யாழ். இந்து மகளிர் கல்லூரி அதிபர் திருமதி வேதநாயகி பேரின்பநாதன் திடீரென யாழ். கல்வி வலயத்துக்கு இடமாற்றம் செய்யப்பட்டுள்ளார். வடமாகாண கல்வி அமைச்சின் செயலாளர் எஸ்.சத்தியசீலன் இந்த இடமாற்ற உத்தரவை வழங்கியுள்ளார். எனினும் அதற்கான காரணம் தெரிவிக்கப்படவில்லை.

இரு மாதங்களுக்கு முன்னர் இந்து மகளிர் கல்லூரி மாணவிகள் வகுப்புப் புறக்கணிப்பில் ஈடுபட்டார்கள் எனக் கூறப்படும் சம்பவம் தொடர்பில் வடமாகாண ஆளுநர் ஜி.ஏ.சந்திரசிறி விசாரணை மேற்கொண்டிருந்த நிலையில் கல்லூரி அதிபருக்கு இடமாற்றம் வழங்கப்பட்டுள்ளது.

இந்து மகளிர் கல்லூரி வாளகத்தில் அமைந்திருந்த நல்லூர் கோட்டக் கல்வி அலுவலகத்தை அகற்றுமாறு கோரியே மாணவிகள் வகுப்புப் புறக்கணிப்பில் ஈடுபட்டனர் என்று ஆளுநர் ஜி.ஏ.சந்திரசிறி விசாரணைகளை நடத்தியிருந்தார்.

இது தொடர்பில் 6 மாணவிகளை அழைத்து விசாரணை நடத்தியதன் பின்னர் இப்போது கல்லூரி அதிபருக்கு திடீர் இடமாற்றம் வழங்கப்பட்டுள்ளது.

திருமதி வேதநாயகி பேரின்பநாதன் 2005ஆம் ஆண்டு யாழ். இந்து மகளிர் கல்லூரி அதிபராகப் பதவியேற்றிருந்தார். அதன் பின்னர் கடந்த 7 வருடங்களாக அவர் பாடசாலையை திறம்பட நிர்வாகம் செய்துவந்தார். எனினும் பாடசாலை வளாகத்தில் இயங்கி வந்த நல்லூர் கோட்டப் பணிமனையின் அதிகாரியான மாணிக்கராசா அதிபருடன் கருத்து மோதல்களில் ஈடுபட்டு வந்தார். கோட்டக் கல்வி அதிகாரி , பாரம்பரிய கைத்தொழில்கள் மற்றும் சிறுகைத்தொழில் முயற்சி அபிவிருத்தி அமைச்சர் டக்ளஸ் தேவானந்தாவின் நெருங்கிய உறவினர்.

இரு தரப்பினரும் நீண்ட நாள்களாக ஒருவர் மீது ஒருவர் பல்வேறு குற்றச்சாட்டுக்களை பரஸ்பரம் தெரிவித்து வந்த நிலையில் இந்து மகளிர் கல்லூரி மாணவிகளால் கோட்டக் கல்விப் பணிமனையை அகற்றக் கோரி போராட்டம் நடத்தப்பட்டது எனக் கூறப்பட்டது.இதனை அடுத்து கோட்டக் கல்வி அலுவலகம் யாழ்ப்பாணக் கல்வி வலயம் அமைந்துள்ள முத்திரைச்சந்திக்கு இடமாற்றப்பட்டுள்ளது.

இந்தச் சம்பவம் தொடர்பில் அதிபரையும், கோட்டக் கல்விப் பணிப்பாளரையும் கொழும்புக்கு அழைத்து வடமாகாண ஆளுநர் ஜி.ஏ.சந்திரசிறி விசாரணைகளை நடத்தியிருந்தார்.

அதன் பின்னர் நடவடிக்கை ஏதுமின்றி 2 மாதங்கள் கழிந்த நிலையில் இப்போது அதிபருக்கு திடீரென இடமாற்றம் வழங்கப்பட்டுள்ளது.

மாகாணக் கல்வி அமைச்சின் செயலாளருக்கு அரசியல் கட்சி ஒன்றின் மேலிடத்திலிருந்து வழங்கப்பட்ட அழுத்தம் காரணமாகவே இந்த இடமாற்ற உத்தரவை அவர் பிறப்பித்தார் என்றும் “உதயனு’க்குத் தெரியவந்தது.

http://thaaitamil.com/?p=16624

நேற்று சிட்னியில் இந்த கல்லூரியின் பழைய மாணவிகள் சங்கம் மலரும் மாலைப்பொழுது என்ற ஒரு நிகழ்ச்சி நடாத்தினார்கள் .....

வடபகுதி ஆளுனரும் சிங்கள இனவழிப்பை யாழில் முன்னெடுத்துவரும் சந்திரசிறியின் இன்னொரு கல்வி அழித்தல் நடவடிக்கை.