிருக்கலாம் என கருதப்படுகிறது.

சம்பவம் நடந்த இடத்தில் இருந்து 8 கி.மீ. தொலைவில் இருந்த ஸ்டேக்கின் வீடும் தீப்பற்றி எரிந்தது. அவரே கொளுத்தி விட்டு, விமானத்தை மோதி தற்கொலை செய்திருக்கலாம் எனவும் போலீசார் கருதுகின்றனர். ஸ்டேக் பற்றி அறிய அவரது முன்னாள் மனைவியை தொடர்பு கொள்ள முயன்றும் முடியவில்லை.

விமானத்தை மோதி கட்டிடம் தகர்ப்பால் ஸ்டேக்குடன் தீவிரவாதிகள் தொடர்பு இருக்கலாம் என்ற கோணத்திலும் போலீசார் விசாரிக்கின்றனர்.

http://www.dinakaran.com/worlddetail.aspx?id=6015

சேதங்கள்?

இலங்கை வருமானவரி கட்டிடம் மீது தாக்குதல் நடந்து ஒரு வருடம் ஆகும் நிலையில் இது நடந்துள்ளது. இன்னமும் இந்த கட்டிடம் திருத்தி முடிக்கப்படவில்லை?

ஓ இப்படியும் வழியுண்டா?