அரசுடன் இணைந்தது பௌத்த பேரினவாத கட்சியான ஜாதிக ஹெல உறுமய.

சிங்கள பௌத்த பேரினவாத இனவெறிக் கொள்கைகளைக் கொண்ட கட்சியாகக் கருதப்படும் ஜாதிக ஹெல உறுமயவினர் இன்று புதன்கிழமை சுதந்திரக் கட்சியில் இணைந்து கொண்டனர்.

ஏற்கனவே இந்தக் கட்சியிலிருந்து கருத்து பேதங்களால் வெளியேறிய வண. ஒமல்பே சோபித தேரவின் இடத்திற்கு, அக்கட்சியின் ஆலோசகராகவும் வன்முறை அரசியலை அக்கட்சிக்குள் புகுத்துபவராக அங்கம் வகித்து வரும் சம்பிக்க ரணவக்க நியமிக்கப்பட்டார்.

இதன்மூலம், ஒன்பது நாடாளுமன்ற உறுப்பினர்களைக் கொண்ட இந்தக் கட்சியினர், தங்களை ஆளும் சுதந்திரக் கட்சியுடன் இணைத்துக்கொண்டுள்ளனர்.

இனப்பிரச்சனைக்கு பேச்சுவார்த்தை மூலம் தீர்வு எட்டப்பட வேண்டும் என அனைத்துலக நாடுகளின் பிரதிநிதிகள் நேரடியாக அழுத்தம் கொடுத்த மறுநாள், இராணுவத்தீர்வை முன்வைத்து பௌத்த சிங்கள நாட்டை முழுமையாக உருவாக்க வேண்டும் எனக் கோரி வருவதுடன், தமிழர்கள் இலங்கையிலிருந்து முற்றாக வெளியேற்றப்பட வேண்டும் எனக் கோரிவரும் ஹெல உறுமயவை அரசில் அரச தலைவர் மகிந்த சேர்த்திருப்பதன் மூலம், அனைத்துலக சமூகத்திற்கு மகிந்தவின் இரட்டை வேடம் அம்பலமாகியிருக்கிறது.

-Puthinam-

பதவி ஆசை யாரைத்தான் விட்டது. மொட்டைகள் மட்டுமென்ன விதிவிலக்கா.

போன கிழமை ஜேவிபி மகிந்தாவுக்கான ஆதரவை விலக்கப் போவதாகச் சொன்னார்கள்.

இப்போது சத்தத்தைக் காணேல்லை.

மொட்டைக்குள்ள ஆசை நியாயமானது. எங்கட ஊடகங்களின் மண்டைக் குழப்பத்தை என்னென்றது.

அரசுடன் பேரினவாதக் கட்சி இணைவு. அப்படியென்றால் அரசு பேரினவாத அரசிலைய்யா..??! தென்னிலங்கைக் கட்சிகளில் எது பேரினவாதக் கட்சி இல்லை..???! நம்ம ஊடகங்களே அரசுக்கு சான்று வழங்கிடும் போல இருக்கே..நற்சான்றிதழ். குண்டு போட்டால் மட்டும் பேரினவாத பயங்கரவாத அரசு என்பார்கள்..??!

இலங்கை: ஆளும் கூட்டணியில் சேர்ந்தது புத்த துறவிகள் கட்சி

கொழும்பு, பிப். 1: இலங்கையில் அதிபர் ராஜபட்சய தலைமையிலான அரசில் சேரப்போவதாக புத்த துறவிகளின் ஜாதிகா ஹேள உருமய (ஜேஎச்யு) கட்சி புதன்கிழமை அறிவித்தது. மேலும் அமைச்சரவையில் தங்கள் சார்பில் ஒருவர் இடம்பெறுவார் என்றும் அக்கட்சி தெரிவித்துள்ளது.

இது தொடர்பாக அக் கட்சியின் நாடாளுமன்றக் குழுத் தலைவர் வெனாதுராலியே கூறியதாவது:

எங்கள் கட்சி அதிபர் ராஜபட்சய அரசை ஆதரிக்க முடிவு செய்துள்ளது. மொத்தம் உள்ள 9 உறுப்பினர்களில் ஓமல்பா சோபிதா பதவி விலக முடிவுசெய்துள்ளார். அவருக்குப் பதிலாக கட்சியின் அமைப்பாளர் சம்பிகா ரனவாகா நாடாளுமன்ற உறுப்பினராகிறார். சம்பிகா, துறவி அல்ல. எனவே அவர் அமைச்சரவையில் எங்கள் கட்சி சார்பில் இடம்பெறுவார் என்று தெரிவித்தார்.

225 உறுப்பினர்கள் கொண்ட இலங்கை நாடாளுமன்றத்தில் ஜேவிபி கட்சியைச் சேர்ந்த 38 பேர் உள்பட மொத்தம் 153 பேரது ஆதரவு ராஜபட்சய அரசுக்கு உள்ளது. இப்போது புத்த துறவிகள் கட்சியும் அரசில் இணைவதை அடுத்து ஆளுங்கட்சியின் பலம் 162 ஆக உயர்ந்துள்ளது.

http://www.dinamani.com

மகிந்தன் விரைவில் நாசமாகிப்போகப்போறான் என்பதை இச்செய்தி உறுதிப்படுத்துகிறது. மகிந்தனின் உல்லாசக் கப்பலில் ஏறி அரசியல் சுற்றுலா வருவதற்கு நிறையப் பயணிகள் ஏறிவிட்டார்கள். பழைய டைட்டானிக் கப்பல் போல் அல்லாது மகிந்தனின் கப்பல் ஆழ் கடலுக்குள் போகும் முன்பே விரைவில் மூழ்கப்போகின்றது.

ஏலேலோ ஐலசா ஏலேலோ ஐலசா.......

ஏலேலோ ஐலசா ஏலேலோ ஐலசா.......

உங்்க பாட்டு சுப்பர்

மகிந்தன் விரைவில் நாசமாகிப்போகப்போறான் என்பதை இச்செய்தி உறுதிப்படுத்துகிறது. மகிந்தனின் உல்லாசக் கப்பலில் ஏறி அரசியல் சுற்றுலா வருவதற்கு நிறையப் பயணிகள் ஏறிவிட்டார்கள். ...

நல்ல கற்பனை.

கப்பல் தாளப்போகிறது என்று தெரிந்தால் எல்லோரும் தாவிக் குதித்து தப்பித்துக் கொள்வார்கள்.

தாவுவதற்கு இவர்களுக்கு சொல்லித்தரத் தேவையில்லை.