வரும் யூலை மாதம் 16ம் திகதி “ஒன்றாகி எழுவோம்”

Monday, July 11, 2011, 21:55உலகம், தமிழீழம்

தனித்திருக்கும் எமது தேசியத்தின் அமைப்புகளை ஒன்றிணைப்பதற்காக இளம் சமுதாயம் ஆகிய நாம் “ஒன்றாகி எழுவோம்” என்ற தலைப்பில் ஒரு கருத்தரங்கை ஒழுங்கு செய்கிறோம்.

தாயகத்தின் மேல் பற்றுறுதியும், எம் தேச விடுதலைக்கு கடின உழைப்பையும் புலம் பெயர் மண்ணில் அர்ப்பணித்த கனேடிய செயற்பாட்டாளர்கள் இன்று வெவ்வேறு குழுக்களாகவும், அமைப்புகளாகவும் தனித்து நின்றும், பிரிந்து நின்று செயற்படுவதும் செயல் பட முயல்வதும் இளம் சமூகமாகிய எங்களுக்கு வேதனையும் அதிர்ச்சியையும் அளிகின்றது. இவ்வகையான ஒரு போக்கு ஒரு சிந்தனை எம்மிடையே வளர்ந்துள்ளது என்பது எமது தேசிய மாவீரர்களையும் எம் உயிரினும் மேலான மக்களையும் அவமதிப்பதாகும். அத்தோடு அவர்களின் ஆன்மாக்களுக்கு துரோகம் இளைப்பதாகும். எனவே தான் கனேடிய தமிழ் சமூகமும், கனடிய தமிழ் இளையோரும், ஊர்ச்சங்கங்களுடன் இணைந்து காலத்தின் தேவை கருதி இங்கு அமைந்துள்ள மிகப்பெரும் அமைப்புகளை ஒற்றுமையாக இயங்குவதற்கான வழிவகைகளை ஏற்படுத்தி கொடுப்பதோடு நம் ஈழ தேசத்தில் உள்ள மக்களின் வாழ்வாதாரத்தை கருத்திற்கொண்டு அனைத்துலக தமிழீழ நலன் கருதும் சமூகத்துடன் ஒன்றாக நின்று செயற்படுவதற்கான வழிவகைகளை செய்து கொடுப்பதற்கான ஒரு சிறிய முயற்சியே இக் கருத்தரங்கமாகும்.

இதை தயவு செய்து முரண்பட்ட சிந்தனைக்குள் உள்வாங்காமல் எம் தேசத்தின் தேவையினை கருத்திற்கொண்டும், எம் மக்களின் கண்ணீரை கருத்தில் கொண்டும் திரண்டு வந்து ஆதரவு தருமாறு அன்புடனும் பணிவுடனும் கேட்டு கொள்கிறோம்.

அழைக்கப்படும் அமைப்புகள் பின்வருமாறு

- நாடு கடந்த அரசு

- மக்களவை

- தமிழ் பேரவை

- இளையோர் அமைப்பு

காலத்தின் தேவை கருதி இங்கு அமைந்துள்ள மிகப்பெரும் அமைப்புகளை நம் தேசத்தில் உள்ள மக்களின் வாழ்வாதாரத்தை கருத்திற்கொண்டு, ஐக்கிய நாடுகள் சபையினதும், சேனல் 4 ஒளிப்படத்தின் ஆதாரத்தை கொண்டும் அனைத்துலக தமிழ் சமூகத்துடனும் ஒற்றுமையாக இயங்குவதற்கான வழிவகைகளை ஏற்படுத்தி கொடுப்பதட்கான ஒரு ஆகிய அமைப்புக்களை அழைத்து அவர்களின் கருத்து முரண்பாடுகளை களைந்து ஒன்றிணைப்பதே “ஒன்றாகி எழுவோம் “ எனும் இக் கருத்தரங்கின் நோக்கம் ஆகும்.

காலம் : யூலை மாதம் 16ம் திகதி மாலை 4 மணி தொடக்கம் மலை 8 மணி வரை.

இடம்: Chinese Cultural Centre of Greater Toronto

5183 Sheppard Avenue East Scarborough, Ontario Canada M1B 5Z5

வாருங்கள்.

நன்றி

கனேடிய தமிழ் இளையோர்

கனேடிய தமிழ் சமூகம்

கனேடிய தமிழ் ஊர் சங்கங்கள்.

“நான் பெரிது நீ பெரிது என்று இல்லாமல் நம் நாடே பெரிது என்று எண்ணி பயணிப்போம்” ~ திரு. மேதகு. வேலுப்பிள்ளை பிரபாகரன்.

http://www.tamilthai.com/?p=21510

ஒற்றுமையே வாழ்வு. முயற்சி திருவினையாக்கட்டும்.