வேலூருக்கு ஒரு பயணம் சென்றிருந்த போது உணவுக்காக தேசிய நெடுஞ்சாலையில் உள்ள துர்கா பவன் என்னும் உணவு விடுதியில் நுழைந்தோம். உணவு கிடைக்குமிடத்தில் கண்ட காட்சி எங்களை போன்ற தமிழ் உணர்வாளர்களை மகிழ்ச்சியில் ஆழ்த்தியது. இந்த உணவகத்தில் ஒரு பலகையில் திருக்குறளும் , அதன் விளக்கமும் எழுதப்பட்டிருந்தது. கூடவே அந்த நாளுக்கான அறிவுரையும் தமிழில் எழுதப்பட்டிருந்தது. இதை பார்த்த பின் சும்மா இருப்போமா, உடனே நம் படக் கருவியை எடுத்து அந்த காட்சியை படம் பிடித்தோம். பின்பு கடை உரிமையாளரிடம் பேச்சுக் கொடுத்தோம்.

அவர் கூறியதாவது, வயிற்றுப் பசிக்கு உணவு அருந்த இங்கு நிறைய பேர் வருகிறார்கள். எங்கள் உணவகத்தை போல் பல உணவு விடுதிகள் வயிற்றுப் பசிக்கு உணவு வழங்குகிறார்கள். நாங்கள் வயிற்றுக்கு மட்டுமின்றி அறிவுக்கும் உணவு கொடுக்கும் விதமாக தினமும் ஒரு திருக்குறளையும், அதன் விளக்கத்தையும் பலகையில் எழுதி வருகிறோம். இதனால் பலரும் ஒவ்வொரு நாளும் ஒரு நல்ல செய்தியை அறிந்து கொண்டு செல்கிறார்கள். எங்களால் முடிந்த வரை இது போல் தமிழ் பணியை செய்து வருகிறோம் என்று கூறினார். நாங்களும் வயிறார உண்டு, எங்கள் அறிவுப் பசியையும் சேர்த்தே தனித்துக் கொண்டு விடுதி உரிமையாளர்களுக்கு நன்றி சொல்லி, அவர்களையும் படம் எடுத்து விட்டு அங்கிருந்து நகர்ந்தோம்.

இந்த உணவகத்தில் , மொழியையும் அறிவையும் வளர்பதற்கு பல தமிழ் நூல்களையும் விற்பனைக்கு வைத்துள்ளனர். இப்படி பல வர்த்தக நிறுவனங்கள் தாங்கள் சார்ந்த சமூக பொறுப்பை உணர்ந்து இத்தகைய உயர்ந்த செயல்களை செய்ய முன் வந்தால், நம் தமிழ் நாட்டில் மொழியும், அறிவும் சேர்ந்தே மென்மேலும் வளரும் என்பதில் ஐயமில்லை.

http://www.eeladhesa...chten&Itemid=50

மிக்க மகிழ்ச்சி.  தமிழ் புட்டை சிறி லங்கன் பூட் என்று

விற்கும் எமது வெளிநாட்டு தமிழ் கடை லூசுகளை என்ன செய்வது? 

முன்பு சமாதானகாலத்தில் விடுதலைப்புலிகளின் கட்டுப்பாட்டுப் பிரதேசமான கிளிநொச்சியில் கடைகளின் பெயர்கள் தூய தமிழில் இருந்தன. பாண்டியன் சுவையகத்தில் உள்ளே பாரதிதாசன் உட்பட பல தமிழ் அறிஞர்களின் கருத்துக்கள் இருந்தன.