நாட்டில் நல்லிணக்கத்தை ஏற்படுத்தும் முனைப்புக்களின் போது தென்ஆபிரிக்காவின் அனுபவங்களை பயன்படுத்திக் கொள்ள முடியும் என தமிழ்த் தேசியக் கூட்டமைப்புதெரிவித்துள்ளது.குறிப்பாக தென் ஆபிரிக்காவின் உண்மையைக் கண்டறியும் ஆணைக்குழுவின பரிந்துரைகளை கவனத்திற் கொண்டு இலங்கையில் நல்லிணக்க முனைப்புக்களை முன்னெடுக்க முடியும்என சுட்டிக்காட்டப்பட்டுள்ளது.

ஆபிரிக்க தேசிய காங்கிரஸ் ஸ்தாபிக்கப்பட்டு நூறு ஆண்டுகள பூர்த்தியாவதனை முன்னிட்டு நடத்தப்பட்ட விசேட நிகழ்வுகளில் தமிழ்த் தேசியக் கூட்டமைப்புபாராளுமன்ற உறுப்பினர்கள் கலந்து கொண்டனர்.தென் ஆபிரிக்க தலைவர்களை சந்தித்து பேச்சுவார்த்தை நடத்தியதாக தமிழ்த் தேசியக் கூட்டமைப்பின் பாராளுமன்றக் குழுத் தலைவர் இரா.சம்பந்தன் தெரிவித்துள்ளார்.

நல்லிணக்கத்தை ஏற்படுத்தும் பணிகளில் தென் ஆபிரிக்கா பரந்த அனுபவங்களைக் கொண்டுள்ளதாகவும், அந்த அனுபவங்களை நாமும் பயன்படுத்திக்கொள்ள முடியும் எனவும் அவர் குறிப்பிட்டுள்ளார்.தென் ஆபிரிக்க உண்மையைக் கண்டறியும் ஆணைக்குழு நீதிமன்றத்தைப் போன்றதொரு நிறுவனமாகும் என அவர் சுட்டிக்காட்டியுள்ளார்.

மனித உரிமை மீறல்களில் பாதிக்கப்பட்டவர்களின் கருத்துக்களுக்கும், குற்றம் சுமத்தப்பட்டவர்களின் கருத்துக்களும் மதிப்பளிக்கும் வகையில் இந்த ஆணைக்குழு நடவடிக்கைகளை மேற்கொண்டிருந்தது என அவர் தெரிவித்துள்ளார்.

தென் ஆபிரிக்காவில் முழு அளவிலான ஜனநாயகத்தை நிலைநாட்டுவதற்கு உண்மையைக் கண்டறியும் ஆணைக்குழு முக்கிய பங்காற்றியது என அவர் குறிப்பிட்டுள்ளார்.சில குறைபாடுகள் காணப்பட்டாலும் பெரும்பான்மையாக இந்த ஆணைக்குழுவின் நடவடிக்கைகள் வெற்றியளித்ததாகவே கருதப்படுகின்றது. இதேவேளை, எதிர்வரும் 17, 18 மற்றும் 19ம் திகதிகளில்திட்டமிட்டவாறு அரசாங்கத்துடன் பேச்சுவார்த்தைகளை நடாத்த உத்தேசித்துள்ளதாக சம்பந்தன்தெரிவித்துள்ளார்

http://www.tamilthai...newsite/?p=3272

தென்னாபிரிக்காவில் பாதிக்கப்பட்டது - பெரும்பான்மை இனத்தவர்கள் வெள்ளையர்களால்.

இலங்கையில் பாதிக்கப்பட்டது - சிறுபான்மை இனத்தவர்கள் சிங்களவர்களால்.

தென்னாபிரிக்க வெள்ளையர்களின் மனப்பாங்கிற்கு சிங்களவர்கள் இன்னும் வரவில்லை, வரவும் மாட்டார்கள்.