யாழ்ப்பாணத்திலுள்ள பனைவளத்தின் அடையாளங்களினுள்  ஒன்றாகவுள்ள திக்கம் வடிசாலையினை அங்குள்ள சுமார் ஜந்து கோடி மதுசாரத்துடன் தெற்கினை சேர்ந்த தனியார் நிறுவனமொன்றிற்கு தாரை வார்க்க அமைச்சர் டக்ளஸ் தேவானந்தா முற்பட்டுள்ளதாக கே.சிவாஜிலிங்கம் குற்றஞ்சாட்டியுள்ளார்.பனை அபிவிருத்தி சபையின் கீழுள்ள குறித்த வடிசாலை பனை தென்னை வள கூட்டுறவு சங்கங்களது கொத்தணியின் கீழிருந்தது.அதன் பலாபலன்கள் வறிய சீவல் தொழிலாளிகள் மற்றும் அவர்களது குடும்பங்களே அனுபவித்து வந்திருந்த நிலையினில்  அதை தற்போது பனை அபிவிருத்தி சபை வசம் எடுத்துக்கொண்டுள்ளதுடன் தெற்கு சிங்கள தனியார் நிறுவத்திற்கு தாரை வார்க்க முற்பட்டுள்ளதாக அவர் குற்றஞ்சாட்டியுள்ளார்.

தான் இக்கோரிக்கையினை பகிரங்கமாக முன்வைப்பதாக தெரிவித்த அவர் அமைச்சர் டக்ளஸ் தேவானந்தா இவ்விடயத்தினில் பகிரங்கமாக செயற்பட அழைப்பு விடுத்துமுள்ளார்.

இதனிடையே குறித்த திக்கம் வடிசாலையினை தாம் கையகப்படுத்திக்கொள்ள அமைச்சர் டக்ளஸ் தேவானந்தாவின் சகோதரர் தயானந்தா முற்பட்டிருந்த நிலையினில் அது ஊடகங்கள் மூலம் அம்பலமாகியிருந்ததையடுத்து கைவிடப்பட்டிருந்தது. இந்நிலையினில் தற்போது இவ்விவகாரம் மீண்டும் சூடுபிடித்துள்ளது.

 

http://www.pathivu.com/news/29467/85//d,article_full.aspx

Edited February 5, 201411 yr by துளசி

 

தமிழ்த் தேசிய மக்கள் முன்னணி

திக்கம் வடிசாலையை விற்க முயலும் ஈபிடிபி யின் நடவடிக்கை பச்சைத் துரோகம் !

யாழ்ப்பாணத்திலுள்ள பனைவளங்களை நம்பி சீவியம் நடாத்தும் சுமார் அரை லட்சத்திற்கும் அதிகமான வறிய சீவல் தொழிலாளர்களின் வாழ்வில் மண்போடும் வகையில் திக்கம் வடிசாலையை தெற்கிலுள்ள தனியார் நிறுவனம் ஒன்றிற்கு விற்றுவிட ஈபிடிபி அமைப்பு முனைவதாக அறிய முடிகின்றது. அந்த வடிசாலையில் தற்போது சுமார் 5கோடி பெறுமதியான மதுசாரம் இருப்பதாகவும் அதனையும் சேர்த்து விற்றுப் பணம் சம்பாதித்துக் கொள்ள அந்த அமைப்பு முனைவதாகவும் பாதிக்கப்படும் தொழிலாளார்கள் தெரிவிக்கின்றனார்.

யுத்தம் தீவிரமாக நடைபெற்ற காலங்களில் தமிழீழ விடுதலைப் புலிகளது ஆளுகையின் கீழ் யாழ்ப்பாணம் இருந்த காலப்பகுதியில் வறிய சீவல் தொழிலாளார்களது வாழ்வாதரத்தை மேம்படுத்துவதற்காக குறித்த வடிசாலையை திறம்பட இயங்கச் செய்து அதன் மூலம் கிடைக்கும் வருவாய் மூலம் பல நூற்றாண்டுகளாக வறுமையில் உழலும் சீவல் தொழிலை நம்பி வாழும் குடும்பங்களின் வாழ்வாதாரத்தை மேம்படுத்தும் வகையில் பயன்படுத்தப்பட்டு வந்தது. அதற்காக மறைந்த மாமனிதர் கிட்டிணன் சிவநேசன் அவா்கள் கடுமையாக உழைத்திருந்தார்.

கடந்தகாலத்தில் பனை அபிவிருத்தி சபையின் கீழுள்ள குறித்த வடிசாலை பனை தென்னை வள கூட்டுறவு சங்கங்களது கொத்தணியின் கீழிருந்தது. அதன் பலாபலன்கள் வறிய சீவல் தொழிலாளிகள் மற்றும் அவர்களது குடும்பங்களே அனுபவித்து வந்திருந்தனார். அதை தற்போது பனை அபிவிருத்தி சபை வசம் எடுத்துக் கொண்டுள்ளதுடன் தெற்கு சிங்கள தனியார் நிறுவத்திற்கு வழங்க ஈபிடிபி அமைப்பானது முற்பட்டுள்ளமை எந்தவகையிலும் ஏற்றுக் கொள்ள முடியாத செயற்பாடாகும்.

செல்வராசா கஜேந்திரன் 

பொதுச்செயலாளார்

தமிழ்த் தேசிய மக்கள் முன்னணி.

https://www.facebook.com/