http://govthamileela...er-rudrakumaran

நாடுகடந்த தமிழீழ அரசாங்கத்தின் பிரதமர் உருத்திரகுமாரன் அவர்கள் கனேடிய பல்கலாச்சாரத் தமிழ் வானொலியான சீ.எம்.ஆர். வானொலிக்கு வழங்கிய மூன்று நிமிட செவ்வியில், மே 18 2009ன் வரலாற்று நினைவுகள், ஈழத்தமிழர் தாயகத்திலும் தமிழர் வாழும் நாடுகள் எங்கிலும் பேணப்படல் வேண்டும். தலைமுறை தலைமுறையாக எடுத்துச் செல்லப்படல் வேண்டும் என்றார். தமிழீழ தேசிய துக்க நாள் அனுட்டானம் பற்றிக் கருத்துரைத்த அவர், “தேசிய துக்க நாள் என்பது நாம் துயரத்தால் வாடி நிற்கும் நாளல்ல, எமது தேசம் சுமந்த துயர்களை நினைவில் கொண்டு நாம் எழுச்சி கொள்ளும் நாள், நமது மக்களுக்கு நீதி கிடைப்பதற்கும், நாம் சுதந்திரமாகவும் பாதுகாப்பாகவும் வாழ்வதற்கு தமிழீழத் தனியரசே ஒரே வழி என உறுதி பூண்டு செயற்படுவதற்கு வழி சமைக்கும் நாள் மே 18 நமக்கு சொல்லும் சேதி தெளிவானது சிங்களத்தின் ஆக்கிரமிப்பை எதிர்த்து அரசியல் ஜனநாயக வழிகளில் போராடி ஈழத் தமிழர் தேசம் விடுதலை அடைய வேண்டும் என்பது தான் அச் செய்தி.” என்றார். தொடர்ந்து பேசிய அவர் ராணுவ ரீதியில் நடைபெற்ற போர் தான் முடிவுக்கு வந்துள்ளதே தவிர தமிழீழ விடுதலைக்கான போராட்டம் புதிய வடிவங்களிலும் பரிமாணங்களிலும் வீச்சாகத் தொடர்கின்றது என்றும் கூறினார்.

Edited April 29, 201213 yr by தமிழச்சி

குயின்ஸ் பார்க்கினை முந்திக் கொண்டு பதிவு செய்து குழப்பங்களை ஏற்படுத்த முயலும் நாடு கடந்த அரசின் செயல் சரியாகப்படவில்லை

எது சரி ? என்று எழுத வேண்டும். அதன்பின்னர் இது சரியில்லை என்று எழுத வேண்டும்.

ஒழுங்காக நடந்துகொண்டிருக்கும் நிகழ்வுகளை கையகப்படுத்த நினைத்து குளப்பியடிக்கும் தலைமைச்செயலகம் போல் நடக்கமுயலும் நா.க.அ.சரியில்லை.

குயின்ஸ் பார்க்கினை முந்திக் கொண்டு பதிவு செய்து குழப்பங்களை ஏற்படுத்த முயலும் நாடு கடந்த அரசின் செயல் சரியாகப்படவில்லை

குயின்ஸ் பார்க்கை பதிவு செய்து வைத்திருப்பது நாடு கடந்த தமிழீழ அரசாங்கத்தைச் சேர்ந்தவரா அல்லது கனேடியத் தமிழ் காங்கிரஸைச் சேர்ந்தவரா என்பதை உறுதிப்படுத்திவிட்டு எழுத முடியுமா?

என்று தணியும் எமது விடுதலைத்தாகம்?