ராஜீவ் காந்தி கொலை வழக்கில் தூக்குத் தண்டனை விதிக்கப்பட்ட பேரறிவாளன், சாந்தன், முருகன் ஆகிய 3 பேரின் தூக்குத் தண்டனைக்கு எதிரான மனு மீதான விசாரணை, சென்னை உயர் நீதிமன்றத்திலிருந்து உச்ச நீதிமன்றத்திற்கு மாற்றப்பட்டுள்ளது.

ராஜீவ் காந்தி கொலை வழக்கில் சாந்தன்,முருகன்,பேரறிவாளன்,நளினி ஆகியோருக்கு விதிக்கப்பட்ட தூக்குத் தண்டனையை உச்ச நீதிமன்றம் உறுதி செய்தது. இதில் நளினியின் தூக்குத் தண்டனை மட்டும் ஆயுள் தண்டனையாகக் குறைக்கப்பட்டது.

பேரறிவாளன் உள்ளிட்ட 3 பேரும் தங்களது தண்டனையைக் குறைக்கக் கோரி ஜனாதிபதியிடம் கருணை மனு அளித்தனர்.இந்த மனுக்களை நிராகரித்து ஜனாதிபதி, கடந்த ஆகஸ்ட் மாதம் உத்தரவிட்டார்.இதையடுத்து,வேலூர் சிறையில் அவர்களை செப்டம்பர் 9-ம் தேதி தூக்கிலிடுவதற்கு நாள் குறிக்கப்பட்டது.

இதனையடுத்து கருணை மனுவைப் பரிசீலிப்பதில் 11 ஆண்டுகள் காலதாமதம் ஏற்பட்டுள்ளதாகவும், இத்தனை ஆண்டுகள் தூக்குத் தண்டனை கைதிகளாக சிறையில் கழித்ததைக் கருத்தில் கொண்டு தண்டனையைக் குறைக்க வேண்டும் என்றும் பேரறிவாளன் உள்பட 3 பேர் உயர் நீதிமன்றத்தில் மனு தாக்கல் செய்தனர்.

இந்த மனுவை விசாரணைக்கு எடுத்துக்கொண்ட சென்னை உயர் நீதிமன்றம் தூக்குத் தண்டனையை நிறைவேற்றுவதற்கு இடைக்காலத் தடை விதித்தது.இந்த வழக்கில் மத்திய,மாநில அரசுகள் பதில் மனு தாக்கல் செய்யவும் உத்தரவிடப்பட்டது

இந்நிலையில், இவ்வழக்கு விசாரணையை சென்னை உயர் நீதிமன்றத்திலிருந்து வேறு மாநில நீதிமன்றத்திற்கு மாற்ற வேண்டும் எனக் கோரி வெங்கட் என்பவர் உச்ச நீதிமன்றத்தில் தாக்கல் செய்த மனு மீதான விசாரணை கடந்த வாரம் முடிவடைந்த நிலையில், தீர்ப்பு ஒத்திவைக்கப்பட்டிருந்தது.

இந்நிலையில் இவ்வழக்கில் இன்று தீர்ப்பு வழங்கிய உச்ச நீதிமன்றம் பேரறிவாளன், சாந்தன், முருகன் ஆகிய 3 பேரின் தண்டனை குறைப்பு மனு மீதான விசாரணையை சென்னை உயர் நீதிமன்றத்திலிருந்து உச்ச நீதிமன்றத்திற்கு மாற்றி உத்தரவிட்டனர்.

இவ்வழக்கு தொடர்பான அனைத்து ஆவணங்களையும் உச்ச நீதிமன்றத்திடம் ஒப்படைக்க வேண்டும் என்றும் சென்னை உயர் நீதிமன்ற பதிவாளருக்கு நீதிபதிகள் உத்தரவிட்டனர்.

அத்துடன் இவ்வழக்கின் விசாரணையை வருகிற ஜூலை மாதம் 10 ஆம் தேதி தொடங்கும் என்றும் உச்ச நீதிமன்றம் தெரிவித்தது.

http://news.vikatan.com/?nid=7785

இதற்குப் பிறகாவது, அவர்கள் குடும்பத்துடன் சேர்ந்திருக்க... நல்ல தீர்ப்பை கொடுக்கணும்.

தீர்ப்பு என்ன தீர்ப்பு அதான் அவர்களின் வாழ்நாளே ஜெயிலில் தீர்ந்து போச்சே ..........

நல்ல ஜனநாயக நாடு தங்களை தாங்களே சொல்லி கொண்டே .............. இருக்கவேண்டியதுதான்.

உச்ச நீதிமன்றத்தில் ஹிந்தி பேசும் வக்கீல்கள் கொடிதானே பறக்கும்.

நிலைமை கவலைக்கிடம் தான் போல் தோன்றுகிறது.

இந்தி பேசும் வக்கீல்கள் என பொதுபடையாக சொல்ல முடியாது. அங்கே நிறைய தமிழ் பேசும் வக்கீல்களும் உள்ளனர்

ஜனாதிபதி மட்டுமே நீதிமன்றங்களை விட மேலானவர். அவரே நிராகரித்த பின் நடக்கும் வழக்குகள் சட்டபடி நீதிமன்றத்தில் நிற்காது. இதுவே நடைமுறை.