புற்று நோயைக் குணப்படுத்த புதுவகை வைரஸ்?

புற்று நோயைக் குணப்படுத்த புதுவகை வைரஸ் கண்டு பிடிக்கப்பட்டது

புற்றுநோய் பரவுவதைத் தடுக்கிறது அதேவேளை அதை பூரணமாக குணப்படுத்தும் வீரியமும் கொண்டுள்ள புதிய வைரஸ்..

மனித குலத்திற்கே மாபெரும் சவாலாக இருப்பது புற்றுநோய் என்ற கருத்து இன்றுவரை உலக வெளியில் மறையவில்லை.

இதற்காக பல்வேறு சிகிச்சைகள் மேற்கொள்ளப்பட்டாலும் இன்றுவரை போதிய வெற்றியைத் தரவும் இல்லை. இந்த நிலையில் புதுவகை வைரஸ் ஒன்று புற்றுநோயைக் குணப்படுத்தும் ஆற்றல் உள்ளதென்று விஞ்ஞானிகள் டென்மார்க் விஞ்ஞானிகள் அறிவித்துள்ளார்கள்.

வி.எஸ்.வி என்ற குறியீட்டு பெயர் வைக்கப்பட்டுள்ள இந்த வைரசிற்கு புற்றுநோயைக் குணப்படுத்தும் ஆற்றல் உள்ளதாகவும் தெரிவித்துள்ளனர்.

இந்த வி.எஸ்.வி வைரசிற்கு இரண்டு ஆற்றல்கள் உண்டு. ஒன்று புற்றுநோய்க் கிருமியை அழிக்கும் ஆற்றல் இரண்டு வேகமாகப் பரவும் புற்றுநோய்க் கிருமிகளின் பரவலை தடுத்து நிறுத்தும் வல்லமையும் உள்ளது என்றும் தெரிவித்துள்ளார்கள். பரவுவதைத் தடுப்பது, நோயை அழிப்பது ஆகிய இரண்டு பொசிட்டிவ் தாக்கங்கள் கொண்ட புதுவகை வைரசாக இது இருக்கிறது.

டென்மார்க் கோப்பன்கேகன் பல்கலைக்கழக ஆய்வுப்பிரிவுக்காக டாக்டர் கெல ஜென்சன் இது குறித்த ஆய்வு விபரங்களை அறிஞர் மன்றில் வெளியிட்டார். லைப் என்னும் பெயருடன் இவர்கள் நடாத்திய உயிரியல் ஆய்வுப்பிரிவின் கண்டு பிடிப்பு உலக விஞ்ஞானிகளை ஆச்சரியத்துடன் திரும்பிப் பார்க்க வைத்துள்ளது.

மேற்கண்ட வைரஸ்கள் புற்று நோய்க் கிருமிகளை அழிப்பதையும், புதிதாக புற்றுநோயை உருவாக்கும் மாலிக்யூல்களை தகர்ப்பதையும் அவர்கள் தமது பரிசோதனை மூலம் நிகழ்த்திக் காட்டினார்கள்.

இமூன்ஸ்ரிமிலியன என்ற டேனிஸ் பெயர் கொண்ட மாலிக்யூல்கள் புற்றுநோயை உற்பத்தி செய்கின்றன, புற்றுநோய்க்கிருமிக்கான கருக்களை அசுர வேகத்துடன் படைக்கின்றன, கன வேகத்தில் இரத்தப் புற்றுநோயையும் ஏற்படுத்திவிடுகின்றன.

இந்தக் கிருமிகள் தொழிற்பட ஆரம்பிக்கும்போதே வி.எஸ்.வி வைரஸ்சை மனித உடலில் செலுத்தினால் நோயாளிகளைக் காப்பாற்றிவிட முடியும். அதேவேளை புற்றுநோயை உருவாக்கும் இமூன்ஸ்ரிமிலியன மாலிக்யூல்கள் மிகமிக ஆபத்தானவை என்று கோப்பன்கேகன் பல்கலைக்கழக விரிவுரையாளர் சோன் ஸ்கோவ் தெரிவித்தார். மேலும் இவை கோடி கோடியாக தரைப்படை பரவுவதைப் போல புற்றுநோய்க் கிருமிகளை உற்பத்தி செய்து பரவவும் விடுகின்றன.

இந்த ஆபத்தான நிலையில் நோய் பரவும் வேகத்தை கட்டுப்படுத்துவதே வைத்தியர்கள் முன்னுள்ள மிகப்பெரிய சவால்..! ஆனால் இப்போது கண்டு பிடிக்கப்பட்டுள்ள வி.எஸ்.வி வைரஸ் புற்றுநோய்க் கிருமிகளின் கட்டுமீறிய வேகத்தை தடுத்து நிறுத்தும் என்றும் கூறினார்.

இரு வழியில் கிடைத்துள்ள வெற்றி, புற்றுநோயில் சிக்குப்பட்டவருக்கு வழங்கப்படும் சிகிச்சை முறையில் மகத்தான மாற்றம் வர வழி சமைத்துள்ளது என்றும் மகிழ்ச்சி தெரிவித்தார். புற்றுநோய் வருவது ஆபத்தானது, அதைவிட பேராபத்து அது வேகமாகப் பரவுவதுதான். அந்த வேகத்தை உடன் கட்டுப்படுத்தினால் புற்றுநோய் என்பது அபாயமான நோயே அல்ல. இன்று உலகம் முழுவதும் நடைபெறும் புற்றுநோய் மரணங்கள் சிகிச்சைகள் தாமதப்படுவதாலேயே ஏற்படுகின்றன.

இன்றுள்ள நிலையில் இனி தாமதிக்க நேரம் கிடையாது. அடுத்த கட்டம் இதற்கான சிகிச்சைகளை ஆரம்பிப்பதுதான். யாதொரு தாமதமும் செய்யாது உடனடியாக கெல ஜென்சன் அமெரிக்காவில் தனது சிகிச்சைகளை ஆரம்பித்துவிட்டதாகவும் கூறினார். வி.எஸ்.வி வைரஸ் மனித குலத்திற்கு நம்பிக்கை தரும் செய்தியோடு வந்திருக்கிறது. அன்று அலெக்சாண்டர் பிளமிங் பெனிசிலியம் என்ற காளானைக் கண்டு பிடித்து அதன் மூலம் பென்சிலீன் மாத்திரையை கண்டு பிடித்தது போல இதுவும் அமையும் என்ற நம்பிக்கை பிறக்கிறது. எதிர்காலம் நம்பிக்கை தருகிறது.

http://www.alaikal.com/news/?p=81640