“கறுப்பு ஜுலை“ இரத்தக் களரியை நினைவுகூர்ந்து நடைபெறும் இரத்த தானம்!!

இலங்கையில் 1983ம் ஆண்டு அந்த கறுப்பு ஜுலை மாதத்தில் நடைபெற்ற இனக் கலவரத்தில் உயிரிழந்த, மற்றும் பாதிக்கப்பட்ட, தமிழின மக்களின் அவலநிலையை நினைவூட்டும் முகமாகவும், தமிழர் மாத்திரமன்றி உலகின் ஏனைய இன மக்களும் அறிய வேண்டும் என்ற நோக்கத்துடன் அவுஸ்திரேலியா தமிழர் புனர்வாழ்வுக் கழகம் பிரதி ஆண்டுதோறும் ஜூலை மாதத்தை, துயர்துடைப்பு மாதமாக அனுஷ்டித்து வருகிறது. அந்த வகையில் துயர்துடைப்பு மாத நிகழ்வுகளில் இறுதி நிகழ்வாகவும், கறுப்பு ஜுலை நினைவாகவும், அடைக்கலம் தந்த அவுஸ்திரேலியா நாட்டிற்கும் நன்றிக் கடனாகவும் நடைபெறும் “இரத்த தானம்”, எதிர்வரும் ஆகஸ்ட் மாதம் 8ம் திகதி ஞாயிற்றுக்கிழமை காலை 10.00 மணி முதல் 1.30 மணிவரை Southbank இல 51, Clarke வீதியில் அமைந்துள்ள செஞ்சிலுவைச் சங்கத்தின் இரத்தவங்கி ஊடாக இரத்ததானம் வழங்கல் நிகழ்வும் இடம்பெறவுள்ளது. இப்புனிதகொடைக்கு உதவ முன்வரும் கொடையாளிகள் தயவுசெய்து உங்கள் பெயர்களை முன்கூட்டியே 0414 185 348 அல்லது 0413 506 183 எனும் இலக்கத்திலும் தொடர்பு கொண்டு பதிவுசெய்து கொள்ளுமாறு கேட்டுக் கொள்ளப்படுகின்றீர்கள்.